完整藏文原文 · 德格版页 当前仅加载第 2 函德格 212b 版页；藏文 NFD、目录标记与异常页序保留在来源切片中，重复版页行以稳定序号区分。
པ་གཉིས་ལ་གཏུགས་ནས་སྙིང་རྗེ་རྗེ་སྐད་དུ་སྒྲ་གཅོམ་ཆུང་ངུས་དོན་དེ་དལ་བུས་སྨྲས་པ་དང་། དེས་སྨྲས་པ། གལ་ཏེ་དེ་ལྟ་ན་ལེགས་པར་རྟོགས་ཤིག །བདག་གིས་ཀྱང་བརྟག་གོ། །ཡིད་འཕྲོག་མས་བརྟགས་ནས་ཡང་སྨྲས་པ་དང་། དེས་བརྟགས་ན་ཡང་བདེན་པར་མཐོང་ནས།
D1.002.0212b01.01དེ་ནས་དེས་གཙུག་གི་ནོར་བུ་དེ་དང་གོས་ཤིག་ཡིད་འཕྲོག་མ་ལ་བྱིན་ནས་སྨྲས་པ། བུ་ཁྱོད་དུས་ལ་མ་བབ་པར་མ་འགྲོ་ཤིག །དེ་ལྟ་ན་ཁོ་མོ་ལ་ཁ་མཆུ་འབྱུང་བར་མི་འགྱུར་རོ། །དེ་ནས་རྒྱལ་པོ་ཇི་སྐད་བསྟན་པའི་རིམ་པ་བཞིན་དུ་ཁྲུས་ལ་ཆས་ཏེ་ཁྲག་གིས་གང་བའི་རྫིང་བུར་ཞུགས་
D1.002.0212b02.01ནས་བྱུང་བ་དང་། དེ་ནས་དེའི་རྐང་པ་གཉིས་ལ་བྲམ་ཟེ་རྣམས་ཀྱི་ལྕེས་བལྡགས་སོ། །ཇི་ཙམ་ན་མིའམ་ཅི་མོ་ཁྲིད་དེ་ཤོག་ཅེས་བསྒོ་བ་དང་། དེ་མ་ཐག་ཁོ་ནར་ཡིད་འཕྲོག་མ་ནམ་མཁའ་ལ་འཕགས་ཏེ་ཚིགས་སུ་བཅད་དེ་སྨྲས་པ། བདག་ནི་རེག་དང་ཕྲད་པ་དང་། །བདག་ནི་བགད་
D1.002.0212b03.01དང་རྩེས་པ་ལས། །བན་གླང་མོ་བཏགས་ཐར་བ་ལྟར། །དེ་ནི་བདག་མོ་འགྲོ་བར་བྱ། །རྒྱལ་པོས་ཀྱང་ནམ་མཁའི་ལམ་ལས་འགྲོ་བ་མཐོང་ནས་དེ་སྐྲག་སྟེ་མདུན་ན་འདོན་ལ་སྨྲས་པ། གང་གི་ཕྱིར་འབད་པར་བྱ་བ་དེ་མ་གྲུབ་པར་མིའམ་ཅི་ཡིད་འཕྲོག་མ་བྲོས་སོ། །མདུན་ན་འདོན་
D1.002.0212b04.01གྱིས་སྨྲས་པ། ལྷ་ད་ནི་དོན་གྲུབ་སྟེ་དངོས་སྡིག་དང་བྲལ་ལགས་སོ། །དེ་ནས་ཡིད་འཕྲོག་མ་ནམ་མཁའི་ལམ་ལས་འགྲོ་བ་ན་འདི་སྙམ་དུ་སེམས་ཏེ། གང་ཡང་བདག་གནས་སྐབས་འདི་ཐོབ་པ་དེ་ནི་དྲང་སྲོང་དེས་བསྟན་པ་ལས་གྱུར་གྱི། གལ་ཏེ་དེས་མ་བསྟན་ན་ནི་བདག་བཟུང་
D1.002.0212b05.01ཞིང་འགྲོ་བར་མི་འགྱུར་བ་ཞིག །དེ་ལྟ་བས་ན་རེ་ཞིག་དྲང་སྲོང་དེའི་དྲུང་དུ་འགྲོའོ་སྙམ་ནས། དེ་དེའི་བསྟི་གནས་སུ་སོང་སྟེ་རྐང་པ་གཉིས་ལ་ཕྱག་བྱས་ནས་དྲང་སྲོང་ལ་སྨྲས་པ། དྲང་སྲོང་ཆེན་པོ་ཁྱོད་ཀྱིས་བསྟན་པས་བདག་བཟུང་སྟེ་མཆིས་ནས་མིའི་རེག་པ་རྣམས་ཐོབ་ཅིང་སྲོག་གི་བར་
D1.002.0212b06.01ཆད་དུ་ཅུང་ཞིག་གིས་མ་གྱུར་ཏོ། །དེ་བས་གསོལ་བ་ནི་གལ་ཏེ་བརྒྱ་ཞིག་ལ་གཞོན་ནུ་ནོར་{བཟངས་,བཟང་}བདག་ཚོལ་ཞིང་མཆིས་ན་དེ་ལ་བདག་གི་སོར་གདུབ་སྩོལ་ལ་འདི་སྐད་ཀྱང་གསུང་བའི་རིགས་སོ། །གཞོན་ནུ་ལམ་ཡང་བགྲོད་པར་དཀའ་སྟེ་ཉོན་མོངས་པར་འགྱུར་གྱིས་སླར་
D1.002.0212b07.01