完整藏文原文 · 德格版页 当前仅加载第 2 函德格 163b 版页；藏文 NFD、目录标记与异常页序保留在来源切片中，重复版页行以稳定序号区分。
པ། དེ་ཉིད་དུ་བསོད་སྙོམས་བཟའ་ཞིང་སངས་རྒྱས་ལ་སོགས་པ་དགེ་སློང་གི་དགེ་འདུན་ལ་བསྙེན་བཀུར་བྱའོ་སྙམ་ནས། དེ་ཁྱིམ་བདག་མགོན་མེད་ཟས་སྦྱིན་གྱི་ཁྱིམ་དུ་སོང་བ་དང་། སྒོ་སྲུངས་ཀྱིས་སྨྲས་པ། འཕགས་པ་ནང་དུ་མ་བཞུད་པར་གཞེས་ཤིག །ཅིའི་ཕྱིར་ཁྱིམ་བདག་
D1.002.0163b01.01མགོན་མེད་ཟས་སྦྱིན་གྱི་མཆིད་ནས་རེ་ཞིག་སངས་རྒྱས་ལ་སོགས་པ་དགེ་སློང་གི་དགེ་འདུན་གདུགས་ཚོད་མ་གསོལ་གྱི་བར་དུ་གཞན་མུ་སྟེགས་པ་དག་ནང་དུ་མ་བཏང་ཞིག །དེའི་འོག་ཏུ་མུ་སྟེགས་པ་རྣམས་ལ་སྦྱིན་ནོ་ཞེས་བསྒོ་ལགས་སོ། །ཚེ་དང་ལྡན་པ་འོད་སྲུང་ཆེན་པོས་བསམས་
D1.002.0163b02.01པ། བྲམ་ཟེ་དང་ཁྱིམ་བདག་དག་གིས་བདག་ལ་དགེ་སྦྱོང་ཤཱཀྱའི་སྲས་ཀྱི་ཡིན་ནོ་ཞེས་བྱ་བར་མ་ཤེས་པ་དེ་ནི་བདག་གིས་རྙེད་པ་ལེགས་པར་རྙེད་ཀྱིས་སོང་ལ་སྐྱེ་བོ་བཀྲེན་པ་རྣམས་ལ་སྙིང་རྗེ་བྱའོ་སྙམ་དུ་བསམས་ཏེ་སྐྱེད་མོས་ཚལ་དུ་སོང་ནས་དེས་བསམས་པ། དེང་བདག་གིས་སུ་ཞིག་རྗེས་
D1.002.0163b03.01སུ་གཟུང་བར་བྱ་སྙམ་པ་དང་། རེ་ཞིག་ཅིག་ན་གྲོང་ཕྱི་ཉུག་མ་མཛེས་ཐེབས་པ་ལུས་ཞིགས་ཤིང་ལུས་ལས་རྣག་ཁྲག་འཛག་པ་ཞིག་སློང་མོ་ལ་རྒྱུ་ཞིང་འདུག་ནས་དེའི་དྲུང་དུ་དེ་སོང་བ་དང་དེས་ཀྱང་བསླངས་ན་འབྲས་ཁུ་ཞིག་རྙེད་ནས། དེས་ཚེ་དང་ལྡན་པ་འོད་སྲུང་ཆེན་པོ་ལུས་མཛེས་པ་དང་སེམས་དང་
D1.002.0163b04.01ཞིང་སྤྱོད་ལམ་ཞི་བར་མཐོང་ནས་དེས་བསམས་པ། ངེས་པར་བདག་གིས་ཡོན་གནས་འདི་ལྟ་བུ་ལ་བྱ་བ་མ་བྱས་པས་དེས་ན་བདག་འདི་ལྟ་བུའི་གནས་སུ་གྱུར་གྱིས། གལ་ཏེ་འཕགས་པ་འོད་སྲུང་ཆེན་པོས་བདག་ལ་ཐུགས་བརྩེ་བའི་ཕྱིར་འབྲས་ཁུ་བཞེས་ན་བདག་གིས་འདི་དབུལ་ལོ་སྙམ་པ་
D1.002.0163b05.01དང་། དེ་ནས་ཚེ་དང་ལྡན་པ་འོད་སྲུང་ཆེན་པོས་དེའི་བསམ་པ་སེམས་ཀྱིས་ཤེས་ནས་ལྷུང་བཟེད་བཟེད་དེ། སྲིང་མོ་གལ་ཏེ་ཁྱོད་ཀྱིས་བཏང་བ་ཡིན་ན་ལྷུང་བཟེད་འདིར་ལུགས་ཤིག །དེ་ནས་དེས་སེམས་མངོན་པར་དད་པར་བྱས་ནས་ལྷུང་བཟེད་དེར་བླུགས་པ་དང་སྦྲང་མ་ཞིག་ལྷུང་ངོ་། །
D1.002.0163b06.01དེས་དེ་དབྱུང་བར་བརྩམས་པ་དང་། འབྲས་ཁུ་དེའི་ནང་དུ་སོར་མོ་གཅིག་ཆད་དེ་ལྷུང་ངོ་། །དེས་བསམས་པ། འཕགས་པས་བདག་གི་སེམས་བསྲུང་བའི་ཕྱིར་མ་ཕོར་ཟད་ཀྱི་འོན་ཀྱང་གསོལ་ནི་མི་གསོལ་ལོ་སྙམ་པ་དང་། ཚེ་དང་ལྡན་པ་འོད་སྲུང་ཆེན་པོས་དེའི་བསམ་པ་སེམས་ཀྱིས་ཤེས་ནས་
D1.002.0163b07.01