完整藏文原文 · 德格版页 当前仅加载第 2 函德格 259b 版页；藏文 NFD、目录标记与异常页序保留在来源切片中，重复版页行以稳定序号区分。
ཡོངས་སུ་བཏང་བ་དེ་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་རྒྱུ་ཙམ་དང་། རྐྱེན་ཙམ་དང་། ཚོགས་ཙམ་ཡིན་ནོ། །རྒྱལ་པོ་ཆེན་པོ་གཞན་ཡང་ངས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་དོན་དུ་གཉེར་བའི་ཕྱིར་སྲོག་ཆགས་སྟོང་ཕྲག་མང་པོ་ལ་རང་གི་ཤས་
D1.002.0259b01.01ཚིམ་པར་བྱས་ཀྱང་ངའི་སེམས་ཉམས་པ་མེད་པ་གང་ཡིན་པ་དེ་ཉོན་ཅིག །རྒྱལ་པོ་ཆེན་པོ་སྔོན་བྱུང་བ་འདས་པའི་དུས་ན་ཀླུ་གཞོན་ནུ་ཙམ་པ་སྐྱེས་ཞེས་བྱ་བ་དད་པ་བཟང་བ། དགེ་བའི་བསམ་པ་ཅན་དེ་ཚེས་བརྒྱད་དང་བཅུ་བཞི་ལ་གནས་ནས་བྱུང་ནས་ཡན་ལག་བརྒྱད་དང་ལྡན་
D1.002.0259b02.01པའི་གསོ་སྦྱོང་བླངས་ཏེ་གནས་གསལ་བར་ལུས་ཆེན་པོར་བྱས་ནས་ལུས་བཏང་སྟེ་གནས་ཤིང་འཇིག་རྟེན་ན་འགྲོ་བ་དང་གནས་པ་ལ་ཅུང་ཟད་ཀྱང་གནོད་པ་མི་བྱེད་དོ། །ལོ་ཉེས་བྱུང་ནས་ལས་ལ་མི་ལྟ་བའི་མི་གནག་རྫི་དང་། ཕྱུགས་རྫི་དང་། ཤིང་ཐུན་དང་། ལམ་གྱིས་འཚོ་བ་
D1.002.0259b03.01དང་། ལམ་གོལ་བས་འཚོ་བའི་མི་རྣམས་ཀྱིས་ཀླུའི་ཤ་ལས་བཅད་ཅིང་བཅད་ཅིང་བཟའ་བར་བརྩམས་ཏེ། དེ་ནས་ངས་དུས་མང་པོར་རང་གི་ཤས་ཚིམ་པར་བྱས་ན་ཡང་ངའི་སེམས་མ་ཉམས་སོ། །རྒྱལ་པོ་ཆེན་པོ་ཇི་སྙམ་དུ་སེམས། དེའི་ཚེ་དེའི་དུས་ཀྱི་ཀླུ་གཞོན་ནུ་
D1.002.0259b04.01ཙམ་པ་སྐྱེས་གང་ཡིན་པ་དེ་ནི་ང་ཉིད་ཡིན་ནོ། །རྒྱལ་པོ་ཆེན་པོ་ངས་རང་གི་ཤ་ཡོངས་སུ་བཏང་བ་དེས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཐོབ་བོ་སྙམ་ན་ཁྱོད་ཀྱིས་དེ་ལྟར་མི་བལྟ་སྟེ། འོན་ཀྱང་ངའི་དེ་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་རྒྱུ་ཙམ་དང་།
D1.002.0259b05.01རྐྱེན་ཙམ་དང་། ཚོགས་ཙམ་ཡིན་ནོ། །རྒྱལ་པོ་ཆེན་པོ་གཞན་ཡང་ངས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་དོན་དུ་གཉེར་བའི་ཕྱིར་སེམས་ཅན་ལ་ཕན་པར་བྱས་པ་གང་ཡིན་པ་དེ་ཉོན་ཅིག །རྒྱལ་པོ་ཆེན་པོ་སྔོན་བྱུང་བ་མཚོ་ཆེན་པོ་མ་དྲོས་པ་ན་ངང་པ་རྣམས་
D1.002.0259b06.01ཀྱི་སྡེ་དཔོན་ཡུལ་འཁོར་སྐྱོང་ཞེས་བྱ་བ་ཞིག་བྱུང་བར་གྱུར་ཏོ། །དེ་ལ་བུ་གཉིས་ཡོད་དེ། གང་བ་དང་། བཞིན་རྒྱས་ཞེས་བྱ་སྟེ། ཕུ་བོ་ནི་གང་བའོ། །ནུ་བོ་ནི་བཞིན་རྒྱས་སོ། །གང་བ་ནི་གཏུམ་པ། གཟུ་ལུམས་ཅན། བརླང་བ་ཞིག་པས་རྒྱུན་ཁོ་ནར་ངང་པ་
D1.002.0259b07.01