完整藏文原文 · 德格版页 当前仅加载第 2 函德格 197b 版页；藏文 NFD、目录标记与异常页序保留在来源切片中，重复版页行以稳定序号区分。
ལ་འདི་སྐད་ཅེས་སྨྲས་སོ། །མུ་ཁྱུད་ཁྱོད་འདི་ཉིད་དུ་འདུག་ལ་དགའ་བར་སྤྱོད་ཅིག །འདོད་པའི་ཡོན་ཏན་ལྔ་འབྱོར་ཅིང་ལྡན་པས་རྩེད་མོ་བྱོས་ཤིག །དགའ་བར་སྤྱོད་ཅིག །དགའ་མགུར་སྤྱོད་ཅིག །དེས་ཚིགས་སུ་བཅད་དེ་སྨྲས་པ། ཇི་ལྟར་སྣོད་དང་ཤིང་
D1.002.0197b01.01རྟ་དག །བརྙས་པ་རེ་ཞིག་དུས་ཡིན་ལྟར། །དེ་དང་འདྲ་བར་གནས་འདི་ཡང་། །དབང་ནི་གཞན་དག་སྒྱུར་བས་བདག །འདི་ནས་མི་ཐི་ལར་སོང་ནས། །དགེ་བ་མང་པོ་རྣམས་བྱ་ཞིང་། །བསོད་ནམས་ཕུན་སུམ་ཚོགས་བྱས་ནས། །དེ་ནས་མཐོ་རིས་འོང་བར་བྱ། །
D1.002.0197b02.01དེ་མི་ཐི་ལར་འོངས་ནས་སྦྱིན་པ་དག་བཏང་། བསོད་ནམས་དག་བྱས་ནས་ཚིགས་སུ་བཅད་དེ་སྨྲས་པ། གང་ཚེ་རྒྱལ་རིགས་བྲམ་ཟེ་དང་། །རྗེའུ་རིགས་དམངས་རིགས་གདོལ་པ་དང་། །ཀླ་ཀློ་ཕོངས་ལ་བྱིན་པ་ཡི། །སྦྱིན་པ་དམ་པ་རྣམས་ཀྱིས་བསྔགས། །མུ་
D1.002.0197b03.01གེའི་ཚེ་ན་སྦྱིན་བྱིན་ཞིང་། །སྐྱེ་བོ་དམ་པ་ཚིམ་བྱས་ནས། །ངན་སོང་རྣམས་སྤངས་འདི་དང་ནི། །མཐོ་རིས་སུ་ཡང་བཀུར་བ་ཡིན། །ཕན་ཡོན་འདི་ནི་ཤེས་ནས་ཀྱང་། །མཁས་པ་རྣམས་ཀྱིས་སྦྱིན་པ་གཏང་། །སྦྱིན་པ་ཡིས་ནི་ཐར་པ་དང་། །དབང་ཕྱུག་ལྷ་
D1.002.0197b04.01གནས་འབྱོར་བར་འགྱུར། །རྒྱལ་པོ་ཆེན་པོ་དེའི་ཚེ་དེའི་དུས་ན་འཁོར་ལོས་སྒྱུར་བའི་རྒྱལ་པོ་མུ་ཁྱུད་ཅེས་བྱ་བ་གང་གིས་སུམ་བཅུ་རྩ་གསུམ་པའི་ལྷ་རྣམས་ཀྱི་ནང་དུ་སོང་ནས་ལྷ་རྣམས་ཀྱི་དབང་པོ་བརྒྱ་བྱིན་གྱིས་སྟན་ཕྱེད་དང་། ལྷ་རྣམས་ཀྱི་འདོད་པའི་ཡོན་ཏན་ལྔས་བསྟབས་
D1.002.0197b05.01ནས། དེས་མི་ཐི་ལར་འོངས་ཏེ་གྲོང་ཁྱེར་གྱི་སྒོ་བཞིར་མཆོད་སྦྱིན་གྱི་གནས་བརྩིགས་ནས་སྦྱིན་པ་དག་བཏང་། བསོད་ནམས་དག་བྱས་པ་དེ་གཞན་ཞིག་ཡིན་སྙམ་ན་ཁྱོད་ཀྱིས་དེ་ལྟར་མི་བལྟ་སྟེ། འོན་ཀྱང་ང་ཉིད་དེའི་ཚེ་དེའི་དུས་ན་འཁོར་ལོས་སྒྱུར་བའི་རྒྱལ་པོ་མུ་ཁྱུད་ཅེས་བྱ་བ་
D1.002.0197b06.01གང་གིས་སུམ་བཅུ་རྩ་གསུམ་པའི་ལྷ་རྣམས་ཀྱི་ནང་དུ་སོང་ནས་ལྷ་རྣམས་ཀྱི་དབང་པོ་བརྒྱ་བྱིན་གྱིས་སྟན་ཕྱེད་དང་ལྷ་རྣམས་ཀྱི་འདོད་པའི་ཡོན་ཏན་ལྔས་བསྟབས་པ་ཡིན་པར་གྱུར་ཏེ། ང་ཉིད་དེ་ནས་མི་ཐི་ལར་སོང་ནས་གྲོང་ཁྱེར་གྱི་སྒོ་བཞིར་མཆོད་སྦྱིན་གྱི་གནས་བརྩིགས་ཏེ་སྦྱིན་
D1.002.0197b07.01