完整藏文原文 · 德格版页 当前仅加载第 2 函德格 132a 版页；藏文 NFD、目录标记与异常页序保留在来源切片中，重复版页行以稳定序号区分。
དགེ་སློང་དག་ཁྱེད་ཀྱིས་རྒན་མོ་འདི་མ་ཟློག་ཤིག །དེ་ཅིའི་ཕྱིར་ཞེ་ན། འདི་ནི་ཚེ་རབས་ལྔ་བརྒྱར་ཡང་། །རྟག་ཏུ་ང་ཡི་ཡུམ་གྱུར་པས། །ང་ཡི་སྐུ་ལ་རེག་པ་ལས། །གལ་ཏེ་འདི་ནི་བཟློག་བྱས་ན། །དེའུ་རེ་མོད་ལ་ཁྲག་དྲོན་དག །འདི་ཡི་ཁ་ནས་
D1.002.0132a01.01སྐྱུག་པར་འགྱུར། །བུ་ལ་གདུང་བ་འདི་མཐོང་ནས། །བྱས་པ་གཟོ་བ་རྗེས་དགོངས་ཏེ། །ཐུགས་རྗེ་དང་ནི་ཐུགས་བརྩེ་བས། །སྐུ་ལ་རེག་ཏུ་གནང་བར་བྱ། །བཅོམ་ལྡན་འདས་ཀྱིས་དེ་ལ་མགུར་ནས་འཁྱུད་དུ་གནང་བས་དེ་བུ་ལ་ཆགས་པ་དང་བྲལ་ནས། བཅོམ་ལྡན་འདས་
D1.002.0132a02.01ཀྱི་སྤྱན་སྔར་ཆོས་མཉན་པའི་ཕྱིར་འདུག་གོ། །དེ་ནས་བཅོམ་ལྡན་འདས་ཀྱིས་དེའི་བསམ་པ་དང་། བག་ལ་ཉལ་བ་དང་། ཁམས་དང་། རང་བཞིན་མཁྱེན་ནས་དེ་དང་མཐུན་པའི་འཕགས་པའི་བདེན་པ་བཞི་སོ་སོར་རྟོགས་པར་འགྱུར་བའི་ཆོས་བཤད་པ་མཛད་དེ། དེ་ཐོས་ནས་
D1.002.0132a03.01ཀ་ཙང་ག་ལས་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ་ཡེ་ཤེས་ཀྱི་རྡོ་རྗེས་བཅོམ་ནས་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས་ཏེ། དེས་བདེན་པ་མཐོང་ནས་ལན་གསུམ་དུ་ཆེད་དུ་བརྗོད་པས་ཆེད་དུ་བརྗོད་པ། བཙུན་པ་འདི་ལྟ་བུ་ནི་བདག་ལ་ཕས་མ་བགྱིས་ཏེ་མས་མ་
D1.002.0132a04.01ལགས་ཞེས་བྱ་བ་ནས་ཐོག་མ་མེད་པའི་དུས་ནས་བསགས་པའི་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ་ཡེ་ཤེས་ཀྱི་རྡོ་རྗེས་བཅོམ་ནས་རྒྱུན་དུ་ཞུགས་པའི་འབྲས་བུ་མངོན་སུམ་དུ་བགྱིས་སོ་ཞེས་བྱ་བའི་བར་གོང་མ་བཞིན་དུའོ། །ཚིགས་སུ་བཅད་པ་དག་གིས་ཀྱང་གསོལ་པ། མ་ལ་ལན་
D1.002.0132a05.01དུ་ཕན་འདོགས་པའི། །བུ་མཆོག་གིས་ནི་བགྱི་བ་གང་། །ཐར་ལ་སེམས་གཞོལ་འགྱུར་བ་དེ། །ཁྱོད་ཀྱིས་དེ་རིང་བདག་ལ་མཛོད། །ཁྱོད་ཀྱིས་བདག་ནི་ངན་འགྲོ་ལས། །དྲངས་ཏེ་མཐོ་རིས་ཐར་ལ་བཞག །ཁྱོད་ནི་བརྩལ་བ་ཆེན་པོ་ཡིས། །དཀའ་བ་ལེགས་པར་མཛད་པ་
D1.002.0132a06.01ལགས། །ཞེས་གསོལ་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ཀྱི་སྤྱན་སྔ་ནས་སོང་ངོ་། །དེ་ནས་དུས་གཞན་ཞིག་ན་ཀ་ཙང་ག་ལས་ཇོ་བོ་ལ་གསོལ་བ་བཏབ་ནས་བཅོམ་ལྡན་འདས་གང་ན་བ་དེར་སོང་སྟེ་ཕྱིན་པ་དང་། བཅོམ་ལྡན་
D1.002.0132a07.01