完整藏文原文 · 德格版页 当前仅加载第 88 函德格 264b 版页；藏文 NFD、目录标记与异常页序保留在来源切片中，重复版页行以稳定序号区分。
མཐོང་བ་ཡི། །ལས་རྣམས་ཀུན་ནི་བྱེད་པ་ཡིན། །འཇམ་དཔལ་གསང་སྔགས་གང་ཡིན་པ། །དེ་དག་ཀུན་ལ་སྦྱར་བར་བྱ། །ཟློས་པ་ཡིད་ལ་གང་འདོད་པ། །དོན་དེ་མྱུར་དུ་གྲུབ་པར་བྱེད། །ལག་པ་དེ་བཞིན་རྣམ་བཀོད་ནས། །དེ་བཞིན་གཙུག་པུད་གཅིག་པར་བྱ། །
D543.088.0264b01.01སོར་མོ་གུང་མོ་ཡང་དག་སྦྱར། །ངེས་པར་གཙུག་པུད་གཅིག་པར་འགྱུར། །རྒྱ་འདི་ཕྱག་རྒྱ་ཆེན་པོ་སྟེ། །རྫོགས་པའི་སངས་རྒྱས་རྣམས་ཀྱིས་གསུངས། །གཞོན་ནུའི་སྔགས་ནི་རབ་བཀོད་དང་། །གང་ཡང་འཇིག་རྟེན་ཀུན་གྱི་ཡང་། །དེ་དང་སྦྱར་ན་འགྲུབ་འགྱུར་ཏེ། །
D543.088.0264b02.01མྱུར་བ་ཉིད་དུ་འགྲུབ་པར་འགྱུར། །དེ་བཞིན་འདི་ཡིས་བསྒྲུབ་བྱ་ནི། །སྔགས་མཆོག་རྒྱལ་བས་བཤད་པ་ཡིན། །ཆོ་ག་མཐོང་བའི་ལས་ཀྱིས་ནི། །འདི་དོན་མྱུར་དུ་བསྒྲུབ་པར་བྱ། །དེ་བཞིན་ལག་པ་ཡང་དག་སྦྱར། །སོར་མོའི་རྩེ་མོ་དགུག་ཅིང་དགོད། །མཛུབ་མོ་
D543.088.0264b03.01གཉིས་ནི་རྩེ་སྤྲད་དགུག །སོར་མོ་གཞན་ནི་རང་བཞག་ལ། །མཐེ་མོ་གཉིས་ནི་རབ་གཤིབ་ནས། །གུང་མོ་གཉིས་ནི་རབ་བརྐྱང་བྱ། །སྲིན་ལག་གཉིས་ནི་རྩེ་སྤྲད་བཀུག །ཨུཏྤ་ལ་རུ་བསྟན་པ་ཡིན། །འདི་ནི་བྱང་ཆུབ་སེམས་དཔའ་ཡི། །རྩ་བའི་སྔགས་ནི་བརྗོད་ཅིང་བྱ། །
D543.088.0264b04.01གཙུག་པུད་ལྔ་པར་བསྟན་པ་ཡི། །ལས་རྣམས་གང་ཡིན་དེ་དག་ཉིད། །དེ་ཀུན་ཨུཏྤ་ལ་ཡིས་ནི། །མྱུར་དུ་སྒྲུབ་པར་བྱེད་པ་ཡིན། །འདི་ནི་མཆོག་སྦྱིན་ཕྱག་རྒྱ་སྟེ། །མྱུར་དུ་ལོངས་སྤྱོད་སྒྲུབ་བྱེད་པའོ། །རྩ་བའི་སྔགས་དང་ལྡན་བྱས་ན། །མྱུར་དུ་ནོར་ནི་བྱེད་པར་འགྱུར། །ལག་
D543.088.0264b05.01གཉིས་དེ་བཞིན་སྦྱར་བྱས་ནས། །ལག་པ་གཉིས་པོ་རབ་བཀན་ལ། །ཁོ་ར་ཡུག་ཏུ་སོར་མོ་ཡིས། །དེ་ཉིད་ཁ་ནི་ཡང་དག་སྦྱར། །བཀྲ་ཤིས་ལྡན་པའི་རྣམ་པར་འབྱུང་། །མཛེས་པའི་རྣམ་པར་དགོད་པར་བྱ། །གུང་མོའི་སོར་མོའི་དབུས་སུ་ནི། །མཐེའུ་ཆུང་གཉིས་ནི་
D543.088.0264b06.01ཡང་དག་སྦྱར། །མཐེ་བོ་གཉི་ག་རྣམ་སྦྱར་བ། །ཕྱག་རྒྱ་བཀྲ་ཤིས་ལྡན་དུ་བརྗོད། །དོན་ཀུན་བྱེད་པའི་ཕྱག་རྒྱ་འདི། །ཞི་བའི་ལས་ལ་རབ་ཏུ་སྦྱར། །སྙིང་པོའམ་ཡི་གེ་དྲུག་ལྡན་པས། །ལས་རྣམས་ཀུན་ནི་བྱེད་པར་འགྱུར། །དེ་བཞིན་ལག་གཉིས་སྦྱར་ནས་ནི། །སོར་མོ་ཕན་ཚུན་རབ་སྦྱར་བ། །
D543.088.0264b07.01