完整藏文原文 · 德格版页 当前仅加载第 88 函德格 133a 版页；藏文 NFD、目录标记与异常页序保留在来源切片中，重复版页行以稳定序号区分。
གསུངས་ཤིག་གསུངས་ཤིག །ཤཱཀྱ་སེང་གེ་མགོན་པོ་ནི། །ཡོངས་སུ་མྱ་ངན་འདས་འོག་ན། །སེམས་ཅན་རྣམས་ཀྱི་སངས་རྒྱས་ཉིད། །ས་སྟེང་ཁྱོད་ཀྱི་དཀྱིལ་འཁོར་བྱེད། །མཐོང་བ་ཙམ་གྱིས་འཇིག་རྟེན་ན། །སྔགས་ནི་རབ་ཏུ་འགྲུབ་པར་འགྱུར། །
D543.088.0133a01.01མི་ཤེས་ཆོ་ག་ཉམས་པའམ། །དམ་ཚིག་བདག་པོར་མ་གྱུར་ན། །བདག་ཉིད་ཆེན་པོ་ཚངས་པ་ཡང་། །སྔགས་རྣམས་འགྲུབ་པར་མི་འགྱུར་རོ། །སྔགས་ལ་དད་པ་མེད་པས་ནི། །འབད་པ་དུ་མ་བྱས་གྱུར་ཀྱང་། །སྔགས་རྣམས་འགྲུབ་པར་མི་འགྱུར་བས། །མ་རུངས་དམ་
D543.088.0133a02.01ཚིག་མི་བསྟན་ཏོ། །དམ་ཚིག་སྦྱོར་བ་ཉམས་པ་ནི། །རབ་འབྱམ་བརྒྱ་བྱིན་ཡིན་ན་ཡང་། །སྔགས་རྣམས་འགྲུབ་པར་མི་འགྱུར་ན། །མི་རྣམས་སྨོས་ཀྱང་ཅི་ཞིག་དགོས། །དམ་ཚིག་བསྟན་བཅོས་དེ་ཉིད་ཤེས། །ལས་ཀྱི་སྤྱོད་པ་སྒྲུབ་པ་ལ། །འཇིག་རྟེན་འཇིག་རྟེན་འདས་པ་ཡི། །
D543.088.0133a03.01སྔགས་རྣམས་ཐམས་ཅད་འགྲུབ་པར་འགྱུར། །འཇམ་པའི་དབྱངས་ཀྱི་དཀྱིལ་འཁོར་ནི། །ལས་ཀུན་བྱེད་ལ་རབ་ཞུགས་ན། །བསྟན་པ་ལ་ནི་གཞོན་ནུ་བཞིན། །སྔགས་རྣམས་འགྲུབ་པར་འགྱུར་བ་ཡིན། །དེ་ནས་གསང་བ་པའི་བདག་པོ་ལག་ན་རྡོ་རྗེས་སེམས་དཔའ་ཆེན་པོ་དེ་
D543.088.0133a04.01ལ་གསོལ་བ་བཏབ་པ། ཀྱེ་སེམས་ཅན་ཆེན་པོ་སེམས་ཅན་གྱི་དོན་གྱི་ཕྱིར་མདོར་བསྡུས་པའི་དཀྱིལ་འཁོར་གསུངས་ཤིག་ཅེས་སོ། །གསང་བ་པའི་བདག་པོས་དེ་སྐད་ཅེས་སྨྲས་པ་དང་། འཇམ་དཔལ་གཞོན་ནུར་གྱུར་བས་སེམས་ཅན་གྱི་དོན་གྱི་ཕྱིར། དཀྱིལ་འཁོར་
D543.088.0133a05.01གྱི་ཆོ་ག་སྨྲས་པ། རེ་ཞིག་དང་པོ་ཆོ་འཕྲུལ་གྱི་ཟླ་ཕྱེད་དམ་དཔྱིད་ཟླ་འབྲིང་པོའམ་དཔྱིད་ཟླ་ཐ་{ཆུངས་སམ་,ཆུང་ངམ་}ཟླ་བ་ཡར་ངོ་འམ། ཉིན་ཞག་དགེ་བ་དང་གཟའ་བཟང་པོ་བལྟས་ཏེ། རྒྱུ་སྐར་བཟང་པོ་དང་ལྡན་པ་ཡར་ངོའི་ཚེས་གཅིག་དང་། ཟླ་བ་ཉ་བའམ་དུས་གཞན་ལ་
D543.088.0133a06.01དབྱར་གྱི་དུས་སྤངས་ལ། སྔ་དྲོ་ས་བྱིན་གྱིས་བརླབ་པར་བྱ་སྟེ། གང་དུ་གྲོང་ཁྱེར་ཆེན་པོ་ལ་བརྟེན་པའམ། དཀྱིལ་འཁོར་གྱི་སློབ་དཔོན་རང་ཉིད་འདུག་པར་བྱའོ། །རྒྱ་མཚོ་ཆེན་པོར་འཇུག་པའི་གནས་སམ། རྒྱ་མཚོའི་ངོགས་དང་ཉེ་བའི་གྲོང་ཁྱེར་ཆེན་པོའི་བྱང་ཤར་
D543.088.0133a07.01