完整藏文原文 · 德格版页 当前仅加载第 2 函德格 223b 版页；藏文 NFD、目录标记与异常页序保留在来源切片中，重复版页行以稳定序号区分。
ལ་གཏུགས་ཏེ་སྨྲས་པ། ཡབ་ཅིག་ཡུམ་ནི་མ་མཆིས་པར། །ཁྱོད་ནི་བདག་ཅག་སྩོལ་བཞེད་པ། །རེ་ཞིག་དེ་ནི་མཐོང་གྱུར་ནས། །དེ་ནས་བདག་ཅག་སྩལ་དུ་གསོལ། །དེ་ནས་བྱང་ཆུབ་སེམས་དཔའ་ཡིད་ལ་གཅགས་པའི་སྡུག་བསྔལ་གྱིས་ངོ་ཟུམ་
D1.002.0223b01.01གནག་ཅིང་མཆི་མ་འཛག་བཞིན་དེ་གཉིས་ལ་འཁྱུད་ནས་སྨྲས་པ། བུ་དག །ང་ཡི་སྙིང་དུ་མི་སྡུག་མིན། །སྙིང་བརྩེ་སྙིང་རྗེ་མེད་མིན་ཏེ། །འཇིག་རྟེན་ཀུན་ལ་ཕན་པའི་ཕྱིར། །ཡོན་ཏན་མཐོང་ནས་བཏང་བ་ཡིན། །ཅི་ནས་ང་ཡིས་བྱང་ཆུབ་མཆོག །ཞི་བ་རང་
D1.002.0223b02.01གིས་ཐོབ་ནས་ནི། །སྡུག་བསྔལ་རྒྱ་མཚོ་ལ་གནས་པའི། །རྟེན་མེད་འཇིག་རྟེན་རྣམས་བསྒྲལ་ལོ། །དེ་ནས་བུས་པ་གཞོན་ནུ་དེ་དག་གིས་ཕས་སྙིང་ནས་ཡོངས་སུ་བཏང་བའི་བློ་རིག་ནས་ཕའི་རྐང་པ་གཉིས་ལ་ཕྱག་འཚལ་ཏེ་ཐལ་མོ་སྦྱར་ནས་སྙིང་རྗེ་རྗེ་སྐད་དང་། སྨ་
D1.002.0223b03.01བབ་པའི་ཚིག་གིས་དལ་གྱིས་སྨྲས་པ། གལ་ཏེ་ཁྱོད་ཀྱིས་ཐག་བཀུམ་ན། །མ་ལ་བདག་ཅག་གཉིས་ཀྱི་ཕྲིན། །ཁྱོད་ཀྱིས་བཟོད་པ་མཛོད་ཅིག་ཅེས། །ཡབ་ཅིག་ཁྱོད་ཀྱིས་གསུང་དུ་གསོལ། །ཡབ་གཞན་ཡང་། བྱིས་པར་གྱུར་པས་བླ་མ་ཁྱོད་ལ་ནོངས་པ་
D1.002.0223b04.01བགྱིས་པ་གང་། །གལ་ཏེ་ལ་ལར་ཐུགས་ལ་མི་འབབ་ཚིག་འགའ་སྨྲས་པའམ། །གུས་པར་མཉན་ནས་ཡོངས་སུ་མཉེས་པ་ཉིད་དུ་མ་བགྱིས་པ། །དེ་ནི་བྱིས་པའི་ནོངས་པ་ལགས་ཞེས་བཟོད་པ་མཛད་དུ་གསོལ། །དེ་སྐད་ཅེས་སྨྲས་ནས་ཕ་ལ་ཕྱག་འཚལ་ཏེ་
D1.002.0223b05.01ལན་གསུམ་དུ་བསྐོར་བ་བྱས་ནས་མིག་མཆི་མས་གང་བཞིན་དུ་བླ་མ་ལ་སྨྲ་བར་ཡིད་ལ་ཆགས་པས་ཡང་དང་ཡང་ཕྱིར་ལྟ་ཞིང་བསྟི་གནས་དེ་ནས་བྱུང་སྟེ་སོང་ངོ་། །དེ་ནས་བྱང་ཆུབ་སེམས་དཔའ་བྱིས་པ་གཞོན་ནུའི་ཚིག་ཤིན་ཏུ་སྙིང་རྗེར་རུང་བ་དེ་དག་གིས་སྙིང་
D1.002.0223b06.01བློང་ནས་ཡིད་ཀྱིས་བྱང་ཆུབ་ཏུ་སྨོན་ལམ་བཏབ་སྟེ་དཀའ་ཐུབ་ཀྱི་ཚལ་གྱི་ལོ་མའི་སྤྱིལ་བུར་ཞུགས་སོ། །བྱིས་པ་གཞོན་ནུ་དག་དོང་མ་ཐག་ཏུ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ཡང་རྣམ་པ་དྲུག་ཏུ་གཡོས་སོ། །ལྷ་སྟོང་ཕྲག་དུ་མ་ཡང་
D1.002.0223b07.01