完整藏文原文 · 德格版页 当前仅加载第 2 函德格 34b 版页；藏文 NFD、目录标记与异常页序保留在来源切片中，重复版页行以稳定序号区分。
ཆེན་གཙུག་ཏོར་ཅན་ལ་འདི་སྐད་ཅེས་གསོལ་ཏོ། །བཙུན་པ་བདག་ལ་རྒྱལ་པོ་ནོར་ལྡན་གྱིས་སྤྲིང་པ། གྲོགས་པོ་སྡུག་པ་ཁྱོད་ལ་བདག་ཅག་ཅི་ཡང་མི་བྱེད་ཀྱིས་ཚུར་ཤོག །ཁྱོད་ཀྱི་མགུལ་བ་ནས་འཁྱུད་ནས་འགྲོ་བར་བྱ་སྟེ། དེ་ལྟ་ན་བདག་ཅག་ཕན་
D1.002.0034b01.01ཚུན་ཡིད་བདེ་བར་འགྱུར་རོ་ཞེས་མཆི་ན་དེ་ལ་བདག་གིས་ཇི་ལྟར་བསྒྲུབ་པར་བགྱི། ཡང་དག་པར་རྫོགས་པའི་སངས་རྒྱས་རིན་ཆེན་གཙུག་ཏོར་ཅན་གྱིས་བཀའ་སྩལ་པ། རྒྱལ་པོ་ཆེན་པོ་སོང་ཤིག་དང་ཁྱོད་ལ་ལེགས་པར་འགྱུར་རོ། །བཅོམ་ལྡན་འདས་ཅི་
D1.002.0034b02.01བདག་གིས་དེའི་རྐང་པ་གཉིས་ལ་གཏུག་པར་བགྱིའམ། རྒྱལ་པོ་ཆེན་པོ་རྒྱལ་པོ་དཔུང་ཆེན་པོ་རྣམས་ལ་ནི་གཏུག་པར་བྱ་དགོས་སོ། །དེ་ནས་རྒྱལ་པོ་གོས་སྦྱིན་སྟན་ལས་ལངས་ཏེ། ཡང་དག་པར་རྫོགས་པའི་སངས་རྒྱས་རིན་ཆེན་གཙུག་ཏོར་ཅན་གྱི་ཞབས་
D1.002.0034b03.01གཉིས་ལ་མགོ་བོས་ཕྱག་བྱས་ནས་ཆས་ཏེ་རྒྱལ་པོ་ནོར་ལྡན་གང་ན་བ་དེར་སོང་སྟེ་ཕྱིན་ནས་རྒྱལ་པོ་ནོར་ལྡན་གྱི་རྐང་པ་གཉིས་ལ་གཏུགས་སོ། །དེ་ནས་རྒྱལ་པོ་ནོར་ལྡན་གྱིས་མགུལ་ནས་འཁྱུད་དེ་ཡིད་གཅུགས་པར་བྱས་ཏེ་བཏང་ངོ་། །དེ་ནས་རྒྱལ་པོ་གོས་སྦྱིན་
D1.002.0034b04.01ཡང་དག་པར་རྫོགས་པའི་སངས་རྒྱས་རིན་ཆེན་གཙུག་ཏོར་ཅན་གང་ན་བ་དེར་སོང་སྟེ་ཕྱིན་ནས། ཡང་དག་པར་རྫོགས་པའི་སངས་རྒྱས་རིན་ཆེན་གཙུག་ཏོར་ཅན་གྱི་ཞབས་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་འདུག་
D1.002.0034b05.01ནས། རྒྱལ་པོ་གོས་སྦྱིན་གྱིས་ཡང་དག་པར་རྫོགས་པའི་སངས་རྒྱས་རིན་ཆེན་གཙུག་ཏོར་ཅན་ལ་འདི་སྐད་ཅེས་གསོལ་ཏོ། །བཙུན་པ་རྒྱལ་པོ་ཐམས་ཅད་ཀྱིས་རྐང་པ་གཉིས་ལ་གཏུགས་པའི་རྒྱལ་པོ་གང་ལགས། རྒྱལ་པོ་ཆེན་པོ་འཁོར་ལོས་སྒྱུར་བ་
D1.002.0034b06.01ཡིན་ནོ། །དེ་ནས་རྒྱལ་པོ་གོས་སྦྱིན་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་གཟར་ནས་ཡང་དག་པར་རྫོགས་པའི་སངས་རྒྱས་རིན་ཆེན་གཙུག་ཏོར་ཅན་གང་ན་བ་དེ་ལོགས་སུ་ཐལ་མོ་སྦྱར་བ་བཏུད་དེ། ཡང་དག་པར་རྫོགས་པའི་སངས་རྒྱས་རིན་ཆེན་གཙུག་ཏོར་
D1.002.0034b07.01