完整藏文原文 · 德格版页 当前仅加载第 2 函德格 99a 版页；藏文 NFD、目录标记与异常页序保留在来源切片中，重复版页行以稳定序号区分。
ཆེན་པོའི་ལུས་ལ་ལན་བདུན་དུ་དཀྲིས་ཏེ་སྟེང་ནས་མགོའི་གདེངས་ཀ་ཆེན་པོ་བྱས་ནས་འདུག་གོ། །དྲང་སྲོང་རྣམས་ཀྱི་ཆོས་ཉིད་ཀྱིས་གལ་ཏེ་སྡུག་བསྔལ་ལ་མ་བསམས་ན་དྲང་སྲོང་གི་ཆོས་ལས་ཉམས་པར་འགྱུར་བས་དེ་ནས་དྲང་སྲོང་དེ་འདི་སྙམ་དུ་སེམས་ཏེ། རབ་
D1.002.0099a01.01ཏུ་བྱུང་བ་དེ་རླུང་དང་ཆར་དྲག་གིས་ཉེན་ནས་ཤི་བར་གྱུར་ཏེ། བདག་དྲང་སྲོང་གི་ཆོས་ལས་ཉམས་པར་གྱུར་ན་མི་རུང་ངོ་སྙམ་ནས། དེ་ནས་བསྟི་གནས་དེ་ནས་ཕྱིར་བྱུང་སྟེ། བལྟ་བར་བརྩམས་པ་ན། དེས་དེ་མཐོང་ནས་སྨྲས་པ། ཀྱེ་རབ་ཏུ་བྱུང་བ་ཁོ་བོ་ཅག་གི་བསྟི་
D1.002.0099a02.01གནས་སུ་ཞུགས་ཤིག །དེས་སྨྲས་པ། དྲང་སྲོང་ཆེན་པོ་ཁྱོད་དྲང་སྲོང་གི་ཆོས་དེ་ལས་ཉམས་པར་གྱུར་ཏམ། དྲང་སྲོང་དེས་དེའི་ང་རོ་ལས་ངོ་ཤེས་ནས་སྨྲས་པ། འཕགས་པ་མཽད་གལ་གྱི་བུ་ཆེན་པོ་ལགས་སམ། དྲང་སྲོང་བདག་སྐྱེ་བོས་དེ་ལྟར་ཤེས་སོ། །འཕགས་
D1.002.0099a03.01པ་དོན་ཅི་ཞིག་ལ་བྱོན། ཁྱོད་ཉིད་ཀྱི་གདུལ་བའི་དུས་ཤེས་ནས་འོངས་སོ་ཚུར་སྤྱོན་བཅོམ་ལྡན་འདས་ཀྱི་དྲུང་དུ་བཞུད་དོ། །དེ་ནས་ཚེ་དང་ལྡན་པ་མཽད་གལ་གྱི་བུ་ཆེན་པོས་ཞང་པོ་ཁྲིད་ནས་བཅོམ་ལྡན་འདས་གང་ན་བ་དེར་སོང་སྟེ་ཕྱིན་པ་དང་། བཅོམ་ལྡན་འདས་ཀྱི་ཞབས་
D1.002.0099a04.01གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་ནས། ཚེ་དང་ལྡན་པ་མཽད་གལ་གྱི་བུ་ཆེན་པོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བདག་གི་ཞང་པོ་དྲང་སྲོང་གི་ནང་དུ་རབ་ཏུ་བྱུང་བ་འདི་ལགས་ན། བཅོམ་ལྡན་འདས་ཀྱིས་འདི་ལ་ཆོས་བཤད་པའི་རིགས་
D1.002.0099a05.01སོ། །དེ་ནས་བཅོམ་ལྡན་འདས་ཀྱིས་དྲང་སྲོང་དེའི་བསམ་པ་དང་། བག་ལ་ཉལ་དང་། ཁམས་དང་། རང་བཞིན་མཁྱེན་ནས་དེ་དང་མཐུན་པའི་ཆོས་བཤད་པ་མཛད་དེ། དེ་ཐོས་པས་དྲང་སྲོང་དེས་ཕྱིར་མི་འོང་བའི་འབྲས་བུ་མངོན་སུམ་དུ་བྱས་ནས་དེ་ནས་སྟན་ལས་ལངས་ཏེ་བླ་
D1.002.0099a06.01གོས་ཕྲག་པ་གཅིག་ཏུ་གཟར་ནས་བཅོམ་ལྡན་འདས་གང་ན་བ་དེ་ལོགས་སུ་ཐལ་མོ་སྦྱར་བ་བཏུད་དེ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བདག་ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་བ་དང་བསྙེན་པར་རྫོགས་པ་དགེ་སློང་གི་དངོས་པོ་འཐོབ་པ་ལྟ་ན།
D1.002.0099a07.01