完整藏文原文 · 德格版页 当前仅加载第 2 函德格 83a 版页；藏文 NFD、目录标记与异常页序保留在来源切片中，重复版页行以稳定序号区分。
པ་ཆེན་པོའི་མཚན། །སུམ་བཅུ་རྩ་གཉིས་ཐོས་པ་གང་། །དེ་ལ་གཽ་ཏ་མ་ཁྱོད་ཀྱི་ནི། །སྐུ་ལ་གཉིས་ཤིག་མ་མཐོང་ན། །མི་མཆོག་མདོམས་ཀྱི་སྦ་བ་ནི། །ཅི་ལགས་སྦུབས་ཀྱིས་ཁེབས་གྱུར་ཏམ། །ལྗགས་བཟང་ཞེས་ནི་བགྱི་བ་ཡང་། །ཇི་ག་
D1.002.0083a01.01ཐུང་བ་མ་ལགས་གྲང་། །འཇིག་རྟེན་ན་ནི་རྫོགས་སངས་རྒྱས། །གྲགས་དང་ལྡན་རྣམས་མཐོང་དཀའ་བས། །ཞལ་ནས་ལྗགས་སྲབ་{བརྐྱང་མ,རྐྱང་མ}ཛོད་དེ། །བདག་གི་སོམ་ཉི་བསལ་བར་གསོལ། །དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ། བྲམ་ཟེའི་ཁྱེའུ་མ་སྡུག་
D1.002.0083a02.01འདི་ངའི་སྐུ་ལ་སྐྱེས་བུ་ཆེན་པོའི་མཚན་སུམ་བཅུ་རྩ་གཉིས་རྟོག་པ་ན་སུམ་བཅུ་ནི་མཐོང་ན་གཉིས་པོ་མདོམས་ཀྱི་སྦ་བ་སྦུབས་སུ་ནུབ་པ་དང་། ལྗགས་ཤིན་ཏུ་རིང་ཞིང་སྲབ་པ་ལ་སོམ་ཉི་དང་ཐེ་ཙོམ་ཟ་ན། མ་ལ་ངས་ཇི་ལྟར་བྲམ་ཟེའི་ཁྱེའུ་མ་སྡུག་གིས་བདག་གི་མདོམས་ཀྱི་སྦ་བ་
D1.002.0083a03.01སྦུབས་སུ་ནུབ་པ་དང་། ལྗགས་ཤིན་ཏུ་རིང་ཞིང་སྲབ་པ་མཐོང་བར་འགྱུར་བ་དེ་ལྟ་བུའི་རྟགས་ཤིག་བྱའོ་སྙམ་ནས། དེ་ནས་བཅོམ་ལྡན་འདས་ཀྱིས་དེ་ལྟ་བུའི་རྟགས་མཛད་ནས། བྲམ་ཟེའི་ཁྱེའུ་མ་སྡུག་གིས་བཅོམ་ལྡན་འདས་ཀྱི་མདོམས་ཀྱི་སྦ་བ་སྦུབས་སུ་ནུབ་པ་དང་། ཞལ་ནས་
D1.002.0083a04.01ལྗགས་བརྐྱང་པས་ཞལ་གྱི་དཀྱིལ་འཁོར་དབུ་སྐྲའི་བར་ཐམས་ཅད་ཁེབས་པར་མཐོང་ངོ་། །མཐོང་ནས་ཀྱང་དེ་འདི་སྙམ་དུ་སེམས་ཏེ། དགེ་སྦྱོང་གཽ་ཏ་མ་ནི་སྐྱེས་བུ་ཆེན་པོའི་མཚན་སུམ་བཅུ་རྩ་གཉིས་དང་ལྡན་པ་ཡིན་ཏེ། དེ་དག་དང་ལྡན་པའི་སྐྱེས་བུ་ཆེན་པོའི་འགྲོ་བ་ནི་གཉིས་
D1.002.0083a05.01ལས་གཞན་དུ་མི་འགྱུར་ཏེ། གལ་ཏེ་ཁྱིམ་པ་ཁྱིམ་ན་གནས་ན་འཁོར་ལོས་སྒྱུར་བའི་རྒྱལ་པོ་ཞེས་བྱ་བ་ནས་འཇིག་རྟེན་དུ་སྒྲ་རྣམ་པར་གྲགས་པར་འགྱུར་རོ་ཞེས་བྱ་བའི་བར་གོང་མ་བཞིན་དུའོ། །དེ་ནས་བྲམ་ཟེའི་ཁྱེའུ་མ་སྡུག་བཅོམ་ལྡན་འདས་ཀྱིས་གསུངས་པ་ལ་མངོན་པར་དགའ་
D1.002.0083a06.01སྟེ་རྗེས་སུ་ཡི་རངས་ནས་བཅོམ་ལྡན་འདས་ཀྱི་སྤྱན་སྔ་ནས་སོང་ངོ་། །དེའི་ཚེ་བྲམ་ཟེ་པད་མའི་སྙིང་པོ་ཁྱིམ་མཆོག་གི་ས་མཐོན་པོ་ཞིག་ན་ཤས་ཆེ་བའི་བྲམ་ཟེ་རྒན་རབས་རྒན་རབས་རྣམས་དང་ལྷན་ཅིག་ཏུ་འདུས་ཤིང་འཁོད་པར་གྱུར་ཏོ། །བྲམ་ཟེའི་ཁྱེའུ་མ་སྡུག་ཀྱང་སྡོད་ཅིང་
D1.002.0083a07.01