完整藏文原文 · 德格版页 当前仅加载第 88 函德格 232a 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱས་ཀྱི་ཞིང་དག་སྟོངས་པ་ན་དམ་པའི་ཆོས་ཀྱི་ཚུལ་ནུབ་པའི་དུས་ཚོད་ན། དེ་བཞིན་གཤེགས་པ་ཐམས་ཅད་ཀྱི་སྔགས་ཀྱི་མཛོད་ཡང་དག་པར་བསྲུང་བའི་ཕྱིར་གཞོན་ནུ་ཁྱོད་ཀྱི་སྔགས་དང་རྒྱུད་རྣམས་ཀྱི་ཆོ་གའི་རྒྱལ་པོ་ནི་ཐུན་མོང་དུ་གྱུར་ཅིང་གཏེར་དུ་གྱུར་
D543.088.0232a01.01པར་འགྱུར་བ་ཡིན་ཏེ། སེམས་ཅན་ཐམས་ཅད་ཀྱི་བསམས་པ་ཡོངས་སུ་རྫོགས་པར་བྱ་བའི་ཕྱིར་ཆོ་ག་བཞིན་དུ་བཟླས་པ་བྱས་ན་ཐོབ་པ་ཡིན་ནོ། །འཇམ་དཔལ་དེ་བཞིན་གཤེགས་པ་ཐམས་ཅད་ཀྱི་སྔགས་དང་རྒྱུད་རྣམས་ཀྱི་འདི་ནི་སྙིང་པོར་གྱུར་པ་ཡིན་ཏེ། གཞོན་
D543.088.0232a02.01ནུ་ཁྱོད་ཀྱི་ཆོ་གའི་རྒྱལ་པོ་འདི་ནི་མཆོག་ཏུ་གྱུར་པ་ཡིན་ནོ། །ཡི་གེ་གཅིག་པའི་འཁོར་ལོས་སྒྱུར་བ་འདི་བཟླས་པས་ནི་དེ་བཞིན་གཤེགས་པ་ཐམས་ཅད་ཀྱི་རིག་པའི་རྒྱལ་པོ་བཟླས་པར་འགྱུར་རོ། །འཇམ་དཔལ་གཞན་ཡང་ཁྱོད་ཀྱི་ཆོ་གའི་རྒྱལ་པོ་གཏེར་དུ་གྱུར་པ། སྙིང་
D543.088.0232a03.01པོར་གྱུར་པ། མཆོག་ཏུ་གྱུར་པ། གཙོ་བོར་གྱུར་པ། ཡི་གེ་གཅིག་པ་སྔོན་བྱུང་བར་འགྱུར་རོ། །འདས་པའི་དུས་དང་འདས་པའི་དུས་ཚོད་དུ་གང་གཱའི་ཀླུང་གི་བྱེ་མ་དྲུག་ཅུ་རྩ་གཉིས་སྙེད་ཀྱི་དེ་བཞིན་གཤེགས་པ་དང་ཚེ་དང་ཡེ་ཤེས་དཔག་ཏུ་མེད་པ་རྣམ་པར་ངེས་པའི་དབང་པོའི་
D543.088.0232a04.01རྒྱལ་པོ་ཞེས་བྱ་བ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། བླ་ན་མེད་པ། སྐྱེས་བུ་འདུལ་བའི་ཁ་ལོ་སྒྱུར་བ། ལྷ་དང་མི་རྣམས་ཀྱི་སྟོན་པ། སངས་རྒྱས་
D543.088.0232a05.01བཅོམ་ལྡན་འདས་གང་གིས་དྲན་པ་ཙམ་མམ་མཚན་འཛིན་པས་ཀྱང་མཚམས་མེད་པ་ལྔའི་ལས་ཀྱང་ཟད་པར་འགྱུར་རོ། །གང་གི་མཚན་ཐོས་པ་ཙམ་གྱིས་ཀྱང་སེམས་ཅན་མང་པོ་ངེས་པར་བྱང་ཆུབ་ལ་གཞོལ་བར་འགྱུར་ན་སྔགས་འགྲུབ་པ་ལྟ་སྨོས་ཀྱང་ཅི་དགོས། སྔགས་ཟློས་
D543.088.0232a06.01པ་ཐམས་ཅད་ཀྱིས་ཀྱང་ངེས་པར་ཚེ་དང་ཡེ་ཤེས་དཔག་ཏུ་མེད་པ་རྣམ་པར་ངེས་པའི་དབང་པོའི་རྒྱལ་པོ་བཅོམ་ལྡན་འདས་དེ་བཞིན་གཤེགས་པ་འདི་ལ་དང་པོར་ངག་གིས་ཀྱང་ཕྱག་བྱས་ཏེ། བཅོམ་ལྡན་འདས་ཚེ་དང་ཡེ་ཤེས་དཔག་ཏུ་མེད་པ་རྣམ་པར་ངེས་པའི་དབང་པོའི་རྒྱལ་པོ་དེ་བཞིན་
D543.088.0232a07.01