'dul ba gzhi/
当前为德格木刻版 251a。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 251a
- 可引用原文
- 7 行
- 全文规模
- 全经 17054 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函目录 · 5 函第 2 函 · 德格 251a
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文འཕངས་པས་ལྗང་གུའི་སྙིང་གར་ཕོག་པར་གྱུར་ཏོ། །དེ་ནས་མདས་གནད་དུ་ཕོག་པས་ས་ལ་འགྱེལ་ཀྱང་དེ་རང་གི་སྡུག་བསྔལ་ཁྱད་དུ་བསད་ནས་ཕ་མ་ཁོ་ནའི་མྱ་ངན་བྱེད་ཅིང་སྨྲས་པ། མདའ་གཅིག་བསྣུན་པས་བདག་དང་ནི། །དབང་པོ་ཉམས་པར་གྱུར་པ་ཡི། །ཕ་དང་དེ་བཞིན་མ་དག་དང་། །བདག་ཅག་སྐྱེ་བོ་གསུམ་བསད་དོ། །དེ་ནས་རྒྱལ་པོས་དེ་ཐོས་ནས་འོངས་ཏེ་དྲིས་པ། ཅི་སྟེ་ངའི་མདའ་གཅིག་བསྣུན་པས་སྐྱེ་བོ་གསུམ་བསད། དེ་ནས་ལྗང་གུ་སྙིང་རྗེ་རྗེ་སྐད་དུ་ངུས་ནས་རྒྱལ་པོ་ལ་སྨྲས་པ།
བདག་བས་ཆེས་ནི་ཉམ་ཆུང་བའི། །ཕ་མ་ཡང་ནི་ལྡོངས་པར་གྱུར། །བདག་ཀྱང་མདའ་ཡིས་བསྣུན་པས་ན། །སྐྱེ་བོ་གསུམ་ནི་འཆི་བར་འགྱུར། །དེ་ནས་རྒྱལ་པོ་འཇིགས་ཤིང་སྐྲག་ལ་སྔངས་ནས་ལྗང་གུ་ལ་འདི་སྐད་ཅེས་སྨྲས་སོ། །བྲམ་ཟེའི་ཁྱེའུ་ངས་ཉེས་པ་བྱས་ཏེ་མ་ཤེས་ནས་མདའ་འཕངས་ཀྱིས་ང་ལ་དམོད་པ་འདོར་དུ་མི་གཞུག་པར་ཕ་མ་ལ་གསོལ་བ་བྱ་བའི་རིགས་སོ། །དེ་ནས་ལྗང་གུས་གུས་པ་དང་བཅས་པས་རྒྱལ་པོ་དབུགས་འབྱིན་པར་བྱེད་དེ། རྒྱལ་པོ་ཆེན་པོ་བདག་དང་ཉེ་བར་མཆིས་པ་རྣམས་ལ་
དབང་ཞིག་མཆིས་ན་སྙིང་རྗེ་ཅན་དང་། སྐྱེ་བོ་ལ་བྱམས་པ་དང་། འཇིག་རྟེན་ཕ་རོལ་ལ་ལྟ་བ་ལགས་པས་དམོད་པས་མ་བསྙེངས་ཤིག །ཡང་སྨྲས་པ། བདག་གི་བླ་མ་གང་ན་བར། །རིལ་བ་འདི་ནི་སྣོམས་མཛོད་ཅིག །དེ་དག་གི་ནི་རྐང་བཀྲུ་བ། །ཐ་མ་འདི་ནི་ལགས་པར་འགྱུར། །བདག་གི་ཚིག་གིས་རྐང་པ་ལ་ཕྱག་མཛོད་ལ་འདི་སྐད་རིང་པོར་མི་ཐོགས་པར་མཐར་ནི་གདོན་མི་ཟ་བར་འབྲལ་བར་འགྱུར་རོ་ཞེས་ཀྱང་གསུངས་ཤིག །དེ་ནས་རྒྱལ་པོ་རང་ཁོ་ནས་རིལ་བ་ཁྱེར་ཏེ་ནགས་ཁྲོད་དུ་ཆས་པ་དང་། དེའི་
ཚེ་ཕྱོགས་བཞིར་མི་མ་ཡིན་པ་ཆེ་ཐང་དུ་འཁྲུགས་པར་གྱུར་ཏོ། །དེ་ནས་ལོང་བ་དེ་གཉིས་གཅིག་ལ་གཅིག་སྨྲས་པ། ལྗང་གུ་འདི་ནི་མཚོའི་འགྲམ་དུ་རིང་མོ་ཞིག་ལོན་ནོ། །དེ་ནས་དེའི་མས་སྨྲས་པ། ད་ལྟར་ཁོ་མོའི་ལྗང་གུ་དེ། །པད་མ་ཨུཏྤལ་གང་བའི་མཚོ། །
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D1
- 德格版页
- 251a
- 显示
- 忠实保留藏文原典·未添加机器译文
研究边界
书目关系边界：BDRC WA0RK0001 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。