'dul ba gzhi/
当前为德格木刻版 53a。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 53a
- 可引用原文
- 7 行
- 全文规模
- 全经 17054 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函目录 · 5 函第 2 函 · 德格 53a
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文རྒྱུ་ཞིང་གཤེགས་པ་ན་མི་ཐི་ལར་བྱོན་ནས། མི་ཐི་ལའི་ལྷ་ཆེན་པོའི་ཨ་མྲའི་ཚལ་ན་བཞུགས་སོ། །དེ་ནས་བཅོམ་ལྡན་འདས་ཀྱིས་ས་ཕྱོགས་གཞན་ཞིག་ཏུ་འཛུམ་པ་མཛད་དོ། །ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་འཛུམ་པ་མཛད་པ་མཐོང་ངོ་། །མཐོང་ནས་ཀྱང་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ནི་རྒྱུ་མ་མཆིས་རྐྱེན་མ་མཆིས་པར་འཛུམ་པ་མི་མཛད་ན་བཙུན་པ་བཅོམ་ལྡན་འདས་འཛུམ་པ་མཛད་པ་དེའི་རྒྱུ་
གང་ལགས་རྐྱེན་གང་ལགས། ཀུན་དགའ་བོ་དེ་དེ་བཞིན་ནོ། །དེ་དེ་བཞིན་ཏེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ནི་རྒྱུ་མེད་རྐྱེན་མེད་པར་འཛུམ་པ་མི་མཛད་དོ། །ཀུན་དགའ་བོ་སྔོན་བྱུང་བ་མི་རྣམས་ཀྱི་ཚེ་ལོ་བརྒྱད་ཁྲི་ཐུབ་པར་གྱུར་ཏེ། མི་ཚེ་ལོ་བརྒྱད་ཁྲི་པ་རྣམས་ཀྱི་འཛམ་བུའི་གླིང་འདི་འབྱོར་པ་དང་། རྒྱས་པ་དང་། བདེ་བ་དང་། ལོ་ལེགས་པ་དང་། སྐྱེ་བོ་དང་མི་མང་པོས་གང་བ། གྲོང་དང་། གྲོང་རྡལ་དང་། ཡུལ་འཁོར་དང་། རྒྱལ་པོའི་ཕོ་བྲང་གི་བར་བྱ་གག་གི་འཕུར་སྟབས་ཀྱིས་ཆོད་པ་བྱུང་བར་
གྱུར་ཏོ། །མི་ཚེ་ལོ་བརྒྱད་ཁྲི་པ་རྣམས་ལ་ལུས་ཀྱི་གནོད་པ་ནི་འདི་ལྟ་བུ་དག་འབྱུང་སྟེ། འདི་ལྟ་སྟེ་གྲང་བ་དང་། ཚ་བ་དང་། བཀྲེས་པ་དང་། སྐོམ་པ་དང་། འདོད་པ་དང་། ཡི་ག་འཆུས་པ་དང་། རྒ་བ་ཡིན་ནོ། །མི་ཚེ་ལོ་བརྒྱད་ཁྲི་པ་རྣམས་ཀྱི་བུ་མོ་ནི་བཙས་ནས་ལོ་ལྔ་བརྒྱ་ལོན་པ་དང་ཁྱོ་ལ་གཏོང་བར་བྱེད་དེ། དཔེར་ན་ད་ལྟར་གྱི་ལོ་{བཅྭ་,བཅོ་}ལྔའམ་ལོ་བཅུ་དྲུག་ལོན་པ་བཞིན་ནོ། །ཀུན་དགའ་བོ་མི་རྣམས་ཀྱི་ཚེ་ལོ་བརྒྱད་ཁྲི་ཐུབ་པ་ན་འཁོར་ལོས་སྒྱུར་བའི་རྒྱལ་པོ་ལྷ་ཆེན་པོ་ཞེས་བྱ་བ་མཐའ་བཞིར་རྣམ་པར་རྒྱལ་བ་ཆོས་དང་ལྡན་པ་ཆོས་ཀྱི་རྒྱལ་པོ་རིན་པོ་ཆེ་སྣ་བདུན་
དང་ལྡན་པ་ཞིག་བྱུང་ངོ་། །དེའི་རིན་པོ་ཆེ་སྣ་བདུན་ནི་འདི་ལྟ་བུ་དག་བྱུང་སྟེ། འདི་ལྟ་སྟེ། འཁོར་ལོ་རིན་པོ་ཆེ་དང་། གླང་པོ་རིན་པོ་ཆེ་དང་། རྟ་རིན་པོ་ཆེ་དང་། ནོར་བུ་རིན་པོ་ཆེ་དང་། བུད་མེད་རིན་པོ་ཆེ་དང་། ཁྱིམ་བདག་རིན་པོ་ཆེ་དང་། བདུན་པ་ནི་བློན་པོ་རིན་པོ་ཆེ་ཉིད་ཡིན་
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D1
- 德格版页
- 53a
- 显示
- 忠实保留藏文原典·未添加机器译文
研究边界
书目关系边界：BDRC WA0RK0001 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。