完整藏文原文 · 德格版页 当前仅加载第 88 函德格 216b 版页；藏文 NFD、目录标记与异常页序保留在来源切片中，重复版页行以稳定序号区分。
རྟེན་ཡང་དག་འགུལ། །ས་རྣམས་ཐམས་ཅད་རབ་འགུལ་བ། །རི་བོ་དང་ནི་ནགས་སུ་བཅས། །རྟག་ཏུ་ནམ་མཁའ་ལ་སྣང་བ། །འཕར་ཞིང་འོག་ཏུ་འབྱུང་བྱེད་ན། །བྱང་ཕྱོགས་ཀྱི་ནི་ཡུལ་དག་དང་། །ནུབ་ཕྱོགས་ལ་ནི་ཡང་དག་གནས། །ལྷོ་ཡི་ཕྱོགས་ནི་ཐམས་ཅད་དང་། །
D543.088.0216b01.01ཕྱོགས་རྣམས་ཀུན་ལ་གནས་བྱེད་པའི། །མི་མཆོག་ས་ནི་མང་སྤྱོད་པ། །ཕན་ཚུན་དུ་ནི་གནོད་པ་བྱེད། །སེམས་ཅན་རྣམས་ནི་གནོད་ཆེན་ལྡན། །མུ་གེས་ཡུལ་འཁོར་འབྱེར་བར་འགྱུར། །ཐོ་རངས་ས་ནི་འགུལ་གྱུར་ན། །ལུས་ཅན་ཤིས་དང་ཞི་བར་འགྱུར། །དེ་ལས་ཅུང་ཟད་
D543.088.0216b02.01ཕྱི་དུས་ན། །དྲག་པོའི་འགུལ་བ་རབ་ཏུ་སྐྱེ། །དེ་ནས་ཅུང་ཟད་ཕྱིས་འགུལ་ན། །ཡུལ་ནི་མ་ག་དྷཱར་གནོད་དང་། །ཨངྒའི་ཡུལ་དུ་གནོད་འགྱུར་ཏེ། །མ་ག་དྷཱ་རྒྱལ་དེ་བཞིན་ནོ། །དེ་ནས་ཅུང་ཟད་ཉིན་ཕྱེད་དམ། །ཕྱི་དྲོའི་དུས་སུ་གྱུར་པ་ན། །གལ་ཏེ་ས་ནི་འགུལ་བར་གྱུར། །
D543.088.0216b03.01ས་སྟེང་མ་ལུས་ཉིད་དག་གི །རབ་ཏུ་བྱུང་བ་ཐམས་ཅད་ལ། །རྟག་ཏུ་ནད་ནི་འབྱུང་བ་འཐོབ། །རིམས་དང་ཡི་ག་འཆུས་དང་གཟེར། །དེ་བཞིན་ནད་ནི་འབྲུམ་བུ་ཡིས། །ཞག་བདུན་བཏབ་པར་གྱུར་ནས་ནི། །དེ་ནས་དེ་དག་སོས་པར་འགྱུར། །དེ་ནས་ཉི་མ་ཡང་འདས་ནས། །
D543.088.0216b04.01ས་ནི་གལ་ཏེ་འགུལ་གྱུར་ན། །རིགས་བཞི་དག་གི་མཆོག་གྱུར་པ། །བྲམ་ཟེ་རྩྭ་ནི་སོ་མ་འཐུང་། །ཉོན་མོངས་རྒྱལ་པོའི་བློན་པོ་ནི། །འཆི་བར་འགྱུར་བར་ཐེ་ཚོམ་མེད། །མདུན་ན་འདོན་ནི་ཆོས་དང་ལྡན། །བློན་པོའམ་ཞམ་འབྲིང་བྱེད་པ་ན། །གཞན་ཡང་སྡོམ་ཅན་གཙོ་བོ་ནི། །
D543.088.0216b05.01སྔགས་རྒྱུད་དོན་ལ་མཁས་པ་དང་། །བྲམ་ཟེ་དང་ནི་རྒྱལ་རིགས་དང་། །དེ་བཞིན་དམངས་རིགས་རྗེའུ་རིགས་དང་། །བརྟན་པ་མཁས་པ་དག་དང་ནི། །བསྟན་བཅོས་དེ་ཉིད་དོན་ལུགས་ལྡན། །གསོད་དང་རབ་ཏུ་ཉམས་པའམ། །དྲན་ལྡན་ཐོས་དང་དེ་ཉིད་ཤེས། །སྔོན་
D543.088.0216b06.01བྱུང་བ་ནི་སེམས་པ་དག །མྱུར་དུ་ནད་ཀྱིས་འཇིགས་འགྱུར་ཏེ། །གནམ་ལྕགས་རྡོ་རྗེས་ཤིང་ལ་བཞིན། །དེ་ནས་ཉི་མ་ནུབ་པ་ན། །དེ་ནས་ཡང་ནི་སོང་བ་ན། །ཕྱི་དྲོ་དུས་ཀྱི་མཐའ་ལ་ནི། །གལ་ཏེ་ས་ནི་རབ་ཏུ་འགུལ། །དེ་བཞིན་སེམས་ཅན་འདྲེས་པ་དང་། །དུད་འགྲོ་དག་གི་
D543.088.0216b07.01