'dul ba gzhi/
当前为德格木刻版 217b。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 217b
- 可引用原文
- 7 行
- 全文规模
- 全经 17054 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函目录 · 5 函第 2 函 · 德格 217b
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文ནས་མི་འམ་ཅི་མོ་དེ་ལ་སྨྲས་པ། ཁྱོད་ཀྱི་བུམ་པ་འདིས་ཐོག་མར་ཡིད་འཕྲོག་མ་ལ་ཁྲུས་བྱོས་ཤིག །དེས་བསམས་པ། གདོན་མི་ཟ་བར་འདི་ལ་དགོས་པ་ཞིག་ཡོད་པར་འགྱུར་རོ་སྙམ་ནས། དེ་ནས་དེས་བུམ་པ་དེ་ཐོག་མར་ཡིད་འཕྲོག་མའི་སྤྱི་བོར་བླུགས་པ་ལས་ཇི་ཙམ་ན་སོར་གདུབ་ཀྱི་རྒྱ་པང་དུ་ལྷུང་བ་དང་ཡིད་འཕྲོག་མས་དེ་འཕྲིགས་སོ། །དེ་ནས་མི་འམ་ཅི་མོ་ལ་དྲིས་པ། འདིར་མི་འགའ་ཞིག་མ་འོངས་སམ། དེས་སྨྲས་པ། མཆིས་སོ། །སོང་ལ་དེ་དབེན་པ་ཞིག་ཏུ་ཞོག་ཤིག །དེས་དེ་ནང་དུ་ཁྲིད་ནས་དབེན་པ་ཞིག་ཏུ་བཞག་གོ། །དེ་ནས་
ཡིད་འཕྲོག་མས་ཕའི་རྐང་པ་གཉིས་ལ་གཏུགས་ཏེ་སྨྲས་པ། ཡབ་གལ་ཏེ་བདག་གི་ཁྱིམ་ཐབ་བགྱིད་པ་གཞོན་ནུ་ནོར་{བཟངས་,བཟང་}དེ་མཆིས་ན་དེ་ལ་ཁྱོད་ཀྱིས་ཅི་ཞིག་བགྱི། དེས་སྨྲས་པ། དེ་མི་ཡིན་ཏེ་ཅིར་ཡང་མི་མཁོ་བས་ངས་དེ་དུམ་བུ་བརྒྱར་བྱས་ལ་ཕྱོགས་བཞིར་གཏོར་ཏེ་གཏང་ངོ་། །ཡིད་འཕྲོག་མས་སྨྲས་པ། ཡབ་མིར་གྱུར་པས་འདིར་ག་ལ་མཆི། བདག་ཉིད་དེ་སྐད་མཆི་བར་བས་སོ། །དེ་ནས་མིའམ་ཅིའི་རྒྱལ་པོ་ལྗོན་པ་ཀུན་ནས་དཀྲིས་པ་དང་བྲལ་ཏེ། དེ་ནས་ཀུན་ནས་དཀྲིས་པ་དང་བྲལ་ནས་སྨྲས་པ། གལ་ཏེ་གཞོན་ནུ་དེ་འོངས་
ན་ངས་ཁྱོད་རྒྱན་ཐམས་ཅད་ཀྱིས་བརྒྱན་ལ་ནོར་དང་ཡོ་བྱད་མང་པོ་དང་། མི་འམ་ཅི་མོ་སྟོང་གིས་ཡོངས་སུ་བསྐོར་ཏེ་དེ་ལ་ཆུང་མའི་དོན་དུ་སྦྱིན་ནོ། །དེ་ནས་ཡིད་འཕྲོག་མ་དགའ་བ་དང་། མགུ་བ་དང་། རབ་ཏུ་དགའ་བས་གཞོན་ནུ་ནོར་{བཟངས་,བཟང་}ལྷའི་རྒྱན་གྱིས་བརྒྱན་ནས་མི་འམ་ཅིའི་རྒྱལ་པོ་ལྗོན་པ་ལ་བསྟན་ཏོ། །དེ་ནས་མི་འམ་ཅིའི་རྒྱལ་པོ་ལྗོན་པས་གཞོན་ནུ་ནོར་{བཟངས་,བཟང་}གཟུགས་བཟང་པོ་མཛེས་པ། བལྟ་ན་སྡུག་པ། ཁ་དོག་རྒྱས་པ་མཆོག་དང་ལྡན་པ་མཐོང་ངོ་། །མཐོང་ནས་ཤིན་ཏུ་ངོ་མཚར་དུ་གྱུར་ཏེ། དེ་ནས་དེ་བགམ་པར་
འདོད་ནས་གསེར་གྱི་སྡོང་པོ་བདུན་དང་། ཤིང་ཏ་ལ་བདུན་དང་། རྔ་བོ་ཆེ་བདུན་དང་། ཕག་བདུན་བཙུགས་སོ། །གཞོན་ནུ་ནོར་{བཟངས་,བཟང་}ནི་བྱང་ཆུབ་སེམས་དཔའ་ཡིན་ལ། བྱང་ཆུབ་སེམས་དཔའ་རྣམས་ནི་བཟོའི་གནས་དང་ལས་ཀྱི་གནས་དེ་དང་དེ་དག་ལ་མཁས་པ་
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D1
- 德格版页
- 217b
- 显示
- 忠实保留藏文原典·未添加机器译文
研究边界
书目关系边界：BDRC WA0RK0001 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。