完整藏文原文 · 德格版页 当前仅加载第 88 函德格 134a 版页；藏文 NFD、目录标记与异常页序保留在来源切片中，重复版页行以稳定序号区分。
ལ་དཀྱིལ་འཁོར་རྣམ་པ་གསུམ་གང་འདོད་པར་བྱའོ། །སེང་ལྡེང་གི་ཕུར་བ་བཞི་ལ་ཁྲོ་བོའི་རྒྱལ་པོའི་སྔགས་ལན་བདུན་བཟླ་ཞིང་ཕྱོགས་བཞིར་གདབ་བོ། །ཚོན་སྣ་ལྔའི་སྐུད་པ་ལ་ཁྲོ་བོའི་སྙིང་པོ་ལན་བདུན་བཟླས་པ་བྱས་ཏེ། དཀྱིལ་འཁོར་ཕྱོགས་བཞི་ཀུན་
D543.088.0134a01.01ནས་བསྐོར་བར་བྱའོ། །དེ་བཞིན་དུ་དབུས་ཀྱི་གནས་སུ་ནང་དུ་ཡང་ཟུར་བཞིར་བྱའོ། །དབུས་ན་གནས་པའི་དཀྱིལ་འཁོར་གྱི་སློབ་དཔོན་གྱིས་རང་གི་རིག་པ་རྩ་བའི་སྔགས་སྟོང་རྩ་བརྒྱད་བཟླ་བར་བྱའོ། །གཙུག་ཕུད་ལྔའི་ཕྱག་རྒྱ་ཆེན་པོ་བཅིངས་ནས་རྩ་བའི་སྔགས་ཀྱིས་གྲོགས་པོ་དང་།
D543.088.0134a02.01བདག་ཉིད་བསྲུང་བར་བྱས་ལ། སྔགས་ཟློ་བཞིན་དུ་དཀྱིལ་འཁོར་གྱི་ཕྱི་རོལ་ཏུ་བྱུང་སྟེ། དཀྱིལ་འཁོར་དེ་ལ་གཡས་སུ་བསྐོར་བ་བྱས་ནས་ཁ་ཤར་ཕྱོགས་སུ་བལྟས་ཏེ། ཀུ་ཤའི་སྟན་ལ་འདུག་པར་བྱའོ། །སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཡིད་ལ་
D543.088.0134a03.01བྱས་ཏེ། དཀྱིལ་འཁོར་དེའི་གྲུ་བཞི་ཀུན་དུ་ཀུ་ཤས་བསྐོར་ཞིང་དགྲམ་པར་བྱའོ། །དེ་ཉིད་ཀྱི་ཕྱི་རོལ་དུ་ཡང་བ་རྣམས་ཞག་གཅིག་གནས་པས་བསྙལ་ཞིང་དབྱུང་བར་བྱའོ། །དེ་ལ་དཀྱིལ་འཁོར་གྱི་སློབ་དཔོན་གྱིས་སྔོན་དུ་བྱ་བ་རྣམས་བྱས་ནས་རང་གི་རྒྱུད་ཀྱི་སྔགས་ལ་
D543.088.0134a04.01མཁས་པ་དང་། སེམས་ཅན་གྱི་དོན་གྱི་ཐབས་ཀྱི་ཕྱིར་ཐེག་པ་ཆེན་པོ་ལ་མོས་པ་དང་། ཞག་གཅིག་སྨྱུང་བར་བྱས་པ་དང་གྲོགས་བཟང་པོ་དང་ལྡན་པ་དང་། བསྟན་བཅོས་སྣ་ཚོགས་ཀྱི་ལས་མཐོང་བས། ཚོན་སྣ་ལྔའི་ཕྱེ་མ་ཞིབ་མོ་ཤིན་ཏུ་གསལ་ཞིང་ལེགས་པར་
D543.088.0134a05.01སྦྱར་བར་བྱས་ལ། ཡི་གེ་དྲུག་པའི་སྙིང་པོ་མངོན་པར་བཟླས་པའི་ཕྱེ་མ་དཀྱིལ་འཁོར་གྱི་དབུས་སུ་གཞག་པར་བྱའོ། །ཕྱི་རོལ་དུ་ཡང་རྒྱལ་མཚན་དང་བ་དན་བསྒྲེང་བ་དང་རྟ་བབས་བཞིས་བརྒྱན་པ་ཆུ་ཤིང་འབྲས་བུའི་ཚོགས་ཀྱིས་གཡུར་ཟ་བ་དང་རྔ་བོ་ཆེ་དང་རྫ་རྔ་
D543.088.0134a06.01བརྡུང་བ་དང་དུང་གི་སྒྲ་དང་དགའ་བ་དང་། བཀྲ་ཤིས་པའི་སྒྲ་སྒྲོགས་པ་དག་བྱའོ། །ཟུར་བཞི་ནས་ཆོས་མཉན་པ་དག་ལ་བཤད་པར་བྱའོ། །ཕྱོགས་བཞིར་ཐེག་པ་ཆེན་པོའི་མདོ་སྡེ་བཀླག་པར་བྱ་བ་ལ་འདི་ལྟ་སྟེ། བཅོམ་ལྡན་འདས་ཡུམ་ཤེས་རབ་ཀྱི་ཕ་རོལ་ཏུ་ཕྱིན་པ་ལྷོ་
D543.088.0134a07.01