完整藏文原文 · 德格版页 当前仅加载第 88 函德格 348b 版页；藏文 NFD、目录标记与异常页序保留在来源切片中，重复版页行以稳定序号区分。
མེད་པ་བསྟན་པ་དང་། ཚེ་དང་། ནད་མེད་པ་འཕེལ་བར། སངས་རྒྱས་བཅོམ་ལྡན་འདས་དང་། བྱང་ཆུབ་སེམས་དཔའ་སེམས་དཔའ་ཆེན་པོས་ཀྱང་སྔོན་དུ་གསུངས་པ་ཡིན་ནོ། །དེ་བཞིན་དུ་ཕན་ཡོན་གྱི་ཡོན་ཏན་མཆོག་འདི་དག་རྒྱ་
D543.088.0348b01.01ཆེ་བ་དང་། མཐའ་ཡས་ཤིང་མུ་མེད་པ་སྔོན་གསུངས་པ་ཡིན་ནོ། །གང་ཞིག་ཆོས་ཀྱི་རྣམ་གྲངས་འདི་སྤངས་སམ། རྣམ་པར་རྟོག་པར་བྱེད་ན། བསོད་ནམས་མ་ཡིན་པ་དཔག་ཏུ་མེད་པ་འཕེལ་བར་འགྱུར་ཞིང་། དམྱལ་བར་ཡང་སྐྱེ་བར་
D543.088.0348b02.01འགྱུར་ལ། དུད་འགྲོ་དང་། {ཡི་དགས་,ཡི་དྭགས་}དང་། གཤིན་རྗེའི་འཇིག་རྟེན་གྱི་སྐྱེ་བ་ངན་པར་ཡང་འགྲོ་བར་འགྱུར་རོ། །སྨན་དང་། སྔགས་རྣམས་མེད་དོ། །བྱང་ཆུབ་སེམས་དཔའ་མེད་དོ། །དེ་རྣམས་ཀྱི་བདག་ཉིད་ཆེན་པོ་རྫུ་འཕྲུལ་
D543.088.0348b03.01ཆེ་བ་དང་། རྣམ་པར་འཕྲུལ་བ་ཡང་མེད་དོ། །ཆོ་ག་རྒྱ་ཆེ་བ་ཡང་མེད་དོ། །འཕགས་པ་མ་ཡིན་པས་བཤད་དོ། །ཞེས་བྱས་ནས་སྤང་བའམ། །ཡང་ན་འགྲོ་ཞིང་འདི་ཉན་པར་མི་ནུས་སོ། །ཞེས་གནས་དེ་ལས་གཞན་དུ་
D543.088.0348b04.01འགྲོ་ན། དེ་དག་ལ་བསོད་ནམས་མ་ཡིན་པ་ཆེན་པོ་འབྱུང་བར་འགྱུར་རོ། །ཅི་སྟེ་བློ་ཆུང་བ་གང་གིས་ཆོས་འདི་ནི་ཐུབ་པ་མཆོག་དང་། ཐུབ་པའི་སྲས་བློ་དང་ལྡན་པ་མ་ཡིན་ནོ། །ཞེས་རབ་ཏུ་སྤོང་བར་བྱེད་དོ། །མི་དེ་དམྱལ་བར་འགྲོ་འགྱུར་
D543.088.0348b05.01ཞིང་། །དེ་ཉམས་ནས་ནི་དུད་འགྲོར་འགྲོ། །ཐིག་ནག་དང་ནི་ཡང་སོས་དང་། །སྤུ་གྲི་སོ་དང་མེ་མ་མུར། །རོ་མྱགས་ཆུ་བོ་རབ་མེད་སྐྱེ། །དེ་ནས་ཕྱིར་ཡང་སྤུ་གྲི་སོར། །ལོ་མ་རལ་གྲི་ལྟ་བུའི་ནགས། །ཡང་ན་ཀྱི་ཧུད་ཟེར་དེ་བཞིན། །འཇིག་རྟེན་གྲགས་
D543.088.0348b06.01པ་སོ་ཐམས་ཐམས། །སྡིག་པའི་ལས་ཀྱི་དམྱལ་བ་རུ། །གང་གིས་ཆོས་ནི་སུན་བྱེད་པ། །དེ་ནི་སྐྱེ་བ་དེ་དག་འགྲོ། །འཇིག་རྟེན་སྨད་པར་རབ་བསྟན་པ། །མི་བཟད་མནར་མེད་པ་ཞེས་བྱ། །མ་དད་སེམས་ཀྱིས་ཆོས་སྤངས་པ། །སྡིག་པའི་ལས་ཅན་གནས་ཡིན་ཏེ། །
D543.088.0348b07.01