完整藏文原文 · 德格版页 当前仅加载第 2 函德格 126a 版页；藏文 NFD、目录标记与异常页序保留在来源切片中，重复版页行以稳定序号区分。
དང་ལྷ་དང་ལྷ་མིན་གནོད་སྦྱིན་དང་། །སྲིན་པོ་ཡིད་གཉིས་བསལ་རྣམས་ཐུབ་པ་ཆེ། །ཁྱོད་ཀྱི་ཞབས་ལ་ཕྱག་འཚལ་སླར་མཆིའོ། །བཞེངས་དང་བཞུགས་དང་གཤེགས་དང་བཞུད་པ་དང་། །མནལ་དང་མི་གསུང་ཡང་ན་གསུང་བའམ། །འོན་
D1.002.0126a01.01ཏེ་ལྷུང་བཟེད་ཆོས་གོས་བསྣམས་པ་དག །གཽ་ཏམ་ཁྱོད་ཀྱི་ཐམས་ཅད་མཛེས་པ་ཉིད། །ཐོགས་པ་མེད་མངའ་མི་མྱུར་མཉམ་པས་ན། །གསུང་ནི་སྙན་པའི་ཡོན་ཏན་རྣམས་དང་ལྡན། །མི་ཡི་མཆོག་ནི་དུས་སུ་གསུང་བས་ན། །གསུང་གི་ཟློས་པ་རྣམ་པར་སྤངས་པ་
D1.002.0126a02.01ལགས། །འཇིག་རྟེན་ན་ནི་སྟོབས་དང་ལྡན་པར་གྲགས། །སྐྱེས་བུ་མཁྱེན་པ་སྐྱེས་བུ་ཁྱུ་མཆོག་གཙོ། །འཇིག་རྟེན་ལྷར་བཅས་འདི་ནི་མཐའ་དག་ལ། །ང་རྒྱལ་མི་མངའ་ཁྱད་དུ་གསོད་མི་མཛད། །མཛའ་བ་དང་ནི་མཛའ་བ་མ་ལགས་དང་། །མཐུན་པ་དང་ནི་
D1.002.0126a03.01མཐུན་པ་མ་ལགས་དང་། །གཡོ་དང་མི་གཡོ་རང་བཞིན་གནས་པ་ལ། །ངོ་མཚར་འཛིན་པ་ནམ་ཡང་མི་མངའོ། །སྨྲེ་སྔགས་འདོན་ཅིང་སྙིང་བརྩེར་སྨྲ་བ་དང་། །ཁ་ཆུ་འཛགས་པས་ཉམ་ཐག་སྐད་འབྱིན་དང་། །ཡོངས་སུ་གདུངས་དང་རྣམ་པར་གདུངས་ལྡན་དང་། །
D1.002.0126a04.01འཇིགས་དང་རིམས་ནད་མྱ་ངན་གྱིས་ཉེན་པ། །སྡུག་བསྔལ་རྣམ་པ་བརྒྱ་ཡིས་གཙེས་པ་དང་། །ཡུན་རིང་ནས་ནི་མགོན་མེད་བདེ་བ་མེད། །སྲིད་པའི་སྲེད་པར་ཞུགས་ཤིང་མུན་བསྒྲིབས་པའི། །འགྲོ་བ་འཁྲུགས་པ་ལ་ནི་རབ་གཟིགས་ནས། །བདག་ཉིད་རྣམ་
D1.002.0126a05.01པ་སྣ་ཚོགས་མཐུ་དག་གིས། །ཐུབ་པ་ཐུགས་རྗེ་ཆེན་པོ་འཇུག་མཛད་ཅིང་། །ཤཱཀྱ་སྐྱེས་ཀྱི་མཆོག་ནི་ཁྱོད་ཉིད་ཀྱིས། །ཕོངས་པར་གྱུར་རྣམས་དགྲོལ་ཕྱིར་བརྩོན་པར་མཛད། །སྲིད་པའི་སྡུག་བསྔལ་རྒྱུ་དང་བཅས་འདི་དང་། །སྲིད་པའི་སྡུག་བསྔལ་ཟད་པ་གང་ཡིན་
D1.002.0126a06.01དང་། །སྲིད་པའི་སྡུག་བསྔལ་འགོག་པར་འགྲོ་བ་ཡི། །ལམ་ནི་མཚུངས་པ་མེད་པ་ཁྱོད་ཀྱིས་བཤད། །རྣམ་པར་འདྲེན་པ་ཆེན་པོ་བརྩོན་འགྲུས་ཆེ། །རབ་མཆོག་ཕ་རོལ་སྨྲ་བ་རྣམས་ཀྱི་མཆོག །འཇིག་རྟེན་གསུམ་ན་ཁྱོད་མཚུངས་མ་མཆིས་ན། །ཁྱོད་ལས་
D1.002.0126a07.01