'dul ba gzhi/
当前为德格木刻版 222b。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 222b
- 可引用原文
- 7 行
- 全文规模
- 全经 17054 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函目录 · 5 函第 2 函 · 德格 222b
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文ནགས་སུ་བསྐྱེད་བསྐྱེད་པའི། །བུས་པ་འདི་གཉིས་ཡོངས་སྤངས་ནས། །མ་དང་བྲལ་བའི་ཉོན་མོངས་པ། །འདི་དག་ཇི་ལྟར་གནས་སྙམ་མོད། །གཞོན་ནུ་ཤིན་ཏུ་བརྩེ་མེད་པས། །བུས་པ་བཏང་ལ་བདག་མིན་ཞེས། །ཁ་ཅིག་བདག་ལ་ཕྱར་འོང་གིས། །བྲམ་ཟེ་བདག་ནི་ཁྲིད་ན་ལེགས། །དེ་ནས་བྲམ་ཟེ་དེས་ཐམས་ཅད་སྒྲོལ་ལ་སྨྲས་པ། ཀྱེ་རྒྱལ་རིགས་གཞོན་ནུ་རྒྱལ་པོ་ཆེན་པོའི་རིགས་སུ་སྐྱེས་པ། ས་འདི་ཐམས་ཅད་དུ་ཡོན་ཏན་གྲགས་པ། སྲོག་ཆགས་ཐམས་ཅད་ལ་སྙིང་བརྩེ་བས་བྱམས་པར་ཞུགས་པ།
སྦྱིན་པ་དང་། མཆོད་པ་དང་། བཀུར་སྟིས་སྤོས་ཀྱི་གླང་པོ་ཆེ་ལྟ་བུ། དགེ་སྦྱོང་དང་། བྲམ་ཟེ་དང་། གློ་བུར་བའི་སྐྱེ་བོ་ལ་མཆོད་པ་བྱེད་པ། སྐྱེ་བོ་བཀྲེན་པ་དང་། ཕོངས་པ་དང་། མགོན་མེད་པ་དང་། ལྟོགས་པ་ཡོངས་སུ་སྡུད་པ། ཐམས་ཅད་ཀྱི་རེ་བ་ཡོངས་སུ་རྫོགས་པར་བྱེད་པ། མཐོང་ན་དོན་ཡོད་པ་ཁྱོད་ཀྱིས་བདག་འོངས་པ་ནོམ་པ་མེད་པའམ། ལམ་གྱིས་དུབ་པ་འབྲས་བུ་མེད་པའམ། མཐོང་བ་དོན་མེད་པའམ། རེ་བ་དང་ཡུན་རིང་པོ་ནས་བརྣག་བརྣག་པའི་འདོད་པ་འབྲས་བུ་མེད་པར་བྱ་བ་གང་ཡིན་པ་དེ་ནི་ཆ་མ་ཡིན་
ཏེ། ཁྱོད་ཀྱི་མེད་དོ་ཞེས་བྱ་བའི་ཚིག་གིས་ཁོ་བོའི་ཡིད་ལ་རེ་བ་ཀུན་ཏུ་རྟོག་པའི་རྟ་བཏབ་ན་མྱུར་དུ་ལྡོག་པར་འགྱུར་རོ། །དེ་བས་ན་ཁྱོད་ཀྱིས་བདག་གི་ཡིད་ལ་རེ་བ་ཡོངས་སུ་རྫོགས་པར་བྱས་ནས་གཏང་བའི་རིགས་སོ། །དེ་ཅིའི་ཕྱིར་ཞེ་ན། ཆུ་གཏེར་གོས་སུ་གྱོན་ཞིང་གཟའ་མིག་མཚུངས་མེད་པ། །རི་བོ་མཆོག་རྒྱས་ནུ་མར་ལྡན་པའི་རོ་སྟོད་ཅན། །གྲོང་ཁྱེར་གྲོང་རྡལ་བཅས་པའི་ས་ལ་བཙལ་བྱས་ཀྱང་། །མཆེ་{བཟངས་,བཟང་}ཁྱོད་དང་མཚུངས་པར་གཏོང་ཕོད་ཡོད་མ་ཡིན། །དེ་ནས་བྱང་ཆུབ་སེམས་དཔའ་ཐམས་ཅད་སྒྲོལ་གྱིས་བྲམ་
ཟེའི་ཚིག་དེ་ཐོས་ནས་བུ་ལ་ཆགས་པའི་བློང་བས་འདི་དག་སེམས་པར་བྱེད་དེ། གལ་ཏེ་རེ་ཞིག་བུ་གཉིས་པོ། །བྲམ་ཟེར་བྱིན་ན་བུ་དང་ནི། །བྲལ་བ་ལས་བྱུང་སྡུག་བསྔལ་དག །བདག་དང་རྒྱགས་བྱིན་གྱིས་ཐོབ་འགྱུར། །འོན་ཀྱང་འདི་ལ་མ་བྱིན་ན། །བརྟུལ་
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D1
- 德格版页
- 222b
- 显示
- 忠实保留藏文原典·未添加机器译文
研究边界
书目关系边界：BDRC WA0RK0001 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。