完整藏文原文 · 德格版页 当前仅加载第 88 函德格 305b 版页；藏文 NFD、目录标记与异常页序保留在来源切片中，重复版页行以稳定序号区分。
བཟླས་པ་བྱས་ལ། དེ་བཞིན་དུ་ཟླ་བ་གཅིག་བྱས་ན་ངེས་པར་འོང་བར་འགྱུར་རོ། །འོངས་ནས་ཀྱང་འདོད་པ་ལ་ལོངས་སྤྱད་པར་བྱས་ན། མུ་ཏིག་གི་ཕྲེང་བ་བཟང་པོ་མལ་དུ་ཡོངས་སུ་བོར་ནས་ཐོ་རངས་འགྲོ་བར་འགྱུར་ཏེ། ཇི་སྲིད་ཟླ་བ་དྲུག་གི་བར་དུ་ཉིན་རེ་
D543.088.0305b01.01ཞིང་རྟག་ཏུ་གནས་པར་འགྱུར་རོ། །གལ་ཏེ་མུ་ཏིག་གི་ཕྲེང་བ་དེ་ལེན་ན་ནི་དེ་ཙམ་ཁོ་ནར་ཡོད་པར་འགྱུར་ལ། ཕྲེང་བ་རིན་པོ་ཆེ་ཆེན་པོས་ཉེ་བར་མཛེས་པར་བྱས་པ་དེ་ནི་ཏི་ན་ར་འབུམ་རི་བ་ཡིན་ནོ། །ཟླ་བ་དྲུག་འདས་ནས་ནི་རྟག་ཏུ་གནས་པར་འགྱུར་རོ། །ཆུང་མ་འདོད་
D543.088.0305b02.01པ་ཐམས་ཅད་སྟེར་བར་བྱེད་པ་ཇི་ལྟར་རྗེས་སུ་མཐུན་པ་འདོད་པ་དེ་ལྟར་རྗེས་སུ་མཐུན་པར་བྱས་ཏེ། ཉེ་བར་གནས་པར་བྱེད་དོ། །སྒྲུབ་པ་པོས་འདོད་པ་བཞིན་དུ་ཇི་ལྟར་འདོད་པ་བདག་ཉིད་ཀྱིས་མངོན་པར་སྤྲུལ་བར་བྱེད་དོ། །གནོད་སྦྱིན་མོ་ཐམས་ཅད་ཀྱི་ཆོ་ག་
D543.088.0305b03.01ཡང་འདི་ཡིན་ནོ། །ཇི་ལྟར་བསྟན་པ་འདི་དང་གཞན་དུ་ཡང་སྦྱར་བར་བྱའོ། །རྒྱལ་བ་མའི་སྔགས་ནི། ཨོཾ་ཛ་ཡེ་སུ་ཛ་ཡེ་ཛ་ཡ་མ་ཏི་སརྦ་ཀཱརྱཱ་ཎི་མེ་ཀུ་རུ་སྭཱ་ཧཱ། གསེར་མདོག་ལུས་ནི་སྣ་ཚོགས་ལུས། །སྔོ་ཞིང་འཁྱིལ་པའི་སྐྲ་དང་ལྡན། །ལྷ་མོ་ཡན་ལག་
D543.088.0305b04.01ཀུན་མཛེས་མ། །ཞི་བའི་འོད་ལྡན་སྐལ་ལྡན་དགེ། །སྙན་སྨྲ་སྒེག་ལྡན་གཙོ་མོ་སྟེ། །མུ་ཏིག་འོད་ལྡན་མཐོང་ན་མཛེས། །རབ་བསྔགས་གཟུགས་ལྡན་སྨིན་མ་མ་མཛེས། །འཇིག་རྟེན་ཀུན་གྱིས་ལེགས་པར་མཆོད། །ཅུང་ཟད་དམར་བའི་གོས་གྱོན་པ། །དེ་ནི་
D543.088.0305b05.01རྒྱལ་མར་མངོན་པར་སྟོན། །འདིའི་ཆོ་ག་ནི་དང་པོ་འབུམ་ཕྲག་གཅིག་བཟླས་པ་བྱས་ན་སྔོན་དུ་བསྙེན་པ་བྱས་པར་འགྱུར་རོ། །དེ་ནས་དགོན་པ་ཆེན་པོར་རབ་ཏུ་ཞུགས་ནས། འབྲས་བུའི་ཟས་ཟ་ཞིང་ཇི་སྲིད་དུ་རང་ཉིད་ཀྱི་གཟུགས་ཀྱིས་འོང་བ་དེའི་བར་དུ་བཟླས་པ་བྱའོ། །
D543.088.0305b06.01འོངས་ནས་ཀྱང་སྨྲ་བ་ནི་ཅི་ཞིག་བྱ་ཞེས་སོ། །གལ་ཏེ་མར་གྱུར་ན་ནི་མ་བཞིན་དུ་རེ་བ་ཐམས་ཅད་ཡོངས་སུ་རྫོགས་པར་བྱེད་ཅིང་། རྒྱལ་ཐབས་སྟེར་བར་བྱེད་ལ་ནོར་གྱི་བདག་པོ་ཆེན་པོ་ཡང་བྱེད་ལ་ཚེ་རིང་བ་ཉིད་དུ་ཡང་གནས་པར་འགྱུར་རོ། །ཅི་སྟེ་སྲིང་མོར་
D543.088.0305b07.01