完整藏文原文 · 德格版页 当前仅加载第 88 函德格 262a 版页；藏文 NFD、目录标记与异常页序保留在来源切片中，重复版页行以稳定序号区分。
མའི་གཞལ་མེད་ཁང་ལ་གཟིགས་ནས། དེ་བཞིན་གཤེགས་པའི་ཕྱག་རྒྱའི་མཛོད་ཡང་དག་པར་བསྐུལ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །སྙོམས་པར་ཞུགས་མ་ཐག་ཏུ་བཅོམ་ལྡན་འདས་ཤཱཀྱ་ཐུབ་པའི་མཛོད་སྤུ་ནས་འོད་ཟེར་དུ་མ་བྱེ་བ་ཁྲི་ཕྲག་
D543.088.0262a01.01བརྒྱ་སྟོང་གྲངས་མེད་པའི་འཁོར་དང་བཅས་པ་བྱུང་སྟེ། །འོད་ཟེར་གྱི་དྲ་བ་དུ་མ་དེས་སངས་རྒྱས་ཀྱི་ཞིང་དུ་མ་གསལ་བར་བྱས་ནས། སངས་རྒྱས་ཐམས་ཅད་ལ་ཡང་དག་པར་བསྐུལ་ནས། ཕྱིར་ཡང་བཅོམ་ལྡན་འདས་ཤཱཀྱ་ཐུབ་པའི་མཛོད་སྤུར་ཞུགས་པར་གྱུར་ཏོ། །
D543.088.0262a02.01སངས་རྒྱས་བཅོམ་ལྡན་འདས་ལ་ཡང་དག་པར་བསྐུལ་མ་ཐག་ཏུ་ནམ་མཁའི་ངོ་བོ་ཉིད་ཀྱི་ཏིང་ངེ་འཛིན་ལ་སྙོམས་པར་ཞུགས་ཏེ། གནས་གཙང་མའི་སྟེང་གི་ནམ་མཁའི་དཀྱིལ་དུ་བཞུགས་པར་གྱུར་ཏོ། །དེ་ནས་བཅོམ་ལྡན་འདས་ཤཱཀྱ་ཐུབ་པས་སངས་རྒྱས་ཐམས་ཅད་ལ་
D543.088.0262a03.01མཆོད་ནས་འཇམ་དཔལ་གཞོན་ནུར་གྱུར་པ་ལ་བཀའ་སྩལ་པ། འཇམ་དཔལ་ཕྱག་རྒྱའི་ལེའུའི་ཆོ་གའི་མཛོད་སངས་རྒྱས་ཐམས་ཅད་ཀྱི་བྱིན་གྱིས་བརླབས་པ་བཤད་ཀྱིས་ཉོན་ཅིག །དེ་ནས་འཇམ་དཔལ་གཞོན་ནུར་གྱུར་པས་སངས་རྒྱས་ཐམས་ཅད་ཀྱི་ཞབས་ལ་བཏུད་དེ་ཕྱག་
D543.088.0262a04.01འཚལ་ནས། བཅོམ་ལྡན་འདས་ཤཱཀྱ་ཐུབ་པ་ལ་འདི་སྐད་ཅེས་གསོལ་ཏོ། །དེ་བཞིན་གཤེགས་པ་ཐམས་ཅད་ཀྱི་མཛོད་ཀྱི་ཕྱག་རྒྱ་མཆོག་ཏུ་ཤིན་ཏུ་གསང་བ་གང་ཡིན་པ་དེ་དུས་ལ་བབ་པར་མཁྱེན་ན། བཅོམ་ལྡན་འདས་དེ་ནི་ལེགས་ཏེ་བཤད་དུ་གསོལ། སྐྱེ་བོ་མང་པོ་ལ་
D543.088.0262a05.01ཕན་པ་དང་སྐྱེ་བོ་མང་པོ་ལ་བདེ་བ་དང་འཇིག་རྟེན་ལ་སྙིང་བརྩེ་བ་དང་སྐྱེ་བོའི་ཚོགས་མང་པོའི་དོན་དང་ཕན་པ་དང་བདེ་བའི་ཕྱིར་དང་ལྷ་དང་མི་རྣམས་དང་སེམས་ཅན་ཐམས་ཅད་ལ་ཕན་པ་དང་བདེ་བ་དང་བདེ་བའི་རྣམ་པར་སྨིན་པར་འགྱུར་བའི་སླད་དུའོ། །དེ་ནས་བཅོམ་ལྡན་འདས་
D543.088.0262a06.01ཤཱཀྱ་ཐུབ་པ་ལ་འཇམ་དཔལ་གཞོན་ནུར་གྱུར་པས་གསོལ་བ་བཏབ་ནས། ཕྱག་རྒྱ་ཐམས་ཅད་ལ་གཟིགས་ཤིང་སངས་རྒྱས་ཐམས་ཅད་ལ་མཁྱེན་པར་བྱས་ནས། བྱང་ཆུབ་སེམས་དཔའ་ཐམས་ཅད་རབ་ཏུ་དགའ་བར་བྱེད་པ། འཕགས་པ་ཉན་ཐོས་དང་རང་སངས་རྒྱས་
D543.088.0262a07.01