'dul ba gzhi/
当前为德格木刻版 273a。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 273a
- 可引用原文
- 7 行
- 全文规模
- 全经 17054 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函目录 · 5 函第 2 函 · 德格 273a
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文འཚོ་དང་ཚངས་སྦྱིན་དང་། །སྣ་ཚོགས་ཟ་དང་དེ་བཞིན་ས། །རྡུལ་ཅན་ཡུལ་འཁོར་སྐྱོང་གཉིས་གཉིས། །དེ་ཚེ་སྐྱེ་བོ་དེ་བདུན་བྱུང་། །ཀ་ལིང་ཀ་ན་མཆེ་བའི་ཁྱིམ། །རྡོ་{མངས་,མང་}ན་ནི་སྐེམ་བྱེད་དེ། །སྲུང་བྱེད་ན་ནི་མ་ཧེ་ལྡན། །ཨང་གར་ཙམ་པ་རིས་སུ་བཅད། །ལུས་འཕགས་ན་ནི་མི་ཐི་ལ། །སྟང་ཟིལ་ཅན་ན་མ་རུངས་པ། །བཱ་རཱ་ཎ་སཱིར་ཀ་ཤི་སྟེ། །གནག་ལྷས་སྐྱེས་ཀྱིས་རིས་བཅད་དེའོ། །རྒྱལ་པོ་ཆེན་པོ་ཇི་སྙམ་དུ་སེམས། དེའི་ཚེ་དེའི་དུས་ཀྱི་སྟོན་པ་གནག་ལྷས་སྐྱེས་གང་ཡིན་པ་དེ་ནི་ང་ཉིད་ཡིན་ནོ། །རྒྱལ་པོ་ཆེན་པོ་ངས་སེམས་ཅན་ལ་
ཕན་པ་བྱས་པ་དེས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཐོབ་བོ་སྙམ་ན་ཁྱོད་ཀྱིས་དེ་ལྟར་མི་བལྟ་སྟེ། འོན་ཀྱང་ངའི་དེ་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་རྒྱུ་ཙམ་དང་། རྐྱེན་ཙམ་དང་། ཚོགས་ཙམ་ཡིན་ནོ། །བཙུན་པ་བཅོམ་ལྡན་འདས་ཀྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཐོག་མར་ཐུགས་གང་དུ་བསྐྱེད་ལགས། རྒྱལ་པོ་ཆེན་པོ་སྔོན་བྱུང་བ་རྒྱལ་པོ་འོད་ལྡན་ཞེས་བྱ་བ་བྱུང་སྟེ། དེའི་ཡུལ་དུ་གླང་པོ་རིན་པོ་ཆེ་མེ་ཏོག་ཀུ་མུ་དའི་མདོག་ལྟར་དཀར་བ། ཡན་ལག་བདུན་ཤིན་ཏུ་གནས་པ། གཟུགས་བཟང་བ། མཛེས་པ།
བལྟ་ན་སྡུག་པ་ཞིག་བྱུང་ངོ་། །དེ་ནས་རྒྱལ་པོ་འོད་ལྡན་གྱིས་གླང་པོ་འདུལ་མཁན་མཁས་པ་ཕོ་ཉས་བཀུག་ནས་འདི་སྐད་ཅེས་སྨྲས་སོ། །མཁས་པ་དེས་པ་ཁྱོད་ཀྱིས་གླང་པོ་ཆེ་དམ་པ་འདི་མྱུར་དུ་ལེགས་པར་དུལ་བར་བྱོས་ལ་ང་ལ་ཕུལ་ཅིག །ལྷ་བཀའ་བཞིན་འཚལ་ཞེས་གླང་པོ་ཆེ་འདུལ་མཁན་མཁས་པས་རྒྱལ་པོ་འོད་ལྡན་ལས་མཉན་ནས་གླང་པོ་ཆེ་དམ་པ་དེ་འདུལ་བར་བྱེད་དེ། དེ་དུལ་བར་རིག་ནས་རྒྱལ་པོ་འོད་ལྡན་ལ་ཕུལ་ཏེ། ལྷའི་གླང་པོ་ཆེ་དམ་པ་ནི་དུལ་ལགས་པས་ལྷ་ད་དེའི་དུས་ལ་བབ་པར་མཁྱེན་པར་མཛད་དུ་གསོལ། དེ་ནས་རྒྱལ་པོ་འོད་ལྡན་
གླང་པོ་ཆེ་དམ་པ་དེ་ལ་ཞོན་ཏེ་གླང་པོའི་འདུལ་མཁན་ཡང་གོང་དུ་ཞོན་ནས་{རི་དགས་,རི་དྭགས་}འཆོར་དུ་སོང་ངོ་། །ཇི་ཙམ་ན་གླང་པོ་ཆེ་དེས་ནགས་ཀྱི་བལ་གླང་མོའི་དྲི་ཚོར་ནས་དེས་དྲི་དེའི་རྗེས་བཞིན་དུ་བརྒྱུགས་སོ། །དེ་ནས་རྒྱལ་པོ་གླང་པོ་ཆེ་རླུང་ལྟར་མགྱོགས་པས་ཁྱེར་བ་དང་། གླང་པོ་ཆེའི་
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D1
- 德格版页
- 273a
- 显示
- 忠实保留藏文原典·未添加机器译文
研究边界
书目关系边界：BDRC WA0RK0001 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。