'dul ba gzhi/
当前为德格木刻版 96b。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 96b
- 可引用原文
- 7 行
- 全文规模
- 全经 17054 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函目录 · 5 函第 2 函 · 德格 96b
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文སོ། །བྲམ་ཟེ་ནྱ་གྲོ་དྷ་དེའི་ས་བོན་ཚད་ཇི་ཙམ་ཞིག་ཡོད། ཅི་རེ་ཞིག་ཞིང་རྣང་ཙམ་མམ། ཀྱེ་གཽ་ཏ་མ་མ་ལགས་སོ། །རེ་ལྡེ་ཙམ་མམ། ཏིལ་འདྲུ་བའི་འཁོར་ལོ་ཙམ་མམ། ཤིང་རྟའི་འཁོར་ལོ་ཙམ་མམ། བའི་ཀོ་བ་ཙམ་མམ། བིལ་བ་ཙམ་མམ། ཀ་པིད་ཐའི་འབྲས་བུ་ཙམ་མམ། ཀྱེ་གཽ་ཏ་མ་མ་ལགས་སོ། །ཀྱེ་གཽ་ཏ་མ་ཡེ་ཡུངས་ཀར་གྱི་བཞི་ཆ་ཙམ་མཆིས་ལགས་སོ། །བྲམ་ཟེ་ས་བོན་དེ་ཙམ་གྱི་འབྲས་བུ་ཤིང་ཆེན་པོ་དེ་ཙམ་ཞིག་སྐྱེས་སོ་ཞེས་བྱ་བ་ཁྱོད་ལ་སུ་ཞིག་ཡིད་ཆེས་པར་འགྱུར། ཤེས་ལྡན་གཽ་ཏ་མ་ཡིད་ཆེས་ཀྱང་
རུང་མ་ཆེས་ཀྱང་རུང་བདག་གི་མངོན་སུམ་དུ་གྱུར་ལགས་སོ། །ཀྱེ་གཽ་ཏ་མ་རེ་ཞིག་ཞིང་སྣག་ཆེ་བ་སེར་སྨེ་བ་དོག་ས་ཚྭ་སྒོ་མ་མཆིས་པའི་ཕྱོགས་སུ་ས་བོན་སར་པ་གྲུང་པོ་མ་ཉམས་པར་མཆིས་པ་ལ་དུས་དུས་སུ་ལྷས་ཆར་ཕབ་ན་དེས་ན་ཤིང་ནྱ་གྲོ་དྷ་ཆེན་པོ་འདིར་འཁྲུངས་ལགས་སོ། །དེ་ནས་བཅོམ་ལྡན་འདས་ཀྱིས་བྱུང་བ་དེ་ལ་ཚིགས་སུ་བཅད་དེ་བཀའ་སྩལ་པ། བྲམ་ཟེ་ཁྱོད་ཀྱིས་ཇི་ལྟ་བུར། །ཞིང་དང་ས་བོན་མངོན་སུམ་ལྟར། །དེ་བཞིན་ལས་ཀྱི་རྣམ་སྨིན་ཡང་། །དེ་བཞིན་གཤེགས་པའི་མངོན་སུམ་མོ། །ཇི་ལྟར་བྲམ་ཟེ་
ཁྱོད་ཀྱི་ས་བོན་ནི། །ཆུང་དང་ཤིན་ཏུ་ཤིང་ཆེན་དེ་མཐོང་བ། །བྲམ་ཟེ་ངས་ཀྱང་ས་བོན་ཆུང་ངུ་དང་། །ཕུན་སུམ་ཆེན་པོ་དེ་ཡང་དེ་བཞིན་མཐོང་། །དེ་ནས་བཅོམ་ལྡན་འདས་ཀྱིས་ཞལ་ནས་ལྗགས་བརྐྱང་བས་དབུ་སྐྲ་ལ་ཐུག་པའི་བར་ཞལ་གྱི་དཀྱིལ་འཁོར་ཐམས་ཅད་གཡོགས་ནས་བྲམ་ཟེ་དེ་ལ་བཀའ་སྩལ་པ། བྲམ་ཟེ་དེ་ཇི་སྙམ་དུ་སེམས། གང་གི་ཞལ་ནས་ལྗགས་བྱུང་བས་ཞལ་གྱི་དཀྱིལ་འཁོར་ཐམས་ཅད་ཡོག་པར་བྱེད་པ་དེ་ཅི་ག་འཁོར་ལོས་སྒྱུར་བའི་རྒྱལ་སྲིད་སྟོང་གི་ཕྱིར་ཡང་ཤེས་བཞིན་དུ་{བརྫུན་,རྫུན་}གྱི་ཚིག་གསུང་ངམ།
ཀྱེ་གཽ་ཏ་མ་མ་ལགས་སོ། །བཅོམ་ལྡན་འདས་ཀྱིས་ཚིགས་སུ་བཅད་དེ་བཀའ་སྩལ་པ། ང་ཡི་ལྗགས་ནི་སྒྱུ་མེད་བདེན་པས་བསྐྱེད་པ་དག །ཅི་ག་མི་བདེན་པ་ནི་གསུང་བར་འགྱུར་སྲིད་དམ། །བྲམ་ཟེ་ང་ཡིས་ཇི་སྐད་བཤད་པ་དེ་བཞིན་པས། །དེ་བཞིན་གཤེགས་པ་
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D1
- 德格版页
- 96b
- 显示
- 忠实保留藏文原典·未添加机器译文
研究边界
书目关系边界：BDRC WA0RK0001 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。