完整藏文原文 · 德格版页 当前仅加载第 2 函德格 100a 版页；藏文 NFD、目录标记与异常页序保留在来源切片中，重复版页行以稳定序号区分。
འདོན་པ་དང་། སྡུག་བསྔལ་བ་དང་། ཡིད་མི་བདེ་བ་དང་། འཁྲུག་པ་རྣམས་ནི་ཇི་ལྟ་བུ་ཞིག་ཡིན། གང་ཞིག་ཡོད་ན་ཅི་ལ་བརྟེན་ནས་ཅི་ལ་མངོན་པར་ཞེན་ཏེ། བདག་ནི་ཅི་ཡིན་ཞེས་རྗེས་སུ་ལྟ་བ་རྣམས་ལ་མྱ་ངན་དང་། སྨྲེ་སྔགས་འདོན་པ་དང་།
D1.002.0100a01.01སྡུག་བསྔལ་བ་དང་། ཡིད་མི་བདེ་བ་དང་། འཁྲུག་པ་གང་དག་མ་སྐྱེས་པ་ནི་སྐྱེ་ཞིང་སྐྱེས་པ་རྣམས་ནི་ཕྱིར་ཞིང་འཕེལ་ཞིང་རྒྱས་པར་འགྱུར། བཙུན་པ་བཅོམ་ལྡན་འདས་ནི་ཆོས་རྣམས་ཀྱི་རྩ་བ་ལགས། བཅོམ་ལྡན་འདས་ནི་འདྲེན་པ་ལགས། བཅོམ་ལྡན་འདས་ནི་
D1.002.0100a02.01སྟོན་པ་ལགས་པས་བཅོམ་ལྡན་འདས་ཀྱིས་དོན་འདི་ཉིད་དགེ་སློང་རྣམས་ལ་བཤད་ན། བཅོམ་ལྡན་འདས་ལས་དགེ་སློང་རྣམས་ཀྱིས་ཐོས་ནས་འཛིན་པར་འགྱུར་ལགས་སོ། །དགེ་སློང་དག་དེའི་ཕྱིར་ལེགས་པར་རབ་ཏུ་ཉོན་ལ་ཡིད་ལ་ཟུང་ཤིག་དང་བཤད་དོ། །དགེ་
D1.002.0100a03.01སློང་དག་གཟུགས་ཡོད་ན་གཟུགས་ལ་བརྟེན་ནས་གཟུགས་ལ་མངོན་པར་ཞེན་ཏེ། གཟུགས་ནི་བདག་ཡིན་ནོ་ཞེས་རྗེས་སུ་ལྟ་བ་རྣམས་ལ་མྱ་ངན་དང་། སྨྲེ་སྔགས་འདོན་པ་དང་། སྡུག་བསྔལ་བ་དང་། ཡིད་མི་བདེ་བ་དང་། འཁྲུག་པ་གང་དག་མ་སྐྱེས་པ་ནི་སྐྱེ་ཞིང་སྐྱེས་
D1.002.0100a04.01པ་རྣམས་ནི་ཕྱིར་ཞིང་འཕེལ་ཞིང་རྒྱས་པར་འགྱུར། དགེ་སློང་དག་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ཡོད་ན། རྣམ་པར་ཤེས་པ་ལ་བརྟེན་ནས་རྣམ་པར་ཤེས་པ་ལ་མངོན་པར་ཞེན་ཏེ་རྣམ་པར་ཤེས་པ་ནི་བདག་ཡིན་ནོ་ཞེས་རྗེས་སུ་ལྟ་
D1.002.0100a05.01བ་རྣམས་ལ་མྱ་ངན་དང་། སྨྲེ་སྔགས་འདོན་པ་དང་། སྡུག་བསྔལ་བ་དང་། ཡིད་མི་བདེ་བ་དང་། འཁྲུག་པ་གང་དག་མ་སྐྱེས་པ་ནི་སྐྱེ་ཞིང་སྐྱེས་པ་རྣམས་ནི་ཕྱིར་ཞིང་འཕེལ་ཞིང་རྒྱས་པར་འགྱུར་རོ། །དགེ་སློང་དག་ཁྱེད་ཀྱིས་ལྟོས་ཤིག་ཅེས་བྱ་བ་ནས། དྲན་བཞིན་དུ་དབུགས་
D1.002.0100a06.01བརྔུབས་ན་བརྔུབས་སོ་ཞེས་སློབ་སྟེ། ཚོར་བ་ལ་ཚོར་བའི་རྗེས་སུ་ལྟའོ་ཞེས་བྱ་བའི་བར་གོང་མ་བཞིན་དུའོ། །དེའི་ཚེ་འཕགས་པའི་ཉན་ཐོས་ཚོར་བ་ལ་ཚོར་བའི་རྗེས་སུ་ལྟ་ཞིང་གནས་སོ། །དེའི་ཚེ་འཕགས་པའི་ཉན་ཐོས་གནས་པ་ན་ནང་གི་ཡིད་ལ་བྱེད་པ་ཡོད་པར་ཤེས་ཏེ།
D1.002.0100a07.01