完整藏文原文 · 德格版页 当前仅加载第 2 函德格 114b 版页；藏文 NFD、目录标记与异常页序保留在来源切片中，重复版页行以稳定序号区分。
སོ། །མུ་སྟེགས་ཅན་རྣམས་ཀྱིས་ནི་དགེ་སྦྱོང་གཽ་ཏ་མ་འོང་ངོ་ཞེས་ཐོས་སོ། །ཐོས་ནས་ཀྱང་རིངས་པ་རིངས་པར་བྲམ་ཟེ་དང་ཁྱིམ་བདག་རྣམས་ཀྱི་ཁྱིམ་དུ་དོང་སྟེ་ལྷགས་ནས་སྨྲས་པ། ཆོས་ཐོས་པར་གྱུར་ཅིག །ཆོས་ཐོབ་པར་གྱུར་ཅིག །དེ་རྣམས་ཀྱིས་སྨྲས་པ། འཕགས་
D1.002.0114b01.01པ་དག་དེ་ཅི་ཞིག་ཁོ་བོ་ཅག་གིས་ཁྱེད་ཀྱི་ཕུན་སུམ་ཚོགས་པ་ནི་མཐོང་གིས། ཇི་སྲིད་རྒུད་པ་མ་མཐོང་བ་དེའི་བར་དུ་འགྲོ་བར་བྱའོ། །དེ་རྣམས་ཀྱིས་སྨྲས་པ། འཕགས་པ་དག་བདག་ཅག་གི་རྒུད་པ་གང་ལགས། ཤེས་ལྡན་དག་དགེ་སྦྱོང་གཽ་ཏ་མ་འཁོར་སྟོང་ཉིས་བརྒྱ་ལྔ་བཅུ་
D1.002.0114b02.01དང་སྤུ་གྲིའི་སེར་བ་འབེབས་ཤིང་འོང་སྟེ། བུ་དང་བཅས་པ་དུམ་བུ་མེད་པར་བྱེད་པར་འགྱུར་རོ། །དེ་རྣམས་ཀྱིས་སྨྲས་པ། འཕགས་པ་དག་གང་གི་ཚེ་ཁོ་ན་བཞུགས་ཤིང་གྲོགས་བགྱི་བ་ལ་ཐུག་པ་དེ་ཁོ་ནའི་ཚེ་བཞུད་པ་ནི་བཟང་པོ་མ་ལགས་ཏེ། བདག་ཅག་རྣམ་པ་ཐམས་ཅད་དུ་མ་རུང་ངོ་། །
D1.002.0114b03.01དེ་རྣམས་ཀྱིས་སྨྲས་པ། དམ་ཞིག་བཅའ་སྟེ། གལ་ཏེ་དགེ་སྦྱོང་གཽ་ཏ་མ་གསོད་ན་ནི་འཁོད་པར་བྱའོ། །བཞུགས་ཤིག་གསད་པར་བགྱིའོ་ཞེས་དེ་རྣམས་ལག་ན་དབྱུག་པ་དང་གཞུ་ཐོགས། ཁུ་ཚུར་བཅངས། གོ་བགོས་ཏེ་བྱུང་བ་དང་། ལམ་གྱི་དབུས་ན་ཤཱཀྱ་རྒན་པོ་ཞིག་
D1.002.0114b04.01འདུག་པས་མཐོང་ནས་སྨྲས་པ། ཤེས་ལྡན་དག་གང་དུ་འདོང་། དེ་རྣམས་ཀྱིས་སྨྲས་པ། དགྲ་བསད་པའི་ཕྱིར་རོ། །ཁྱེད་ཅག་གི་དགྲ་སུ་ཡིན། དགེ་སྦྱོང་གཽ་ཏ་མའོ། །ཤེས་ལྡན་དག་གལ་ཏེ་བཅོམ་ལྡན་འདས་དགྲ་ཡིན་ན་བྱམས་པ་གཞན་ཅི་འདྲ་བ་ཞིག་ཡིན། ཤེས་ལྡན་དག་
D1.002.0114b05.01སླར་ལོག་ཤིག །དེ་རྣམས་ལྡོག་ཏུ་མ་བཏུབ་པ་དང་། དེས་བསམས་པ། འདི་དག་ནི་ཆོས་བཤད་པའི་འོས་སུ་འགྱུར་བ་མ་ཡིན་གྱིས། རྣམ་པ་ཐམས་ཅད་དུ་ཕ་རོལ་གནོན་པ་ཞིག་བྱའོ་སྙམ་ནས། དེས་རི་བྲགས་སུ་ཞུགས་ནས་མེ་བཏང་བ་དང་། རི་བྲགས་ཀུན་ཚིག་པས་ཅ་ཅོ་
D1.002.0114b06.01དང་ཀུ་ཅོའི་སྒྲ་ཆེན་པོ་བྱུང་བ་དེ་རྣམས་ཀྱིས་ཐོས་ནས་སྡངས་ཏེ་སྨྲས་པ། ཤེས་ལྡན་དག་བདག་ཅག་དང་དགེ་སྦྱོང་གཽ་ཏ་མ་ནི་ཐག་རིང་པོ་ཁོ་ན་ཡིན་གྱི། རི་བྲགས་འདིར་ནི་ཕུང་བ་ཆེན་པོ་གཞན་འདི་བྱུང་སྟེ་རི་བྲགས་བསྲེགས་ཀྱིས་མེ་བསད་ཀྱིས་སླར་ལྡོག་གོ་ཞེས་དེ་རྣམས་ཀྱིས་བསད་པར་བརྩམས་
D1.002.0114b07.01