完整藏文原文 · 德格版页 当前仅加载第 88 函德格 267b 版页；藏文 NFD、目录标记与异常页序保留在来源切片中，重复版页行以稳定序号区分。
དང་། །འོད་དཔག་མེད་དང་རིན་ཆེན་ཏོག །དཔག་མེད་ཚེ་ཤེས་མི་གཡོ་དབང་། །འཇིག་རྟེན་མགོན་པོ་ཉིན་བྱེད་དང་། །བདེ་བྱེད་འཇིག་རྟེན་མགོན་པོ་དང་། །སྤྱན་བཟང་ཆོས་ཀྱི་ཏོག་དང་ནི། །འོད་ཀྱི་ཕྲེང་བ་ཞེས་གྲགས་པ། །གཙོ་བོ་མཆོག་ནི་དམ་པ་དག །འདི་དག་ག་
D543.088.0267b01.01པུར་སངས་རྒྱས་ནི། །རྐང་གཉིས་མཆོག་ལ་ཕྱག་བྱས་ནས། །གཙང་བའི་གནས་སུ་གཙང་བྱས་ནས། །ཟློས་པའི་དུས་སུ་ཕྱག་རྒྱ་བཅིང་། །སློབ་དཔོན་ལ་ནི་ཡང་དག་དྲིས། །ཐེ་ཚོམ་དོན་ལས་རྣམ་པར་གྲོལ། །དེ་འདྲའི་སྤྱོད་པ་དེ་ལྡན་ན། །ཅི་ལྟར་བདེ་བར་ཕྱག་རྒྱ་
D543.088.0267b02.01བཅིང་། །རྣམ་སྦྱངས་རྣམ་པར་དབེན་པ་དང་། །གནས་ཀྱང་མངོན་པར་བསྔགས་བྱས་པ། །ཁྲོས་མིན་ཟས་ལྷག་བཅས་པ་མིན། །གཞན་དག་གིས་ནི་སེམས་གཡེང་མིན། །སོལ་བ་ཐལ་བའི་ནང་དག་ཏུ། །ནམ་ཡང་ཕྱག་རྒྱ་བཤད་མི་བྱ། །གཞན་གྱི་བུད་མེད་ལ་ཆགས་དང་། །
D543.088.0267b03.01གཞན་ནོར་ཆགས་ལའང་བཤད་མི་བྱ། །ལངས་དང་ཉལ་བ་དག་ལ་ནི། །ཕྱག་རྒྱ་བདེ་འབྱུང་བཤད་མི་བྱ། །ལྷོར་བལྟས་འདུག་ལའང་མ་ཡིན་ཏེ། །ནུབ་ཏུ་བལྟས་ཏེ་འདུག་པར་མིན། །སྟེང་དང་འོག་གི་ཕྱོགས་དག་ཏུའང་། །ཕྱག་རྒྱ་བཅིང་བར་མི་བྱའོ། །བྱང་དང་ཤར་དུ་བལྟས་
D543.088.0267b04.01པ་དང་། །ཕྱོགས་མཚམས་དག་ནི་དེ་དག་ཏུ། །དཀྱིལ་འཁོར་བདག་པོའི་སྔགས་དྲན་ནས། །སྔགས་ཤེས་པས་ནི་ཕྱག་རྒྱ་བཅིང་། །ཕྱག་རྒྱ་མ་ལུས་བཅིང་བ་ལ། །ཆོ་ག་མཆོག་འདི་འདོད་པ་ཡིན། །དེ་ཡི་འོག་ཏུ་བརྗོད་བྱ་བ། །ཕྱག་རྒྱ་ཉི་ཤུ་གཅིག་པ་ཡིན། །ལག་གཉིས་མཉམ་
D543.088.0267b05.01པར་བྱས་ནས་ནི། །སོར་མོ་རྣམས་ནི་སྦྱར་བར་བྱ། །དེ་ནས་སོར་མོ་གུང་མོ་ནི། །རྩེ་མོ་སྦྱར་བར་བྱ་བ་ཡིན། །མཛུབ་མོ་དང་ནི་མཐེའུ་ཆུང་གི། །རྩེ་མོ་ཚིགས་ནི་བར་མར་གཞག །ཕྱག་རྒྱ་ཤེས་པས་རྟག་བྱ་བ། །མཐེ་བོང་གཉིས་ནི་བཀུག་རྟེན་ཅིང་། །རྩེ་མོ་གསུམ་སྦྱར་
D543.088.0267b06.01ཡང་དག་ལྡན། །པཊྚི་སཾ་དུ་མཁས་པས་ཤེས། །ཕྱག་རྒྱ་འདི་ནི་མཆོག་ཡིན་ཏེ། །མྱུར་དུ་གཞན་གྱི་སྔགས་རྣམས་གཅོད། །དེ་ནས་གཞན་གྱི་ཕྱག་རྒྱ་གཅོད། །མ་རུངས་སེམས་ཅན་ལ་སྦྱར་བྱ། །གཟའ་དང་མ་མོ་སྲུལ་པོ་ཡི། །འབྱུང་པོ་ཀུན་ནི་སྐྲག་པར་བྱེད། །ལས་རྣམ་སྣ་
D543.088.0267b07.01