完整藏文原文 · 德格版页 当前仅加载第 2 函德格 162a 版页；藏文 NFD、目录标记与异常页序保留在来源切片中，重复版页行以稳定序号区分。
ཆུད་ནས་ཚིགས་སུ་བཅད་དེ་གསུངས་པ། མཁས་པ་གང་ཞིག་རབ་ཏུ་སེམས་དང་བས། །སངས་རྒྱས་མཆོད་རྟེན་དྲི་ཆུས་འཐོར་བྱེད་ན། །འཛམ་བུའི་ཆུ་བོའི་གསེར་གྱི་ཕུང་པོ་ནི། །སྟོང་ཕྲག་བརྒྱ་ཡང་དེ་དང་མཉམ་པ་མིན། །གཞན་དག་གིས་དེ་ལ་
D1.002.0162a01.01གདུགས་དང་། རྒྱལ་མཚན་དང་། འཕན་བཏགས་ནས་སེམས་ཀྱིས་མངོན་པར་འདུས་བྱས་པ་གོམ་པ་བོར་བ་དང་། འཇིམ་གོང་བཞག་པ་དང་། མེ་ཏོག་སིལ་མས་གཏོར་བ་དང་། མེ་ཏོག་ཕྲེང་བས་བསྐོར་བ་དང་། མེ་མར་ཕུལ་བ་དང་། དྲིའི་ཆུས་གཏོར་བའི་
D1.002.0162a02.01བསོད་ནམས་དེ་སྙེད་དུ་བཅོམ་ལྡན་འདས་ཀྱིས་གསུངས་ན། བདག་ཅག་གིས་གདུགས་དང་། རྒྱལ་མཚན་དང་། འཕན་བཏགས་པའི་བསོད་ནམས་ཇི་སྙེད་ཅིག་ཏུ་འགྱུར་སྙམ་པ་དང་། དེ་ནས་བཅོམ་ལྡན་འདས་ཀྱིས་དེ་རྣམས་ཀྱི་བསམ་པ་ཐུགས་སུ་ཆུད་ནས་ཚིགས་
D1.002.0162a03.01སུ་བཅད་དེ་གསུངས་པ། རབ་དང་སེམས་ཀྱིས་སངས་རྒྱས་མཆོད་རྟེན་ལ། །གདུགས་དང་རྒྱལ་མཚན་འཕན་ནི་འདོགས་བྱེད་ན། །གསེར་ནི་རི་བོ་ལྷུན་པོ་དང་མཉམ་པ། །སྟོང་ཕྲག་བརྒྱ་ཡང་དེ་དང་མཉམ་པ་མིན། །རྒྱ་མཚོ་ལྟ་བུའི་རྫོགས་སངས་རྒྱས། །དེ་བཞིན་
D1.002.0162a04.01གཤེགས་པ་ཚད་མེད་པ། །དེད་དཔོན་བླ་ན་མེད་པ་ལ། །ཡོན་དུ་བཤད་པ་དེ་ཡིན་ནོ། །དེ་རྣམས་འདི་སྙམ་དུ་དེ་ལ་རེ་ཞིག་བཅོམ་ལྡན་འདས་ཡོངས་སུ་མྱ་ངན་ལས་འདས་པ་ལ་བྱ་བ་བྱས་པའི་བསོད་ནམས་དེ་སྙེད་དུ་བཅོམ་ལྡན་འདས་ཀྱིས་གསུངས་ན། བཞུགས་པ་
D1.002.0162a05.01ལ་བསོད་ནམས་ཇི་སྙེད་ཅིག་ཏུ་འགྱུར་སྙམ་པ་དང་། དེ་ནས་བཅོམ་ལྡན་འདས་ཀྱིས་དེ་རྣམས་ཀྱི་བསམ་པ་ཐུགས་སུ་ཆུད་ནས་ཚིགས་སུ་བཅད་དེ་གསུངས་པ། འདི་ན་སེམས་རབ་དང་བྱས་ནས། །གང་ཞིག་བཞུགས་དང་གང་ཞིག་ནི། །མྱ་ངན་འདས་ལ་མཆོད་བྱེད་པ། །
D1.002.0162a06.01བསོད་ནམས་མཉམ་སྟེ་ཁྱད་པར་མེད། །འདི་ལྟར་སངས་རྒྱས་བསམ་མི་ཁྱབ། །སངས་རྒྱས་ཆོས་ཀྱང་བསམ་མི་ཁྱབ། །བསམ་མི་ཁྱབ་ལ་དད་རྣམས་ཀྱི། །རྣམ་པར་སྨིན་པའང་བསམ་མི་ཁྱབ། །ཡང་དག་པར་རྫོགས་པའི་སངས་རྒྱས་ཆོས་ཀྱི་འཁོར་ལོ་
D1.002.0162a07.01