完整藏文原文 · 德格版页 当前仅加载第 2 函德格 300b 版页；藏文 NFD、目录标记与异常页序保留在来源切片中，重复版页行以稳定序号区分。
བྱུང་མ་བཏུབ་བོ། །རྫོགས་སངས་གང་ཟག་ཟླ་མེད་པ། །བདག་ཉིད་ལ་ནི་ཐུགས་བརྩེའི་ཕྱིར། །ཡང་དང་ཡང་དུ་རབ་འབྱུང་བ། །ཡང་དག་ལེན་པ་སྐུལ་མ་མཛད། །དེ་ནས་དེད་དཔོན་ཟླ་མེད་པ། །སངས་རྒྱས་ལ་ནི་བདག་གིས་གསོལ། །(ར་,རེ་)ཞིག་བདག་གིས་ལོ་བདུན་དུ། །སྦྱིན་པ་མི་ཉུང་གཏང་བར་
D1.002.0300b01.01བགྱི། །བདག་གིས་སྦྱིན་པ་དག་བཏང་ནས། །ལོ་བདུན་ལོན་པར་གྱུར་པ་དང་། །ཤེས་རབ་མཆོག་ཅན་ཁྱོད་ལས་ནི། །དེ་ནས་བདག་ནི་རབ་ཏུ་འབྱུང་། །ལོ་བདུན་དག་ནི་ཐོགས་ཆེས་ལ། །ཚེ་ནི་ཅུང་ཟད་ཙམ་ཡིན་པས། །སང་ཉིད་འཆི་ཡང་སུ་ཤེས་ཀྱིས། །དེ་རིང་ཉིད་དུ་བརྟུལ་ཏེ་གྱིས། །བདག་
D1.002.0300b02.01གིས་གུས་པས་སངས་རྒྱས་ཀྱི། །གསུང་ནི་སླར་བཟློག་མ་བྱས་པར། །བཙུན་པ་བདག་ནི་དགུང་བདུན་ན། །ཐུགས་བརྩེས་རབ་ཏུ་དབྱུང་བར་མཛོད། །བདག་གིས་ཞག་བདུན་སྦྱིན་བཏང་སྟེ། །ཕོངས་པ་རྣམས་ནི་ཚིམ་བྱས་ནས། །བདག་གི་ཕྱིར་ནི་ཉེ་དུ་དག །གྲོང་ཁྱེར་དུ་ནི་མེལ་ཚེ་བཙུགས། །
D1.002.0300b03.01སྣང་བ་ཆེན་པོ་རྣམས་ཀྱིས་ནི། །གྲོང་ཁྱེར་མཆོག་ནི་གསལ་བར་བྱས། །སྐྱེ་བོ་དག་གིས་མ་ཚོར་བར། །རབ་འབྱུང་ཕྱིར་ནི་མངོན་དུ་བྱུང་། །བདག་ནི་དད་པས་རབ་བྱུང་ནས། །རྒྱལ་བའི་བསྟན་ལ་བརྩོན་བྱས་ཏེ། །ལོ་ནི་ཉི་ཤུ་ལྔ་ལོན་ཡང་། །སེམས་མཉམ་པ་ཡང་མ་ཐོབ་བོ། །དེ་ནས་བདག་
D1.002.0300b04.01གི་སྡིག་པའི་སེམས། །འདོད་ལ་ཞེན་པ་སྐྱེས་པ་ནི། །བདུད་རྩི་རྟོགས་པར་མ་གྱུར་གྱིས། །དམན་པར་སླར་ནི་བདག་ལྡོག་སྙམ། །དེ་ནས་ངོ་ཚ་ཁྲེལ་ཡོད་པ། །དོན་ཆེན་དག་ནི་སྐྱེས་གྱུར་པ། །བདག་ལ་ཉེ་དུའི་ཚོགས་སྨོད་ཅིང་། །སྐྱོན་དུ་ཡང་ནི་འགྲང་འགྱུར་བ། །དེ་ནི་བདག་དང་
D1.002.0300b05.01འཚམ་མིན་ཞིང་། །དེ་ནི་བཟང་པོ་མ་ཡིན་གྱིས། །བདག་ལྟ་གསོན་ནའང་ཅི་རུ་རུང་། །མཚོན་གྱིས་གདབ་པར་བྱའོ་སྙམ། །མཚོན་རྣོན་བདག་གིས་བླངས་ནས་སུ། །སྐྱིལ་མོ་ཀྲུང་ནི་བཅས་ནས་ཀྱང་། །མཚོན་ནི་སྐེ་ལ་གཏད་པ་ལས། །དེ་ནས་སེམས་ནི་རྣམ་པར་གྲོལ། །བདག་སེམས་
D1.002.0300b06.01ཐ་བ་ལས་གྲོལ་ནས། །ཡང་དང་ཡང་དུ་བརྗོད་པ་ནི། །ཨེ་མའོ་སངས་རྒྱས་ཆོས་དགེ་འདུན། །ཨེ་མའོ་ཆོས་ཉིད་ཨེ་རེ་བཟང་། །སྔོན་ནི་བདག་གི་འདུ་ཤེས་གང་། །སོ་སོའི་སྐྱེ་བོ་ཤི་བླ་སྙམ། །བདག་གིས་སྲོག་ལ་མ་བལྟས་པས། །ཞི་བ་དམ་པ་ཐོབ་པར་གྱུར། །སྔོན་ནི་འཁུམས་
D1.002.0300b07.01