完整藏文原文 · 德格版页 当前仅加载第 88 函德格 346b 版页；藏文 NFD、目录标记与异常页序保留在来源切片中，重复版页行以稳定序号区分。
སུམ་ཚོགས། །ཡིད་ནི་སྐྱོ་བ་མེད་བྱས་ནས། །ས་སྟེང་འདི་ནི་རབ་ཏུ་སྒྲུབ། །སྔགས་དང་རྒྱུད་དོན་དྲང་བའི་དོན། །དོན་ཡོད་ཚིག་ནི་རབ་བཤད་པ། །བྱ་བ་དུས་ལ་བརྟེན་ནས་ནི། །ས་སྟེང་རིག་པ་འཛིན་བསྒྲུབ་ན། །རིན་ཆེན་ཕུན་ཚོགས་རབ་གང་བ། །དེ་ཡི་ཕྱོགས་
D543.088.0346b01.01ཀུན་དག་ཏུ་གསུངས། །འབྲས་བཅས་འགྲོ་བའི་བདག་ཉིད་ཆེ། །སྤྱོད་པ་བཟང་བར་བརྗོད་པ་ཡིན། །གང་ཞིག་ཆོ་ག་མཆོག་འདི་ལས། །རྒྱལ་པོ་སྔགས་གཅིག་འཆང་བྱེད་པ། །རྒྱལ་སྲིད་ཕུན་སུམ་ཚོགས་དོན་བཅས། །ཚེ་རིང་ཕུན་སུམ་ཚོགས་པར་འགྱུར། །རྣམ་
D543.088.0346b02.01པ་སྣ་ཚོགས་ལོངས་སྤྱོད་ཚོགས། །རྒྱལ་མཆོག་དམ་པས་འཐོབ་པར་འགྱུར། །འགྲོ་དང་གནས་པའི་དུག་དག་དང་། །གཞན་གྱིས་བྱས་པའི་རིག་པ་དང་། །རོ་ལངས་སྔགས་ཀྱིས་སྒྲུབ་པ་དང་། །མཚོན་གྱིས་ཀྱང་ནི་གནོད་མི་འགྱུར། །གཞན་གྱི་གནོད་བྱེད་གཙོར་
D543.088.0346b03.01བྱེད་པས། །ས་སྟེང་འཇིག་རྟེན་གནོད་མི་བྱེད། །ཆོམ་རྐུན་ནད་ནི་གཞན་དག་དང་། །མེ་ཡི་འཇིགས་པ་དེ་ལ་མེད། །རྒྱལ་པོ་སྐྱེ་བོ་དག་ཀྱང་རུང་། །སུ་ཞིག་དེ་ལ་མཆོད་མི་བྱེད། །གང་ཞིག་མདོ་སྡེ་དཀོན་མཆོག་འདི། །འཆང་དང་ཀློག་པའང་དེ་བཞིན་ནོ། །རྒྱལ་པོ་རྒྱལ་
D543.088.0346b04.01རིགས་སྤྱི་བོ་ནས། །དབང་བསྐུར་ཡུལ་དུ་ཉེར་གནས་ཚེ། །མདོ་སྡེ་མགོ་ལ་ངེས་བཅིངས་ནས། །ཡང་དང་ཡང་དུ་ཕྱག་འཚལ་ན། །དེ་ལ་རྐུན་པོས་མི་གནོད་ཅིང་། །མཚོན་གྱིས་དེ་ལ་ཕོག་མི་འགྱུར། །གཞོན་ནུའི་གཟུགས་སུ་ཡང་དག་བྱུང་། །རྨ་བྱའི་གདན་ལ་
D543.088.0346b05.01ལེགས་བཀོད་པ། །གླང་པོའི་མཚོག་མའི་སྟེང་བཞག་ནས། །གཡུལ་དུ་ཡང་དག་ཞུགས་བྱས་ན། །སྐྱེ་བོ་རྣམས་སྡང་དེ་དག་ཀུན། །མཐོང་བ་ཙམ་གྱིས་ལྡོག་པར་བྱེད། །བྱིས་པའི་གཟུགས་ཅན་བཟང་པོ་ནི། །གཞོན་ནུའི་རྒྱན་གྱིས་ཡོངས་སུ་བརྒྱན། །གསེར་
D543.088.0346b06.01དང་དངུལ་དང་ར་གན་གྱིས། །རྒྱལ་མཚན་ཡུ་བ་བསྒྲེང་བ་ལ། །རྒྱལ་མཚན་བ་དན་བཏགས་ནས་ནི། །ལེགས་དགད་ལེགས་པར་མཉམ་པར་བཞག །གཡུལ་དུ་དགྲས་ནི་ལེགས་གང་བ། །མཚོན་ཆ་སྣ་ཚོགས་ཐོགས་བྱེད་པ། །ཐམས་ཅད་གཡུལ་དུ་འདུས་
D543.088.0346b07.01