完整藏文原文 · 德格版页 当前仅加载第 2 函德格 35b 版页；藏文 NFD、目录标记与异常页序保留在来源切片中，重复版页行以稳定序号区分。
ནས་ཞབས་གཉིས་ལ་གཏུགས་ཏེ་སྨོན་ལམ་གདབ་པར་བརྩམས་པ། བཙུན་པ་སྦྱིན་པའི་དགེ་བའི་རྩ་བ་འདིས་བདག་འཁོར་ལོས་སྒྱུར་བའི་རྒྱལ་པོར་གྱུར་ཅིག་ཅེས་སྨྲས་ནས་དེ་མ་ཐག་ཏུ་དུང་ཡང་བུས་སོ། །དེ་ནས་ཡང་དག་པར་རྫོགས་པའི་སངས་རྒྱས་རིན་ཆེན་
D1.002.0035b01.01གཙུག་ཏོར་ཅན་གྱིས་རྒྱལ་པོ་གོས་སྦྱིན་ལ་འདི་སྐད་ཅེས་བཀའ་སྩལ་ཏོ། །རྒྱལ་པོ་ཆེན་པོ་ཁྱོད་སྐྱེ་དགུའི་ཚེ་ལོ་བརྒྱད་ཁྲི་ཐུབ་པ་ན་འཁོར་ལོས་སྒྱུར་བའི་རྒྱལ་པོ་དུང་ཞེས་བྱ་བར་འགྱུར་རོ། །དེ་ནས་སྐད་ཆེན་པོའི་སྒྲ་དག་བྱུང་ངོ་། །རྒྱལ་པོ་ནོར་ལྡན་གྱིས་ཅ་ཅོའི་སྒྲ་དག་ཐོས་
D1.002.0035b02.01ནས་བློན་པོ་རྣམས་ལ་སྨྲས་པ། ཤེས་ལྡན་དག་རྒྱལ་པོ་གོས་སྦྱིན་གྱི་ཡུལ་ན་ཅ་ཅོའི་སྒྲ་གྲག་པ་དེ་ཅི་ཞིག་ཡིན། དེ་རྣམས་ཀྱིས་ལེགས་པར་བརྟགས་ནས་སྨྲས་པ། ལྷ་ཡང་དག་པར་རྫོགས་པའི་སངས་རྒྱས་རིན་ཆེན་གཙུག་ཏོར་ཅན་གྱིས་རྒྱལ་པོ་གོས་སྦྱིན་འཁོར་
D1.002.0035b03.01ལོས་སྒྱུར་བའི་རྒྱལ་པོར་ལུང་བསྟན་པས་སྐྱེ་བོའི་ཚོགས་དགའ་བ་དང་། མགུ་བ་དང་རབ་ཏུ་དགའ་བས་དེས་ན་ཅ་ཅོའི་སྒྲ་གྲག་པ་ལགས་སོ། །དེ་ནས་རྒྱལ་པོ་ནོར་ལྡན་ཡང་དག་པར་རྫོགས་པའི་སངས་རྒྱས་རིན་ཆེན་གཙུག་ཏོར་ཅན་གང་ན་བ་དེར་སོང་སྟེ་ཕྱིན་ནས།
D1.002.0035b04.01ཡང་དག་པར་རྫོགས་པའི་སངས་རྒྱས་རིན་ཆེན་གཙུག་ཏོར་ཅན་གྱི་ཞབས་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་འདུག་ནས་རྒྱལ་པོ་ནོར་ལྡན་གྱིས་ཡང་དག་པར་རྫོགས་པའི་སངས་རྒྱས་རིན་ཆེན་གཙུག་ཏོར་ཅན་ལ་འདི་སྐད་ཅེས་
D1.002.0035b05.01གསོལ་ཏོ། །བཙུན་པ་འཁོར་ལོས་སྒྱུར་བ་ཐམས་ཅད་ཀྱིས་རྐང་པ་གཉིས་ལ་གཏུག་པར་བགྱི་བ་གང་ལགས། རྒྱལ་པོ་ཆེན་པོ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཡིན་ནོ། །དེ་ནས་རྒྱལ་པོ་ནོར་ལྡན་སྟན་ལས་ལངས་ཏེ་བླ་
D1.002.0035b06.01གོས་ཕྲག་པ་གཅིག་ཏུ་གཟར་ནས། ཡང་དག་པར་རྫོགས་པའི་སངས་རྒྱས་རིན་ཆེན་གཙུག་ཏོར་ཅན་གང་ན་བ་དེ་ལོགས་སུ་ཐལ་མོ་སྦྱར་བ་བཏུད་ནས་འདི་སྐད་ཅེས་གསོལ་ཏོ། །བཅོམ་ལྡན་འདས་དགེ་སློང་གི་དགེ་འདུན་དང་ཐབས་ཅིག་སང་བདག་གི་སྡུམ་པར་གདུགས་
D1.002.0035b07.01