完整藏文原文 · 德格版页 当前仅加载第 2 函德格 315b 版页；藏文 NFD、目录标记与异常页序保留在来源切片中，重复版页行以稳定序号区分。
ཞིག་ཁྱོད་ཀྱིས་བསོད་སྙོམས་ཅི་འདྲ་བ་ཞིག་གྲུབ་པ་ལྟའོ། །དེ་མ་བསམས་པར་ཡེ་ཤེས་མཐོང་བ་མི་འཇུག་པས་དེས་བསྟན་ཏོ། །དེ་ནས་ཕྲག་དོག་ལ་མངོན་པར་ཞེན་པའི་བློ་ཅན་དེས་དེའི་ལག་པར་ཐལ་མོས་བསྣུན་པ་དང་ལྷུང་བཟེད་ལྷུང་བས་ཁ་ཟས་རྣམས་ས་ལ་བོ་བ་དང་
D1.002.0315b01.01བྲམ་ཟེའི་ཁྱེའུ་དེས་རྡོག་པས་བརྫིས་སོ། །རང་སངས་རྒྱས་དེས་དེ་ལ་སྨྲས་པ། བཞིན་{བཟངས་,བཟང་}ཁྱོད་ཀྱིས་ཅིའི་ཕྱིར་ཁ་ཟས་རྣམས་ཆུད་གཟན། ཅི་སྟེ་ཁྱོད་སློང་བར་གྱུར་ན་ངས་བྱིན་པར་འགྱུར་བ་ཞིག །དེས་རང་སངས་རྒྱས་དེ་ལ་སྨད་པ་མང་དུ་བྱས་ནས། སླར་ལོག་པ་
D1.002.0315b02.01དང་དྲང་སྲོང་སྨྲ་བ་{རི་དགས་,རི་དྭགས་}ཀྱི་ནགས་སུ་སོང་ནས་འདུག་གོ། །དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ཀྱི་བྲམ་ཟེ་གང་ཡིན་པ་དེ་ནི་ང་ཉིད་ཡིན་ཏེ། ཕྲག་དོག་ལ་མངོན་པར་ཞེན་པའི་བློ་ཅན་ངས་རང་སངས་རྒྱས་ཀྱི་ཟས་བཅད་པ་བྱས་པ་གང་ཡིན་པ་དེའི་ལས་ཀྱི་རྣམ་པར་
D1.002.0315b03.01སྨིན་པས་ལོ་མང་པོ་ཞེས་བྱ་བ་ནས། སེམས་ཅན་དམྱལ་བ་རྣམས་སུ་བཙོས་སོ་ཞེས་བྱ་བའི་བར་གོང་མ་བཞིན་ནོ། །ལས་ཀྱི་ལྷག་མ་དེ་ཁོ་ནས་ད་ལྟར་ང་མངོན་པར་རྫོགས་པར་བྱང་ཆུབ་ན་ཡང་ཡུལ་ས་ལར་ཟན་གཅད་པ་བྱས་སོ། །བཙུན་པ་བཅོམ་ལྡན་འདས་ཀྱིས་ཕྲིན་
D1.002.0315b04.01ལས་ཅི་ཞིག་མཛད་ན། ཕྲིན་ལས་དེའི་རྣམ་པར་སྨིན་པས་ཀུན་ཏུ་རྒྱུ་མོ་མཛེས་མས་ཡང་དག་པ་མ་ལགས་པས་སྐུར་པ་བཏབ་ལགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དེ་བཞིན་གཤེགས་པ་ཉིད་ཀྱིས་སྔོན་གྱི་ཚེ་རབས་གཞན་རྣམས་སུ་ལས་རྣམས་བྱས་
D1.002.0315b05.01ཤིང་བསགས་པ་ཚོགས་རྙེད་པ་ཞེས་བྱ་བ་ནས། འབྲས་བུ་དག་ཏུ་འགྱུར་བ་ཉིད་ཅེས་བྱ་བའི་བར་གོང་མ་བཞིན་ནོ། །དགེ་སློང་དག་སྔོན་བྱུང་བ་སྐྱེ་དགུ་རྣམས་ཀྱི་ཚེ་ལོ་བརྒྱད་ཁྲི་ཐུབ་པ་ན་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་ཞེས་བྱ་བའི་བར་དུ་སྟེ།
D1.002.0315b06.01སངས་རྒྱས་བཅོམ་ལྡན་འདས་དེའི་གསུང་རབ་ལ་སྤུན་གཉིས་ཤིག་རབ་ཏུ་བྱུང་བར་གྱུར་ཏེ། གནས་འཇོག་དང་། བྷ་ར་དྭ་ཛ་ཞེས་བྱའོ། །དེ་ནས་གནས་འཇོག་གིས་ནི་བརྩོན་པ་དང་། འབད་པ་དང་། བརྩལ་བ་བྱས་པས་ཉོན་མོངས་པ་ཐམས་ཅད་སྤངས་ཏེ། དགྲ་
D1.002.0315b07.01