完整藏文原文 · 德格版页 当前仅加载第 88 函德格 181b 版页；藏文 NFD、目录标记与异常页序保留在来源切片中，重复版页行以稳定序号区分。
བལྟས་ཏེ། །མཚན་མོ་ལྷོར་ནི་བལྟ་བར་བྱ། །དེར་ནི་དོན་རྣམས་མི་བསམ་སྟེ། །སྔགས་ཟློས་ནམ་ཡང་བྱ་བ་མིན། །དེར་ནི་སྔགས་ཀྱང་མི་བཟླ་ཞིང་། །ལས་བཅས་རིགས་ཀྱང་བཤད་མ་ཡིན། །རབ་སྔགས་འགྲོས་དང་མཚན་སོགས་ཀྱིས། །དེ་ཚེ་ས་ལ་འདུག་པར་བྱ། །
D543.088.0181b01.01གཙང་ཕྱིར་གོས་མཐའ་ཆུར་གཞུག་བྱ། །ཆུ་གཙང་གིས་ནི་ཉེ་རེག་བྱ། །འབད་པས་རྐང་གཉིས་བཀྲུ་བྱ་སྟེ། །ས་ནི་ཁྱོར་བ་བདུན་བླངས་ནས། །ལན་བདུན་ས་དེ་ཉིད་ཀྱིས་སོ། །བཤང་བ་ལ་ནི་སུམ་ཅུས་བྱ། །མཆིལ་མ་དོར་དང་དེ་བཞིན་དུ། །སྣབས་དོར་བ་ལ་རེ་རེ་འོ། །དེ་ནས་ཉེ་
D543.088.0181b02.01རེག་བྱ་བ་ཡིན། །སྒྲ་མེད་དེ་བཞིན་སོང་ནས་ནི། །ལམ་ལ་སོགས་པ་སྤངས་པའོ། །དེ་ནས་གཞན་ཡང་ཅི་འདོད་པར། །ལྷོ་ཕྱོགས་མཐའ་ནི་ཕྱི་རོལ་དུ། །གཡང་ས་ཞིང་དང་ཚྭ་སྒོ་དང་། །དེ་བཞིན་བྱེ་མས་ཁྱབ་པ་ལ། །ཆུ་བོ་སྤང་ཞིང་ངོགས་ཀྱང་སྤང་། །མི་གཙང་བ་ཡང་
D543.088.0181b03.01སྤང་བར་བྱ། །རབ་ཏུ་བཀབ་དང་དབེན་ཡིད་ཆེས། །བས་མཐའ་སྐྱེ་བོ་རྣམ་སྤངས་པ། །སྔགས་པས་དེ་འདྲའི་ས་དག་ཏུ། །མི་གཙང་བ་ནི་དོར་བར་བྱ། །སྔགས་ཟློས་དུས་ནི་ཤེས་པ་ཡིས། །ཅི་ལྟར་འདོད་པའི་ཤུགས་དག་མིན། །དེ་ནས་གཙང་མཐའི་ཕྱོགས་སོང་
D543.088.0181b04.01ནས། །བཤང་གཅིའི་བྱ་བ་བྱས་ནས་ནི། །དེ་ནས་གནས་སུ་ཅི་བདེར་གནས། །གསལ་བའམ་དབེན་པའམ་གཡོགས་པའམ། །སྐྱེ་བོ་མེད་པའི་ས་ཕྱོགས་སུ། །མི་སྨྲ་ལུས་རེག་སྤངས་ནས་ནི། །རྟག་ཏུ་བཤང་གཅི་བྱ་བ་ཡིན། །བཤང་དང་གཅི་བ་མེད་བྱས་ནས། །
D543.088.0181b05.01སྡོམ་ཅན་གཙང་སྦྲ་རྟག་ཏུ་བྱ། །རེག་ན་འཇམ་དང་འདོད་པ་ཡི། །སྲོག་ཆགས་རྣམ་པར་སྤངས་པ་ཡི། །ས་གསུམ་ཡོངས་སུ་བླངས་ནས་སུ། །གཅིག་གིས་བཤང་བའི་ཕྱོགས་སུ་བྱ། །ས་ཡི་ཆ་གཉིས་དག་གིས་ཀྱང་། །ལག་པ་གཉིས་ནི་བཀྲུ་བར་བྱ། །སྔགས་
D543.088.0181b06.01པས་ས་དག་རྟག་ཏུ་ནི། །སྔར་བསྟན་པ་དག་བླང་བར་བྱ། །འབད་པས་རྐང་གཡོན་བཀྲུ་བྱ་སྟེ། །དེ་ནས་གཡས་པ་བཀྲུ་བར་བྱ། །ཕན་ཚུན་ཉིད་དུ་བཤིབས་ནས་ནི། །ཟློས་པས་རྐང་པ་བཀྲུ་བར་བྱ། །སྔགས་ཟློས་པས་ནི་གཙང་སྦྲ་དག །སྔར་ནི་རྒྱ་ཆེར་བསྟན་པ་ཡིན། །དྲི་ང་
D543.088.0181b07.01