完整藏文原文 · 德格版页 当前仅加载第 50 函德格 76a 版页；藏文 NFD、目录标记与异常页序保留在来源切片中，重复版页行以稳定序号区分。
བཅོམ་ལྡན་འདས་དེའི་དྲུང་དུ་སོང་ཞིག །བཅོམ་ལྡན་འདས་དེ་ཁྱོད་གཟིགས་པར་བཞེད་ཀྱིས་སྒྲ་གཅན་ཟིན་ཁྱོད་ངའི་ངག་མ་གཅོག་པར་སོང་ཞིག །བཅོམ་ལྡན་འདས་དེའི་སྐུ་འོ་བརྒྱལ་བར་མ་བྱེད། སྒྲ་གཅན་ཟིན་ཁྱོད་ངེས་པར་དེ་ན་འདུག་དགོས་སོ། །
D111.050.0076a01.01དེ་ཅིའི་ཕྱིར་ཞེ་ན། སྒྲ་གཅན་ཟིན་སངས་རྒྱས་བཅོམ་ལྡན་འདས་རྣམས་ཆོས་ཉིད་ཀྱིས་དེ་བཞིན་གཤེགས་པ་བྱམས་པས་ཁྱབ་པར་མཛད་པ་དང་། གང་དགོངས་པར་མཛད་པ་དང་། གང་ཞིག་བཞེད་ན་དེ་དག་ངེས་པར་ཡོངས་སུ་མྱ་ངན་ལས་མི་འདའ་སྟེ། དེའི་ཚེ་དེ་དག་ངེས་པར་བཞུགས་
D111.050.0076a02.01པར་འགྱུར་རོ། །སྒྲ་གཅན་ཟིན་དེ་བཞིན་གཤེགས་པ་དེ་ཁྱོད་གཟིགས་པར་བཞེད་ཀྱིས་སོང་ལ་ཁྱོད་ངེས་པར་དེ་ན་གནས་པར་གྱིས་ཤིག །དེ་ནས་ཚེ་དང་ལྡན་པ་སྒྲ་གཅན་ཟིན་གྱིས་བཅོམ་ལྡན་འདས་དེ་བཞིན་གཤེགས་པ་དེད་དཔོན་གྱི་ཞབས་ལ་མགོ་བོས་ཕྱག་འཚལ་ནས། འདི་ལྟ་སྟེ་
D111.050.0076a03.01དཔེར་ན། སྐྱེས་བུ་སྟོབས་དང་ལྡན་པའི་ལག་པ་བསྐུམ་པ་ལས་རྐྱོང་བའམ། བརྐྱང་བ་ལས་སྐུམ་པ་དེ་བཞིན་དུ་ཚེ་དང་ལྡན་པ་སྒྲ་གཅན་ཟིན། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེད་དཔོན་གྱི་སངས་རྒྱས་ཀྱི་ཞིང་ནས་མི་སྣང་
D111.050.0076a04.01བར་གྱུར་ཏེ། ཀུ་ཤའི་གྲོང་ཁྱེར་གྱད་རྣམས་ཉེ་བར་གནས་པའི་ཤིང་སཱ་ལའི་ཚལ་ཤིང་སཱ་ལ་ཟུང་གི་བར་བཅོམ་ལྡན་འདས་གང་ན་བ་དེར་སོང་སྟེ་ཕྱིན་པ་དང་། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས་ལན་གསུམ་བསྐོར་བ་བྱས་ཏེ་ངུ་ཞིང་སྨྲེ་སྔགས་འདོན། མཆི་མ་བྱུང་བཞིན་
D111.050.0076a05.01དུ་ཐལ་མོ་སྦྱར་ཏེ་ཕྱོགས་གཅིག་ཏུ་འདུག་གོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་སྒྲ་གཅན་ཟིན་ལ་འདི་སྐད་ཅེས་བཀའ་སྩལ་ཏོ། །སྒྲ་གཅན་ཟིན་ཚུར་ཤོག །སྒྲ་གཅན་ཟིན་ཁྱོད་མི་དགར་མ་བྱེད་མ་ངུ་སྨྲེ་སྔགས་མ་འདོན་ཡི་མ་འཆད་ཅིག །སྒྲ་གཅན་ཟིན་ཁྱོད་
D111.050.0076a06.01ཀྱིས་ང་ལ་ཕའི་བྱ་བ་བྱས། ངས་ཀྱང་བུ་ཁྱོད་ལ་བུའི་བྱ་བ་བྱས་སོ། །སྒྲ་གཅན་ཟིན་དེ་ལྟར་ངས་ཕའི་བྱ་བ་བྱས། ཁྱོད་ཀྱིས་ཀྱང་བུའི་བྱ་བ་བྱས་ཏེ། བདག་ཅག་གཉི་གས་ཀྱང་བྱ་བ་བྱས་ཤིང་བྱེད་པ་བྱས་ཟིན་གྱིས་སྒྲ་གཅན་ཟིན་ཁྱོད་མྱ་ངན་མ་བྱེད། སྨྲེ་སྔགས་མ་འདོན། ཡི་
D111.050.0076a07.01