完整藏文原文 · 德格版页 当前仅加载第 88 函德格 144b 版页；藏文 NFD、目录标记与异常页序保留在来源切片中，重复版页行以稳定序号区分。
གང་བ་བླངས་ནས་དཀྱིལ་འཁོར་དུ་ཞུགས་པ་དེ་དག་ལ་ཆུ་ཁྱོར་བ་གསུམ་ཤར་དུ་མངོན་པར་བལྟ་བར་བྱས་ལ་བླུད་པར་བྱའོ། །འདི་སྐད་དུ་བརྗོད་པར་བྱ་སྟེ། ཀྱེ་བྱང་ཆུབ་སེམས་དཔའ་འཇམ་དཔལ་གཞོན་ནུར་གྱུར་པའི་གསང་བའི་དམ་ཚིག་ལས་འདས་པར་གྱུར་ན་བསོད་ནམས་མ་ཡིན་
D543.088.0144b01.01པ་མང་པོ་སྐྱེ་བར་མ་བྱེད་ཅིག །སྔགས་ཐམས་ཅད་ཀྱང་འདོར་བར་མ་བྱེད་ཅིག །སངས་རྒྱས་དང་བྱང་ཆུབ་སེམས་དཔའ་དག་ཀྱང་སླུ་བར་མ་བྱེད་ཅིག །བླ་མ་མཉེས་པར་གྱིས་ཤིག །གཞན་དུ་དམ་ཚིག་ལས་འདས་པར་གྱུར་ན་སྔགས་འགྲུབ་པར་མི་འགྱུར་ཞིང་། བསོད་ནམས་
D543.088.0144b02.01མ་ཡིན་པ་མང་པོར་འགྱུར་རོ། །ཞེས་དེ་ལྟར་སྨྲས་ལ་གཏང་བར་བྱའོ། །དེ་ནས་དཀྱིལ་འཁོར་གྱི་སློབ་དཔོན་གྱིས་ཀྱང་ཞོ་དང་སྦྲང་རྩི་དང་མར་གྱིས་བཏགས་པའི་སཱ་ལུ་དང་འབྲས་ཐུག་པོ་ཆེའི་སྲེག་བླུགས་ཀྱིས་ཡི་གེ་བརྒྱད་པའི་སྙིང་པོ་དང་སྦྱིན་སྲེག་བྱའོ། །དེ་ནས་ལངས་ནས་
D543.088.0144b03.01དཀྱིལ་འཁོར་གྱི་དབུས་སུ་ཞུགས་ཏེ། སྔར་བསྟན་པའི་མེ་ཏོག་གིས། སྔར་བསྟན་པའི་ཆོ་གས་ལྷ་ཐམས་ཅད་ཡིད་ལ་བྱས་ཏེ་མཆོད་ཡོན་དབུལ་ལོ། །བདུག་པས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་དང་། རང་སངས་རྒྱས་དང་འཕགས་པ་ཉན་ཐོས་ཐམས་
D543.088.0144b04.01ཅད་དང་། ལྷ་དང་། ཀླུ་དང་། གནོད་སྦྱིན་དང་། ནམ་མཁའ་ལྡིང་དང་། དྲི་ཟ་དང་། མིའམ་ཅི་དང་། ལྟོ་འཕྱེ་ཆེན་པོ་དང་། སྲིན་པོ་དང་། ཤ་ཟ་དང་། འབྱུང་པོ་དང་། རྣལ་འབྱོར་པ་དང་གྲུབ་པ་དང་། དྲང་སྲོང་རྣམས་དང་སེམས་ཅན་ཐམས་ཅད་ཡང་དག་པར་
D543.088.0144b05.01བདུག་ནས་མེ་ཏོག་གཏོར་ཏེ། ཙནྡན་དང་གུར་གུམ་གྱིས་བསངས་ལ་སྔར་བསྟན་པའི་ཆོ་གས་སླར་གཤེགས་སུ་གསོལ་བར་བྱ་སྟེ། སེམས་ཀྱིས་ཐམས་ཅད་བཏང་བ་ཡིན་ནོ། །དེ་ནས་དཀྱིལ་འཁོར་གྱི་སློབ་དཔོན་གྱིས་བཤོས་དང་གཏོར་མ་དང་། ས་ཚོན་ཐམས་ཅད་ཆུ་བོར་དོར་
D543.088.0144b06.01བར་བྱ་བའམ། སྲོག་ཆགས་སྡུག་བསྔལ་བ་རྣམས་ལ་སྦྱིན་པར་བྱའོ། །ས་ཕྱོགས་དེ་ལེགས་པར་བྱུགས་ཤིང་འཇམ་པར་བྱས་ཏེ། ལེགས་པར་ཕྱག་པ་བྱས་ནས་བ་ལང་གི་ལྕི་བས་བྱུག་ཏུ་གཞུག་པའམ། ཆུས་བྱུག་པར་བྱ་བའམ། ཤིན་ཏུ་གཙང་བའི་སས་བྱུག་
D543.088.0144b07.01