完整藏文原文 · 德格版页 当前仅加载第 88 函德格 331a 版页；藏文 NFD、目录标记与异常页序保留在来源切片中，重复版页行以稳定序号区分。
བྱེད་བདེ་བྱེད་ཉིད་དང་ནི། །སྟག་དང་སེང་གེ་གཟའ་ལྷག་དང་། །སངས་རྒྱས་དག་པ་བུམ་པ་དང་། །བུམ་པ་མ་ལུས་ཉིད་དུ་བརྗོད། །མཉམ་དང་ལེགས་པར་འཇམ་པ་དང་། །སྐྲ་བཟང་སྐྲ་ནི་ལྡན་པ་དང་། །ལྷོ་ཡི་ཕྱོགས་སུ་ས་ཡི་བདག །མཐའ་ཡས་མང་
D543.088.0331a01.01པོར་བསྟན་པ་ཡིན། །འདས་དང་མ་འོངས་པ་དག་དང་། །ད་ལྟར་དག་ཏུ་རྟོགས་པར་གྱིས། །རྣམ་པ་སྣ་ཚོགས་ནད་བཏབ་ནས། །འདི་དག་རྣམ་པ་སྣ་ཚོགས་འཆི། །མཚོན་གྱིས་འདེབས་དང་མུ་གེ་ཡིས། །འཆི་ཞིང་ཁ་ཅིག་ཕྱོགས་གཞན་འགྲོ། །དེ་ལྟར་འདི་དག་རྒྱལ་པོ་
D543.088.0331a02.01རྣམས། །ཀན་ཙི་པུ་རར་གནས་པར་བསྟན། །དེ་བཞིན་སྟོང་ཕྲག་རྣམ་གྲགས་པ། །དེ་ཚེ་འབྱུང་བར་འགྱུར་བ་ཡིན། །དེ་དུས་དེ་ཚེ་ཕྱོགས་དག་ཏུ། །སྔགས་རྣམས་གྲུབ་པར་འདོད་ན་ནི། །ཁྲོ་བོ་རྡོ་རྗེའི་རིགས་བསྟན་པའི། །སྔགས་འདི་དག་ནི་བསྒྲུབ་པར་བྱ། །མངོན་པར་སྤྱོད་པའི་
D543.088.0331a03.01ལས་དག་དང་། །དེ་བཞིན་དབང་གི་དོན་ཡང་འགྲུབ། །གཞོན་ནུ་བྱིས་པའི་གཟུགས་ཅན་ནི། །འཇམ་པའི་དབྱངས་ནི་བདག་ཉིད་ཆེ། །དེ་ཚེ་དུས་མཐར་ཕྱིན་པ་ན། །དེ་ཚེ་ཡུལ་དེར་འགྲུབ་པར་འགྱུར། །རི་བོ་འབིགས་བྱེད་ལ་བརྟེན་ནས། །རྒྱ་མཚོ་བ་ཚྭ་ཅན་འགྲམ་དུ། །གདོང་
D543.088.0331a04.01དྲུག་ཅེས་ནི་ཡང་དག་བསྒྲགས། །སེམས་ཅན་རྣམས་ལ་མཆོག་སྦྱིན་བྱེད། །འཇམ་པའི་དབྱངས་ནི་བློ་དང་ལྡན། །བྱང་ཆུབ་སེམས་དཔས་བཀའ་སྩལ་པ། །སེམས་ཅན་རྣམས་ལ་ཕན་འདོད་ཕྱིར། །ལྷོ་ཡི་ཕྱོགས་སུ་གནས་པར་གྱིས། །གདོང་དྲུག་གང་གི་སྔགས་དག་ནི། །
D543.088.0331a05.01འཇམ་པའི་དབྱངས་ཀྱིས་རབ་བསྟན་པ། །དེ་ཚེ་དེ་ཕྱོགས་དེ་དུས་སུ། །གྲུབ་པར་འགྱུར་བར་ཐེ་ཚོམ་མེད། །དེ་ཚེ་དཔལ་གྱི་རི་བོའི་ཕྱོགས། །འབིགས་བྱེད་ནང་དང་རི་ཞོལ་དང་། །གླིང་ཉིད་རྣམ་པ་ཐམས་ཅད་དང་། །ཀ་ལིང་ཀ་ཞེས་རབ་བསྒྲགས་དང་། །ཡོན་ཏན་གསུམ་
D543.088.0331a06.01དང་ཀླ་ཀློ་དང་། །ཁོ་ར་འཁོར་ཡུག་ཀོ་ས་ལ། །རྒྱ་མཚོའི་ནང་དང་འགྲམ་དག་ཏུ། །རྒྱལ་པོ་དག་ནི་མཐའ་ཡས་ཡོད། །ཆ་ཤས་ཀཱ་མ་རཱུ་ཞེས་པ། །ཁ་བ་ཅན་གྱི་ནང་ན་གནས། །ཨོ་ཌ་ཡུལ་གྱི་མཚམས་ཀུན་ན། །རྒྱལ་པོ་རྣམས་ནི་མང་པོ་གསུངས། །སྣ་ཚོགས་ཀླ་ཀློའི་
D543.088.0331a07.01