完整藏文原文 · 德格版页 当前仅加载第 2 函德格 57a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱི་ཕྱོགས་གཞན་ཞིག་ཏུ་འཛུམ་པ་མཛད་དོ་ཞེས་བྱ་བ་ནས་སངས་རྒྱས་བཞིའི་གདན་ཡིན་ནོ་ཞེས་བྱ་བ་དང་། སྐད་ཅིག་གཅིག་བཞུགས་ནས་ཞེས་བྱ་བ་རྒྱས་པར་གོང་མ་བཞིན་ནོ། །ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་ས་ལ་གང་ན་བར་
D1.002.0057a01.01འདོང་ངོ་། །བཙུན་པ་བཀའ་བཞིན་འཚལ་ཞེས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ཀྱི་ལྟར་མཉན་ནས་བཅོམ་ལྡན་འདས་སྤོང་བྱེད་ནས་ལྗོངས་རྒྱུ་ཞིང་གཤེགས་པ་དང་ས་ལར་བྱོན་ནས་ས་ལའི་བྲམ་ཟེའི་གྲོང་ན་བཞུགས་སོ། །དེ་ནས་བཅོམ་ལྡན་འདས་སྔ་དྲོ་ན་བཟའ་
D1.002.0057a02.01ཤམ་ཐབས་མནབས། ལྷུང་བཟེད་དང་ཆོས་གོས་བསྣམས་ཏེ་ས་ལར་བསོད་སྙོམས་ལ་ཞུགས་སོ། །དེ་ནས་བདུད་སྡིག་ཅན་འདི་སྙམ་དུ་སེམས་ཏེ། དགེ་སྦྱོང་གཽ་ཏ་མ་འདི་ས་ལའི་བྲམ་ཟེའི་གྲོང་ན་འདུག་སྟེ། དེ་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་
D1.002.0057a03.01ཐོགས་ཏེ་ས་ལར་བསོད་སྙོམས་ལ་ཞུགས་ཀྱིས། མ་ལ་བདག་གིས་ས་ལའི་བྲམ་ཟེ་དང་ཁྱིམ་བདག་རྣམས་ཇི་ལྟར་དགེ་སྦྱོང་གཽ་ཏ་མས་ཇི་ལྟར་ལྷུང་བཟེད་བཀྲུས་ཏེ་ས་ལར་བསོད་སྙོམས་ལ་ཞུགས་པ་བཀྲུས་པ་དེ་ཁོ་ན་བཞིན་བསོད་སྙོམས་ཁམ་འགའ་ཡང་མ་རྙེད་པར་ཕྱིར་ལྡོག་
D1.002.0057a04.01པ་དེ་ལྟ་དེ་ལྟར་བྱིན་གྱིས་བརླབ་བོ་སྙམ་མོ། །དེ་ནས་བདུད་སྡིག་ཅན་གྱིས་ས་ལའི་བྲམ་ཟེ་དང་ཁྱིམ་བདག་རྣམས་ཇི་ལྟར་བཅོམ་ལྡན་འདས་ཀྱིས་ཇི་ལྟར་ལྷུང་བཟེད་བཀྲུས་ཏེ་ས་ལར་བསོད་སྙོམས་ལ་ཞུགས་པ་བཀྲུས་པ་དེ་ཁོ་ན་བཞིན་དུ་བསོད་སྙོམས་ཁམ་འགའ་ཡང་མ་རྙེད་པར་
D1.002.0057a05.01སླར་བྱོན་པ་དེ་ལྟ་དེ་ལྟར་བྱིན་གྱིས་བརླབས་སོ། །དེ་ནས་བདུད་སྡིག་ཅན་གྱིས་བདག་ཉིད་བྲམ་ཟེའི་ཁྱེའུའི་ཆ་བྱད་དུ་མངོན་པར་སྤྲུལ་ནས་བཅོམ་ལྡན་འདས་ཀྱི་རྗེས་བཞིན་དུ་འབྲང་ཞིང་འདི་སྐད་ཅེས་ཀྱང་སྨྲས་སོ། །དགེ་སྦྱོང་དགེ་སྦྱོང་བསོད་སྙོམས་ཁམ་འགའ་ཡང་མ་རྙེད་དམ།
D1.002.0057a06.01དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ། ཀྱེ་མ་ཉེ་བར་འོངས་པ་འདི་ནི་བདུད་སྡིག་ཅན་ཡིན་ཏེ། འདི་ལྟ་སྟེ་རྣམ་པར་དཀྲུག་པའི་ལས་བྱེད་དོ་སྙམ་དུ་ཐུགས་སུ་ཆུད་ནས་ཚིགས་སུ་བཅད་དེ་བཀའ་སྩལ་པ། དེ་བཞིན་གཤེགས་ལ་ཁྱད་བསད་པས། །ཁྱོད་ཀྱིས་
D1.002.0057a07.01