完整藏文原文 · 德格版页 当前仅加载第 88 函德格 165a 版页；藏文 NFD、目录标记与异常页序保留在来源切片中，重复版页行以稳定序号区分。
འཐོབ་པར་འགྱུར་རོ། །ལས་ཀྱི་མཆོག་གཞན་ཡང་བསྟན་པ་ནི་བིལ་བའི་ཤིང་གཅིག་གི་རང་བཞིན་ལས་གྲུའི་བཞོན་པ་ཤིན་དུ་བརྟན་པ་དང་། ལེགས་པར་བྱས་ཏེ་དེ་ལ་ཞོན་ནས་གང་གཱའི་ཀླུང་ཆེན་པོར་ཞུགས་ཏེ། བིལ་བའི་ཤིང་ལས་རླུང་ཡོར་བྱས་ཏེ། དེ་ཉིད་
D543.088.0165a01.01ཀྱིས་གྲུ་དེ་རླུང་ཡོར་འཛིན་པ་མཁས་པ་གསལ་བ་དེས་ཕྱག་པར་བྱའོ། །གང་གཱའི་ཀླུང་ཆེན་པོ་མི་དོར་བར་ཡོངས་སུ་ཐད་ཀའམ། ཆུར་ཕྱག་པར་བྱའོ། །དེ་ནས་གཞན་གང་ཡང་རུང་བའི་སྔགས་རྩ་བའི་སྔགས་སམ། འབྲུ་དྲུག་པའམ། འབྲུ་གསུམ་པའམ། འབྲུ་བརྒྱད་པའམ་འབྲུ་
D543.088.0165a02.01གཅིག་པའམ། ཁྲོ་བོའམ་ཕོ་ཉའམ། འཁོར་གྱི་སྔགས་བཟུང་ནས། དང་པོར་རས་རིས་ཆེན་པོ་དེ་ཉིད་ནུབ་ཏུ་བལྟས་པས་བཞག་ལ། སྒྲུབ་པ་པོ་ཤར་དུ་བལྟ་བར་བྱའོ། །དེ་ནས་ཅི་ལྟར་འདོད་པའི་འོ་མ་དང་། ནས་ཆན་ཁྱོར་གང་ངམ་འབྲས་བུའི་ཁ་ཟས་སམ། ཆུ་དང་རྩ་
D543.088.0165a03.01བ་དང་། འབྲས་བུའི་ཁ་ཟས་ཀྱིས་འཚོ་ལ་མི་སྨྲ་བའི་དཀའ་ཐུབ་དང་། དུས་གསུམ་དུ་ཁྲུས་བྱ་ཞིང་གོས་ལན་གསུམ་བརྗེས་ནས་དགེ་བའི་ལས་བཟང་པོ་ཡང་དག་པར་སྤྱོད་པ་དང་། བློ་དགེ་བ་བཟང་པོ་དང་ལྡན་པའོ། །དང་པོར་རེ་ཞིག་རས་རིས་ཀྱི་མདུན་དུ་སྔར་ཅི་ལྟར་བསྟན་པའི་སྔར་
D543.088.0165a04.01བཤད་པའི་ཆོ་གས་རིག་པ་འབུམ་ཕྲག་དྲུག་ཅུ་བཟླའོ། །བཟླས་པ་ཟིན་པ་ན་གྲུ་དེ་རྒྱ་མཚོ་ཆེན་པོར་འགྲོ་བར་འགྱུར་རོ། །སྒྲུབ་པ་པོའི་ཡོ་བྱད་ཡང་དག་པར་བླངས་ཏེ་སྔར་གྱི་གནས་སུ་གཞག་པར་བྱའོ། །དེ་ནས་གྲུའི་བཞོན་པ་རྒྱ་མཚོ་ཆེན་པོར་འགྲོ་བ་ན་འཇིགས་པར་མི་བྱ་སྟེ་བཟློག་
D543.088.0165a05.01པར་ཡང་མི་བྱའོ། །སྒྲུབ་པ་པོ་མ་གཏོགས་པས་ཟློག་པར་ནུས་པ་ཡང་མ་ཡིན་ནོ། །དེ་ནས་དཔག་ཚད་སྟོང་དུ་གནས་པའི་རྒྱ་མཚོ་ཆེན་པོར་ཡང་ཡུད་ཙམ་གྱིས་འཇུག་པར་འགྱུར་ན། ལམ་ཐུང་ངུ་ལྟ་སྨོས་ཀྱང་ཅི་དགོས། རྒྱ་མཚོ་ཆེན་པོ་དེར་ཕྱིན་པ་ན་སྒྲུབ་པ་པོས་བསྒྲུབ་པའི་
D543.088.0165a06.01ལས་བརྩམ་པར་བྱའོ། །དེ་ནས་སེང་ལྡེང་གི་ཤིང་གི་མེ་སྦར་ལ། སྔར་བྱས་པའི་མེ་ཐབ་བམ། རྫ་མཁན་གྱིས་བྱས་པའི་སའི་སྣོད་ལ། མེ་ཏོག་ནཱ་ག་གེ་སར་ཙནྡན་དཀར་པོ་དང་ག་པུར་གྱིས་བསྲེས་པའི་སྲེག་བླུགས་ཀྱིས་ཤིན་ཏུ་ཉུང་བའམ་རབ་ཏུ་མང་བ་ཡང་རུང་འབུམ་ཕྲག་
D543.088.0165a07.01