完整藏文原文 · 德格版页 当前仅加载第 2 函德格 316a 版页；藏文 NFD、目录标记与异常页序保留在来源切片中，重复版页行以稳定序号区分。
བཅོམ་པ་ཉིད་མངོན་སུམ་དུ་བྱས་སོ། །བྷ་ར་དྭ་ཛས་ཀྱང་བཀླགས་ཤིང་བཏོན་པས་སྡེ་སྣོད་གསུམ་ལ་བྱང་བར་གྱུར་ཏེ། སྡེ་སྣོད་གསུམ་གྱི་ཆོས་ཀྱི་གཏམ་ལ་རིགས་པ་དང་གྲོལ་བའི་སྤོབས་པ་དང་ལྡན་པར་གྱུར་ཏོ། །དེས་ཇི་ཙམ་ན་ཁྱིམ་བདག་གཅིག་ལ་
D1.002.0316a01.01བསྐུལ་ནས། དེས་དེའི་ཆེད་དུ་གཙུག་ལག་ཁང་ཡོ་བྱད་ཐམས་ཅད་དང་ལྡན་པ་ཞིག་རྩིག་ཏུ་བཅུག་གོ། །དེ་ནས་དེས་ཕུ་བོ་གནས་འཇོག་ལ་སྤྲིང་བ། ལྷན་ཅིག་འཁོད་ཀྱིས་ཤོག་ཤིག །དེས་ཐོས་ནས་འོངས་སོ། །དེ་ནས་ཁྱིམ་བདག་དེས་སྤྱོད་ལམ་ཞི་བ། ལུས་མཛེས་
D1.002.0316a02.01པ། སེམས་དང་བ་དེ་མཐོང་ངོ་། །དེ་མཐོང་ནས་མངོན་པར་དད་པར་གྱུར་ཏེ། དེ་དད་པ་སྐྱེས་ནས་ཁ་ཟས་བསོད་པས་ཚིམ་པར་བྱས་ཏེ་ཆེན་པོ་ལ་འོས་པའི་རས་ཟུང་གཅིག་བསྐོན་ཏོ། །དེ་ནས་བྷ་ར་དྭ་ཛ་ཕྲག་དོག་སྐྱེས་ནས་བདག་ནི་འདིའི་ཐམས་ཅད་ལ་སྔོན་དུ་འགྲོ་བ་ཡིན་
D1.002.0316a03.01ན། བདག་ལ་ནི་འདིས་ལན་འགའ་ཡང་རས་མ་བྱིན། འདི་ནི་འོངས་ནས་རིང་པོར་མ་ལོན་པ་ཁོ་ནར་རས་ཟུང་བསྐོན་ནོ་སྙམ་ནས། དེ་ཕུ་བོ་གནས་འཇོག་ལ་ཉེས་པའི་གླགས་ཚོལ་བར་གྱུར་ཏོ། །དེས་དེ་ཚོར་ནས་བསམས་པ། འདི་ནི་ཕྲག་དོག་གི་རང་བཞིན་ཅན་
D1.002.0316a04.01ཡིན་པས་གལ་ཏེ། བདག་གིས་འདི་ལ་རས་ཟུང་འདི་མ་བྱིན་པར་གྱུར་ན་ལྷག་པར་ཡང་མི་དགའ་བ་མྱོང་བར་འགྱུར་རོ་སྙམ་ནས། དེས་དེ་ལ་བྱིན་ན་འོན་ཀྱང་དེ་ཉེས་པའི་གླགས་ཚོལ་བ་ལྷུར་ལེན་ཅིང་འདུག་གོ། །ཁྱིམ་བདག་དེའི་མངག་གཞུག་མ་བུ་མོ་ཞིག་གཙུག་ལག་
D1.002.0316a05.01ཁང་དེར་སོང་ཞིང་བྱི་དོར་གྱི་ལས་བྱེད་དོ། །བྷ་ར་དྭ་ཛས་དེ་ལ་སྨྲས་པ། བུ་མོ་ཁོ་བོས་རས་ཟུང་འདི་ཁྱོད་ལ་སྦྱིན་གྱིས། ཁྱོད་ཀྱིས་ཁོ་བོའི་ཚིག་བཞིན་བྱོས་ཤིག །དེས་སྨྲས་པ། འཕགས་པ་བདག་གིས་ཅི་ཞིག་བགྱི། ཁྱོད་ཁོ་བོའི་རས་ཟུང་འདི་གྱོན་ལ་ཁྱིམ་
D1.002.0316a06.01གྱི་བྱི་དོར་གྱི་ལས་བྱོས་ཤིག །གལ་ཏེ་ཁྱིམ་བདག་གིས་ཁྱོད་ཀྱི་རས་ཟུང་འདི་ག་ལས་འོངས་ཞེས་འདྲི་དང་། འཕགས་པ་གནས་འཇོག་གིས་བདག་ལ་སྩལ་ཏོ་ཞེས་སྨྲོས་ཤིག །གལ་ཏེ་ཅིའི་ཕྱིར་འདྲི་དང་། དཔོན་པོ་སྐྱེས་པ་རྣམས་ཀྱིས་བུད་མེད་རྣམས་ལ་ཅིའི་སླད་དུ་སྩོལ་
D1.002.0316a07.01