完整藏文原文 · 德格版页 当前仅加载第 88 函德格 336b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ཚེ་སྐྱེ་བ་ཉི་ཤུར་ནི། །ལྷ་ཡི་ཕུན་སུམ་ཚོགས་པ་ཐོབ། །ཆོས་ཀྱི་བདག་ཉིད་དེ་མཐར་གྱིས། །རང་རྒྱལ་བྱང་ཆུབ་ཐོབ་པར་བྱེད། །སྔོན་གྱི་སྐྱེ་བའི་དུས་དག་ཏུ། །འདི་ཉིད་ལས་ནི་ཉེ་བར་བསགས། །བདག་ཉིད་ཆེན་པོ་རང་རྒྱལ་ལ། །གོས་ཀྱིས་ཀུན་ནས་བཀབ་པ་དང་། །
D543.088.0336b01.01གླང་པོ་རྟ་དང་ཤིང་རྟའི་རྒྱུར། །ལྷམ་ནི་རབ་ཏུ་ཕུལ་བར་གྱུར། །དེ་ལས་བློ་ལྡན་སེམས་དང་བས། །དེ་ཚེ་དེ་ལ་བཟའ་བ་བྱིན། །རྣམ་པར་སྨིན་པ་དེ་ཡིས་ནི། །ལྷ་ཡི་རྒྱལ་པོ་བརྒྱ་བྱིན་དུ། །སྐྱེ་བ་བྱེ་བ་ཕྲག་དགུར་ནི། །ལྷ་ཡི་འཇིག་རྟེན་དག་ཏུ་གྱུར། །ས་སྟེང་འོང་ནས་
D543.088.0336b02.01རྒྱལ་པོ་ནི། །དེ་ནས་སྐྱེ་བ་འདི་ལ་གྱུར། །གཞན་གྱིས་རྗེས་བསྒྲུབས་རྒྱལ་ཐབས་ནི། །རྗེས་སུ་སྤྱོད་པར་འགྱུར་བ་ཡིན། །དེ་ཡི་བུ་ཡང་རྒྱལ་པོ་ནི། །བཱ་རཱ་ཎ་སཱིར་རབ་ཏུ་གནས། །ཆགས་འོག་རྒྱལ་ཕྲན་གྱིས་བཅོམ་པའི། །རྒྱལ་ཐབས་རྣམ་འཇིག་འབྱུང་བར་འགྱུར། །
D543.088.0336b03.01དེ་ཡི་རྒྱལ་སྲིད་དགྲ་དང་ནི། །བྲམ་ཟེས་ཕལ་ཆེན་གནོད་པར་འགྱུར། །བག་མེད་འདོད་པ་སྤྱོད་པ་དང་། །རྒྱལ་པོ་དེ་ནི་གདོན་གྱིས་འཛིན། །ཕྱི་མ་ཡི་ནི་དུས་དག་ཏུ། །དེ་ནས་མཚོན་གྱི་བརྒྱབ་ནས་འཆི། །མ་ག་དྷཱ་རྒྱལ་དེ་དག་ནི། །ཕན་ཚུན་དུ་ནི་གནོད་བྱེད་པས། །
D543.088.0336b04.01ཟླ་བ་ཞེས་བྱའི་རྒྱལ་པོ་འདས། །ཤར་གྱི་ཕྱོགས་ཀྱི་ཀུན་ནས་ཀྱང་། །གང་གཱའི་འགྲམ་གྱི་མཐར་ཐུག་པར། །བཱ་རཱ་ཎ་སཱི་དེ་ལས་གཞན། །ཡི་གེ་པྲ་ཞེས་རྒྱལ་རིགས་ནི། །དེ་ཡི་ཚེ་ན་རྒྱལ་པོ་འབྱུང་། །གང་ཞིག་དམངས་རིགས་གྱུར་པ་ནི། །ཡི་གེ་ཧ་ཡིས་ཡོངས་སུ་མཆོད། །
D543.088.0336b05.01གྲོང་ཁྱེར་དགའ་བ་ཞེས་བྱ་བར། །གང་གཱའི་འགྲམ་ལ་ཡང་དག་རྟེན། །སྔོན་གྱི་ལས་ཀྱིས་ཡོངས་བསྐུལ་ནས། །རྒྱལ་རིགས་རྒྱལ་པོར་འབྱུང་བར་འགྱུར། །དེ་ཉིད་ལས་བྱས་བྱེད་བཅུག་དང་། །རྗེས་སུ་ཡང་ནི་ཡི་རང་བྱས། །དེ་ཚེ་དུས་ནི་འདས་པ་ན། །གསེར་ཐུབ་ཅེས་
D543.088.0336b06.01བྱའི་སྟོན་པ་འབྱུང་། །བཱ་རཱ་ཎ་སཱིའི་གྲོང་ཁྱེར་དུ། །ནོར་ཆེན་ལྡན་པའི་ཚོང་དཔོན་ཡོད། །ཚོང་དཔོན་བུ་ནི་བྱིས་པ་དེ། །བྱིས་པ་དག་གིས་ཡང་དག་བསྐོར། །ས་རྡུལ་དག་ལ་རྩེ་བའི་ཕྱིར། །ལམ་ཆེན་དག་ཏུ་ཞུགས་པར་གྱུར། །རང་ཁྱིམ་མཆོད་རྟེན་མཆོག་མཐོང་
D543.088.0336b07.01