完整藏文原文 · 德格版页 当前仅加载第 2 函德格 262a 版页；藏文 NFD、目录标记与异常页序保留在来源切片中，重复版页行以稳定序号区分。
འགྱུར་བ་མ་ཡིན། ཤིན་ཏུ་དྲི་མ་མེད་པར་འགྱུར་བ་མ་ཡིན། ཤིན་ཏུ་ཚངས་པར་སྤྱོད་པ་ལ་གནས་པར་འགྱུར་བ་མ་ཡིན་གྱི་ཚངས་པའི་འཇིག་རྟེན་དང་སྐལ་བ་མཉམ་པའི་བར་གྱི་ཆོས་བཤད་དོ། །རྒྱལ་པོ་ཆེན་པོ་ཇི་སྙམ་དུ་སེམས། ངས་སེམས་
D1.002.0262a01.01ཅན་ལ་ཕན་པ་བྱས་པ་དེས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཐོབ་བོ་སྙམ་ན་ཁྱོད་ཀྱིས་དེ་ལྟར་མི་བལྟ་སྟེ། འོན་ཀྱང་ངའི་དེ་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་རྒྱུ་ཙམ་དང་། རྐྱེན་ཙམ་དང་། ཚོགས་ཙམ་ཡིན་ནོ། །རྒྱལ་པོ་ཆེན་
D1.002.0262a02.01པོ་གཞན་ཡང་ངས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་དོན་དུ་གཉེར་བའི་ཕྱིར་སེམས་ཅན་ལ་ཕན་པ་བྱས་པ་གང་ཡིན་པ་དེ་ཉོན་ཅིག །རྒྱལ་པོ་ཆེན་པོ་སྔོན་བྱུང་བ་སྟོན་པ་ལྐུགས་འཕྱེ་ཞེས་བྱ་བ་ཕྱི་རོལ་པའི་མུ་སྟེགས་རྫུ་འཕྲུལ་དང་ལྡན་པ། འདོད་
D1.002.0262a03.01པ་རྣམས་ལས་འདོད་ཆགས་དང་བྲལ་བ་ཞིག་བྱུང་བར་གྱུར་ཏེ། དེ་བྲམ་ཟེའི་ཁྱེའུ་ལྔ་བརྒྱ་སློབ་པར་བྱེད་དོ། །དེ་ནས་དུས་གཞན་ཞིག་ན་སྟོན་པ་ལྐུགས་འཕྱེ་འདི་སྙམ་དུ་སེམས་ཏེ། ཅིའི་ཕྱིར་བྲམ་ཟེའི་ཁྱེའུ་འདི་རྣམས་ཀྱིས་མངོན་པར་ཤེས་པ་ལྔ་མངོན་སུམ་དུ་
D1.002.0262a04.01མ་བྱས་སྙམ་མོ། །དེ་ཡང་འདི་སྙམ་དུ་སེམས་ཏེ། འདི་རྣམས་གཡང་གཞི་དང་། ཤིང་ཤུན་དང་། དབྱུག་གུ་དང་། རིལ་བ་སྤྱི་བླུགས་དང་། བླུགས་གཟར་གྱི་སྣོད་ལྷག་པ་འཆང་ཞིང་། ཚོད་རྔད་དང་། ཨུཏྤ་ལའི་རྩ་བ་སྦྱོར་བ་ལ་བརྩོན་
D1.002.0262a05.01པར་གནས་པ་ལས་གྱུར་ཏོ་སྙམ་མོ། །དེ་ནས་སྟོན་པ་ལྐུགས་འཕྱེ་འདི་སྙམ་དུ་སེམས་ཏེ། གལ་ཏེ་བྲམ་ཟེའི་ཁྱེའུ་རྣམས་ལ་ནན་ཐུར་ཞིག་མ་བྱས་ན་དབྲལ་བར་དཀའོ་སྙམ་མོ། །བྱང་ཆུབ་སེམས་དཔའ་རྣམས་ཀྱི་གདུལ་བ་ལ་མཁས་པ་ནི་བླ་ན་མེད་པ་ཡིན་
D1.002.0262a06.01པས། དེ་ནས་སྟོན་པ་ལྐུགས་འཕྱེས་བྲམ་ཟེའི་ཁྱེའུ་རྣམས་ལ་སྨྲས་པ། བྲམ་ཟེའི་ཁྱེའུ་དག་ཟླ་བ་གསུམ་པོ་འདི་དག་ལ་ཁོ་བོ་ནང་དུ་ཡང་དག་འཇོག་འདོད་ཀྱིས། ཁོ་བོ་ལ་འབྲས་བུ་དང་རྩ་བ་སྟོབས་པའི་བྲམ་ཟེའི་ཁྱེའུ་གཅིག་དང་། གསོ་སྦྱོང་{བཅྭ་,བཅོ་}ལྔ་
D1.002.0262a07.01