完整藏文原文 · 德格版页 当前仅加载第 88 函德格 347b 版页；藏文 NFD、目录标记与异常页序保留在来源切片中，重复版页行以稳定序号区分。
ནས་ནི། །ཟབ་མོའི་དོན་གྱི་དོན་སྟོན་བྱེད། །སྤྲོས་མེད་རྣམ་པ་མེད་པ་དང་། །གནས་མེད་པ་ལས་གཟུགས་བྱས་ནས། །ཤིན་ཏུ་དོན་ལྡན་ཆོས་ཀྱང་སྟོན། །ལྷ་ཡི་དབང་ཕྱུག་དེ་ནི་དྲན། །དེ་ནས་དེ་ནི་དེ་དྲན་པས། །བྱང་ཆུབ་སེམས་དཔའ་དྲན་ཙམ་གྱིས། །གཞོན་ནུ་སྣ་
D543.088.0347b01.01ཚོགས་གཟུགས་ཅན་ནི། །དེར་ནི་དེ་ཡི་མོད་ལ་ལྷགས། །དེར་ནི་བཅོམ་ལྡན་འདས་དང་ནི། །བཅོམ་ལྡན་ལྷ་ཡི་དབང་ཕྱུག་བཅས། །ལྷགས་ནས་བྱང་ཆུབ་སེམས་དཔའ་དེས། །དེ་ཚེ་རྒྱལ་བ་མཆོག་ལ་བཏུད། །རྒྱལ་བ་མཆོག་ཀུན་ཕྱག་འཚལ་ནས། །འོད་ཆེན་འོད་སྲུང་
D543.088.0347b02.01ལ་ཡང་བཏུད། །དེ་ཚེ་ཐུབ་པས་རྗེས་གནང་ནས། །སྔགས་ཀྱི་ཚིག་ནི་འདི་སྨྲས་སོ། །ན་མཿསརྦ་བུདྡྷ་བོ་དྷི་སཏྭེ་བྷྱཿ། ཨ་པྲ་ཏི་ཧ་ཏ་ཤཱ་ས་ནེ་བྷྱཿ། ཨོྃ་ཧ་ན་ཧ་ན། སརྦ་བྷ་ཡོཏྶཱ་ད་ཡ་ཏྲཱ་ས་ཡ། མོ་ཊ་ཡ། ཚིནྡ། བྷིནྡ། ཛྭ་ལ་ཛྭ་ལ། ཧཱུྃ་ཧཱུྃ་ཕཊ་ཕཊ་སྭཱ་ཧཱ། བྱང་ཆུབ་སེམས་དཔའ་
D543.088.0347b03.01སེམས་དཔའ་ཆེན་པོ་འཇམ་དཔལ་གཞོན་ནུར་གྱུར་པས་སྔགས་འདི་སྨྲས་མ་ཐག་ཏུ་ས་ཆེན་པོ་འདི་རི་དང་རྒྱ་མཚོའི་མཐར་ཐུག་པ་དང་བཅས་པ་རྣམ་པ་དྲུག་ཏུ་གཡོས་ཏེ། སངས་རྒྱས་བཅོམ་ལྡན་འདས་ཐམས་ཅད་ཀྱི་ཞིང་མཐའ་ཡས་པ་འཇིག་རྟེན་གྱི་ཁམས་ཀྱི་ཕྱོགས་ཀྱི་མཐར་
D543.088.0347b04.01ཐུག་པ་ཐམས་ཅད་དང་བཅས་པ་ཡང་རབ་ཏུ་འགུལ་བར་གྱུར་ཏོ། །སངས་རྒྱས་བཅོམ་ལྡན་འདས་ཐམས་ཅད་ཀྱིས་ཀྱང་སྔགས་ཀྱི་ཚིག་འདི་དག་བྱིན་གྱིས་བརླབས་སོ། །དེ་ནས་ལྷའི་དབང་པོ་བརྒྱ་བྱིན་འཇིགས་པ་དང་བྲལ་ནས་བ་སྤུ་ལངས་ཏེ་ངོ་མཚར་རྨད་དུ་བྱུང་བ་ཐོབ་
D543.088.0347b05.01ནས། མིག་གཉིས་ཕྱེ་སྟེ། སྟན་ལས་ལངས་ནས། བཅོམ་ལྡན་འདས་ཀྱི་ཞབས་གཉིས་ལ་བཏུད་ནས་ལན་གསུམ་བསྐོར་བ་བྱས་ཤིང་། འཇམ་དཔལ་གཞོན་ནུར་གྱུར་པ་ལ་མངོན་དུ་བལྟས་ནས་སྔགས་ཀྱི་ཚིག་དེ་དག་བཟུང་སྟེ། ཡིད་ལ་བྱས་ནས་ཕྱིར་ཡང་ཤིང་རྟ་ལ་ཞོན་
D543.088.0347b06.01ཏེ། ལྷ་མ་ཡིན་གང་ཡིན་པ་དེ་ལོགས་སུ་ཕྱིན་པར་གྱུར་ཏོ། །དེ་ནས་ལྷ་མ་ཡིན་ཐམས་ཅད་རྒྱ་མཚོ་ཆེན་པོའི་མཐའི་འགྲམ་དུ་གང་རང་གི་གྲོང་ཁྱེར་གང་ཡིན་པ་དེར་མངོན་དུ་ཕྱོགས་ཤིང་སོང་བར་གྱུར་ཏེ། སེམས་ཞུམ་ཞིང་ཉམས་ལ་དཔུང་གི་འཇིགས་པས་
D543.088.0347b07.01