完整藏文原文 · 德格版页 当前仅加载第 88 函德格 184a 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱལ་པོ་ཉིད་དང་རྟག་ཏུ་དོན་ཐམས་ཅད་ཐོབ་པ་དང་ལྡན་པ་ཡིན་ནོ། །བྱང་ཆུབ་སེམས་དཔའི་སྡེ་སྣོད་ཕལ་པོ་ཆེ་ཐེག་པ་ཆེན་པོ་ཤིན་ཏུ་རྒྱས་པའི་མདོ་ལས། འཕགས་པ་འཇམ་དཔལ་གྱི་རྩ་བའི་ཆོ་ག་རབ་འབྱམ་ལས། སྒྲུབ་པའི་ཐབས་ཀྱི་ལས་ཀྱི་གནས་བཞི་པ་
D543.088.0184a01.01ལས་བཟླས་པ་དང་ངེས་པར་སྡོམ་པ་དང་སྦྱིན་སྲེག་དང་བསམ་གཏན་དང་། གཙང་སྦྲའི་སྤྱོད་པ་དང་ལས་ཐམས་ཅད་ཀྱི་ཆོ་ག་སྒྲུབ་པའི་ལེའུ་རབ་འབྱམ་བཅུ་གཅིག་པ་རྫོགས་སོ།། །།དེ་ནས་བཅོམ་ལྡན་འདས་ཤཱཀྱ་ཐུབ་པས་ཐམས་ཅད་དང་ལྡན་པའི་གནས་གཙང་མའི་གཞལ་མེད་
D543.088.0184a02.01ཁང་ལ་གཟིགས་ནས། འཇམ་དཔལ་གཞོན་ནུར་གྱུར་པ་ལ་བཀའ་སྩལ་པ། འཇམ་དཔལ་ཉོན་ཅིག །ཁྱོད་ཀྱི་རིག་པའི་སྔགས་རྗེས་སུ་སྤྱོད་པ། སེམས་ཅན་ཐམས་ཅད་ཀྱི་དོན་ལ་རྗེས་སུ་བརྩོན་པ། སེམས་ཅན་རྣམས་གང་ཟློས་པར་བྱེད་པ་དང་གང་གིས་ཟློས་པར་བྱེད་པ་
D543.088.0184a03.01དང་། དེའི་ཕྲེང་བའི་ཆོ་ག་དེ་ཐམས་ཅད་རྒྱུད་ཐམས་ཅད་ཀྱི་སྤྱི་སྔགས་ཐམས་ཅད་ཀྱི་སྒྲུབ་པའི་ཐབས་ལེགས་པར་རབ་ཏུ་ཉོན་ལ་ཡིད་ལ་ཟུང་ཤིག །དེ་སྐད་ཅེས་བཀའ་སྩལ་པ་དང་། འཇམ་དཔལ་གཞོན་ནུར་གྱུར་པས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་
D543.088.0184a04.01ལྡན་འདས་ལེགས་སོ་ལེགས་སོ། །བདག་ལ་ཐུགས་བརྩེ་བའི་དོན་དང་། སྔགས་ཐམས་ཅད་ཀྱི་སྤྱོད་པ་དང་དམ་ཚིག་ལ་ཞུགས་པ་རྣམས་ཀྱིས་སེམས་ཅན་རྣམས་ཀྱི་སླད་དུ་དེ་བཤད་དུ་གསོལ། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་འཇམ་དཔལ་གཞོན་ནུར་
D543.088.0184a05.01གྱུར་པ་ལ་འདི་སྐད་ཅེས་བཀའ་སྩལ་ཏོ། །འཇམ་དཔལ་ཉོན་ཅིག །རྣམ་པར་དབྱེ་བ་རྒྱ་ཆེར་བཤད་པར་བྱ་སྟེ། སྔགས་ཐམས་ཅད་ཀྱི་སྤྱོད་པ་ལ་མངོན་པར་བརྩོན་པ་ན་སེམས་ཅན་ཐམས་ཅད་ཀྱི་དོན་སྒྲུབ་པར་བྱེད་དེ། དང་པོར་རེ་ཞིག་སྔགས་སུ་འགྱུར་བ་དེ་གང་ཞེ་ན། ན་མཿསརྦ་
D543.088.0184a06.01བུད་དྷཱ་ནཱཾ། ཨ་ཙིན་ཏྱཱད་བུད་དྷ་རཱུ་པཱི་ཎཱཾ། ཏདྱ་ཐཱ། ཨོྃ་ཀུ་རུ་ཀུ་རུ། སརྦཱ་རྠཱཾ་སཱ་དྷ་ཡ། སརྦ་དུཥྚཾ་བི་མོ་ཧ་ནི། ག་ག་ནཱ་བི་ལམྤེ་བི་ཤོ་དྷ་ཡ་སྭཱ་ཧཱ། སྔགས་འདིས་ཕྲེང་བ་ཐམས་ཅད་ལ་ལས་བྱའོ། །སྦྱང་བ་དང་དགུག་པ་དང་བླང་བ་དང་རྒྱུ་བ་ལ་སོགས་པའི་ལས་བྱའོ། །
D543.088.0184a07.01