完整藏文原文 · 德格版页 当前仅加载第 2 函德格 303a 版页；藏文 NFD、目录标记与异常页序保留在来源切片中，重复版页行以稳定序号区分。
སོ། །ཚེ་དང་ལྡན་པ་དགའ་བོ་ཚེ་དང་ལྡན་པ་སྒྲ་ཅན་ཟིན་གྱིས་རང་གི་ལས་ཀྱི་རྒྱུ་བ་ལུང་བསྟན་ཟིན་གྱིས། ཚེ་དང་ལྡན་པ་དགའ་བོས་ཀྱང་ད་རང་གི་ལས་ཀྱི་རྒྱུ་བ་ལུང་སྟོན་ཅིག །དེ་ནས་ཚེ་དང་ལྡན་པ་དགའ་བོས་ཀྱང་དེའི་ཚེ་རང་གི་ལས་ཀྱི་རྒྱུ་བ་ལུང་སྟོན་པར་བྱེད་དེ། རྣམ་པར་
D1.002.0303a01.01གཟིགས་ཀྱི་གསུང་རབ་ལ། །བདག་གིས་ལན་གཅིག་ཁྲུས་བྱས་ཏེ། །དགེ་སློང་དགེ་འདུན་ཁྲུས་བྱས་ནས། །དེ་ཚེ་སྨོན་ལམ་བཏབ་པ་ནི། །གནས་བརྟན་འདི་ལྟ་བུ་དག་དང་། །བདག་ནི་ལྷན་ཅིག་འགྲོགས་པར་ཤོག །དག་ཅིང་དྲི་མ་མེད་པ་དང་། །ཉོན་མོངས་མེད་ཅིང་ཟག་བྲལ་ཤོག །
D1.002.0303a02.01ཁ་དོག་བཟང་པོ་དག་དང་ནི། །གཟུགས་བཟང་གྱུར་ཅེས་སྨོན་ལམ་བཏབ། །དེ་ནས་འཆི་འཕོའི་དུས་བྱས་ནས། །ལྷ་རྣམས་སུ་ནི་སྐྱེས་པར་གྱུར། །བདག་ནི་གསེར་གྱི་མདོག་འདྲ་བའི། །མི་དང་ལྷ་ནི་རྣམས་སུ་གྱུར། །གང་དང་གང་དུ་སྐྱེས་པར་ནི། །ལོངས་སྤྱོད་ཆེན་པོས་ཤིན་ཏུ་གནས། །
D1.002.0303a03.01རང་སངས་རྒྱས་ཀྱི་མཆོད་རྟེན་ནི། །ཤིན་ཏུ་དཀར་པོ་བདག་གིས་བརྩིགས། །དེ་ནས་བྱུག་པས་ཐམས་ཅད་ནི། །སེར་པོར་གྱུར་པ་དེ་ལྟར་བྱུགས། །དེ་ནས་མཚན་རྣམས་འདོད་པའི་ཕྱིར། །གསེར་གྱི་མདོག་ཏུ་འགྱུར་བ་དང་། །གཟུགས་བཟང་དབྱིབས་ནི་ལེགས་འགྱུར་བར། །སྨོན་
D1.002.0303a04.01ལམ་དུ་ནི་གདབ་པ་བྱས། །དགེ་བའི་ལས་ནི་དེ་བྱས་པས། །གྲོང་ཁྱེར་བཱ་རཱ་ཎ་སཱིར་ནི། །ཀ་ཤིའི་རྒྱལ་པོ་ཀྲྀ་ཀཱི་ཡི། །བུ་ཕོ་འབྲིང་པོར་བདག་སྐྱེས་སོ། །འོད་སྲུང་མཆོད་རྟེན་མཐོང་ནས་ནི། །དེ་ནས་དད་པའི་སེམས་བསྐྱེད་དེ། །མཆོད་རྟེན་དེ་ལ་བདག་གིས་ནི། །གདུགས་འབྲིང་ཞིག་ནི་
D1.002.0303a05.01གདགས་པ་བྱས། །ཁྲུས་དེ་དང་ནི་བསྲོ་གང་དང་། །ཡུང་གི་བྱུག་པས་བྱུགས་པ་དང་། །གདུགས་ནི་གདགས་པ་བྱས་པ་ཡིས། །བདེ་བ་མང་པོ་ཉམས་སུ་མྱོང་། །དེ་ནས་ལས་ཀྱི་ལྷག་མས་ནི། །བདག་གི་ཡང་སྲིད་ཐ་མ་འདིར། །ཤཱཀྱའི་རྒྱལ་པོའི་རིགས་སྐྱེས་ནས། །སངས་རྒྱས་སྐྱོབ་པའི་
D1.002.0303a06.01མཆེད་དུ་གྱུར། །བདག་གི་ལུས་ནི་འདི་ལ་ཡང་། །སྐྱེས་བུ་ཆེན་པོའི་མཚན་ཡོད་པ། །སུམ་བཅུ་ལྷག་པ་མ་ཡིན་པའི། །སུམ་བཅུ་དམན་པ་མ་ཡིན་པའོ། །ཤཱཀྱ་སེང་གེའི་བསྟན་པ་ལ། །བདག་གིས་རབ་འབྱུང་ཐོབ་ནས་ནི། །མྱ་ངན་འདས་པ་བསིལ་གྱུར་པའི། །དགྲ་བཅོམ་
D1.002.0303a07.01