完整藏文原文 · 德格版页 当前仅加载第 2 函德格 148b 版页；藏文 NFD、目录标记与异常页序保留在来源切片中，重复版页行以稳定序号区分。
པར་བརྩམས་པ་དང་། གནག་རྫི་དང་། ཕྱུགས་རྫི་དང་། རྩྭ་ཐུན་དང་། ཤིང་ཐུན་དང་། ལམ་གྱིས་འཚོ་བ་དང་། ལམ་གོལ་བས་འཚོ་བའི་མི་གཞན་དག་ཀྱང་དེ་རྣམས་མཐོང་ནས་བརྒྱུག་པར་བརྩམས་སོ། །ལམ་གྱི་མདུན་ནས་འོང་བ་རྣམས་ཀྱིས་དེ་དག་དེ་ལྟར་
D1.002.0148b01.01སྒྲ་འབྱིན་པ་མཐོང་ནས་དེ་རྣམས་ཀྱིས་དྲིས་པ། ཤེས་ལྡན་དག་འདི་ཅི་ཞིག །དེ་རྣམས་ཀྱིས་སྨྲས་པ། འཇིགས་སོ། །ཅི་ཞིག་གིས་འཇིགས། སྐྱེ་བས་འཇིགས་སོ། །རྒ་བས་འཇིགས་སོ། །འཆི་བས་འཇིགས་སོ། །དེ་རྣམས་ཀྱིས་ཀྱང་ཐོས་ནས་སླར་ལོག་གོ། །
D1.002.0148b02.01ཇི་ཙམ་ན་རི་འོར་དང་ཉེ་བ་ཞིག་ཏུ་ཕྱིན་པ་དང་། དེ་ནས་རི་འོར་དེ་ན་གནས་པའི་སྐྱེ་བོའི་ཚོགས་དེས་སྐྱེ་བོའི་ཚོགས་ཆེན་པོ་མཐོང་ནས་སྔངས་པས་ཕན་ཚུན་དུ་འདོང་བར་བྱེད་དེ། ཁ་ཅིག་ནི་བྲོས་སོ། །ཁ་ཅིག་ནི་རྫས་རྣམས་སྦེད་དོ། །ཁ་ཅིག་ནི་གོ་བགོས་ནས་འདུག་གོ། །མི་
D1.002.0148b03.01དཔའ་བོ་གཞན་དག་ཅིག་ཡོད་པ་དེ་དག་གིས་བསུ་ནས་དྲིས་པ་ཤེས་ལྡན་དག་འདི་ཅི་ཞིག །དེ་རྣམས་ཀྱིས་སྨྲས་པ། འཇིགས་སོ། །ཅི་ཞིག་གིས་འཇིགས། སྐྱེ་བས་འཇིགས་སོ། །རྒ་བས་འཇིགས་སོ། །འཆི་བས་འཇིགས་སོ། །དེ་ནས་རི་འོར་ན་གནས་པའི་སྐྱེ་བོའི་
D1.002.0148b04.01ཚོགས་དེ་བག་ཕེབས་སོ། །དེའི་ཚེ་ཚེ་དང་ལྡན་པ་ཤཱ་རིའི་བུ་འཁོར་དེ་ཉིད་དུ་འདུས་ཤིང་འདུག་པར་གྱུར་ཏོ། །དེ་ནས་ཚེ་དང་ལྡན་པ་ཤཱ་རིའི་བུས་གནག་རྫི་དགའ་བོ་སོང་ནས་རིང་པོ་མ་ལོན་པར་རིག་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བཅོམ་
D1.002.0148b05.01ལྡན་འདས་ཀྱིས་ཅིའི་སླད་དུ་གནག་རྫི་དགའ་བོ་ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་བར་འཚལ་བ་བཟློག་སྟེ་སྡུམ་པར་བཏང་ལགས། ཤཱ་རིའི་བུ་གནག་རྫི་དགའ་བོ་སླར་ཁྱིམ་པ་ཁྱིམ་ན་གནས་པ་གང་ཡིན་པ་དེ་ནི་གནས་མ་ཡིན་ཞིང་གོ་སྐབས་མེད་དེ།
D1.002.0148b06.01སོགས་འཇོག་ཡོངས་སུ་སྤྱོད་པས་འདོད་པ་རྣམས་ལ་ལོངས་སྤྱོད་པར་འགྱུར་བ་དེ་ནི་གནས་མེད་དོ། །གནག་རྫི་དགའ་བོ་དེའུ་རེ་བདག་པོ་རྣམས་ལ་གནག་གཏད་དེ་འོང་བར་འགྱུར་ཞིང་། དེ་གང་གི་ཕྱིར་རིགས་ཀྱི་བུ་རྣམས་སྐྲ་དང་ཁ་སྤུ་བྲེགས་ཏེ་གོས་ངུར་སྨྲིག་བགོས་
D1.002.0148b07.01