完整藏文原文 · 德格版页 当前仅加载第 88 函德格 124b 版页；藏文 NFD、目录标记与异常页序保留在来源切片中，重复版页行以稳定序号区分。
འགྲུབ་ཅིང་ཡོངས་སུ་རྫོགས་པར་འགྱུར་རོ། །ཆོས་དྲུག་དང་ལྡན་ན་སྔགས་ཀྱི་སྤྱོད་པ་འགྲུབ་ཅིང་ཡོངས་སུ་རྫོགས་པར་འགྱུར་ཏེ། དྲུག་པོ་གང་ཞེ་ན། དཀོན་མཆོག་གསུམ་ལ་དད་པ་རྗེས་སུ་མི་གཅོད་པ་ཉིད་དང་། བྱང་ཆུབ་སེམས་དཔའ་ལ་དང་བ་རྗེས་སུ་མི་གཅོད་པ་ཉིད་དང་།
D543.088.0124b01.01འཇིག་རྟེན་དང་འཇིག་རྟེན་ལས་འདས་པའི་སྔགས་ལ་ཀུན་དུ་དགའ་བ་ཉིད་དང་། ཆོས་ཀྱི་དབྱིངས་སྤྲོས་པ་མེད་པ་ལ་ལྟ་བ་ཉིད་དང་། ཐེག་པ་ཆེན་པོའི་མདོ་སྡེ་ཟབ་མོའི་ཚིག་གི་དོན་མི་སྤོང་ཞིང་སྐྱོ་བ་མེད་པའི་སེམས་ཉིད་དང་། སྔགས་ཀྱི་སྤྱོད་པ་ཡོངས་སུ་བཙལ་བ་དང་། དགེ་བའི་
D543.088.0124b02.01ཕྱོགས་ཡོངས་སུ་མི་གཏོང་བ་ཉིད་དེ། ཆོས་དྲུག་པོ་འདི་དག་དང་ལྡན་ན་རིག་པའི་སྤྱོད་པ་དང་སྔགས་འགྲུབ་ཅིང་ཡང་དག་པར་སྒྲུབ་པ་ཉིད་དུ་འགྱུར་རོ། །ཆོས་བདུན་དང་ལྡན་ན་རིག་པ་སྒྲུབ་པའི་དུས་ཀྱི་ཐབས་ཐོབ་པར་འགྱུར་ཞིང་། སྔགས་ཀྱི་སྤྱོད་པ་ལ་རྗེས་སུ་སྤྱོད་པ་ཉིད་དུ་འགྱུར་
D543.088.0124b03.01ཏེ། བདུན་པོ་གང་ཞེ་ན། ཐེག་པ་ཟབ་མོ་ཤེས་རབ་ཀྱི་ཕ་རོལ་ཏུ་ཕྱིན་པ་ཉིད་སྒོམ་པ་དང་། ཀློག་པ་དང་། སྟོན་པ་དང་། འདོན་དུ་འཇུག་པ་དང་། འདྲི་བ་དང་། བྱང་ཆུབ་སེམས་དཔའི་སྤྱོད་པ་ལ་མོས་པ་ཉིད་དང་། དུས་དང་། ཕྱོགས་དང་། ངེས་པར་སྡོམ་པ་དང་། བཟླས་
D543.088.0124b04.01པ་དང་། སྦྱིན་སྲེག་དང་། མི་སྨྲ་བ་དང་། དཀའ་ཐུབ་ལ་གཞོལ་བ་ཉིད་དང་། རྟོགས་པ་དང་། བློ་དང་། དྲན་པ་དང་། ཤེས་རབ་དང་། བསྟན་པ་ལ་བསྙེན་པ་ཉིད་དང་། བྱང་ཆུབ་ཀྱི་ཚོགས་དང་། ཐེག་པ་ཆེན་པོ་དང་ཟབ་པའི་ཆོས་ཀྱི་ཚུལ་ལ་ཡང་དག་པར་རབ་ཏུ་ཞུགས་པ་
D543.088.0124b05.01ཉིད་དང་རང་དགའི་སྔགས་དགུག་པའི་བྱ་བ་ལ་མཁས་པ་ཉིད་དང་། སྙིང་རྗེ་ཆེན་པོ་དང་། བྱམས་པ་ཆེན་པོ་དང་། བཏང་སྙོམས་ཆེན་པོ་དང་། དགའ་བ་ཆེན་པོ་ཉིད་ཡོངས་སུ་བསྒོམ་པ་ཉིད་དང་སྤྲོས་པ་མེད་པའི་སེམས་ཅན་གྱི་ཁམས་ཀྱི་ཆོས་ཀྱི་དབྱིངས་ཀྱི་དེ་བཞིན་ཉིད་ལ་འཇུག་
D543.088.0124b06.01པ་གཉིས་སུ་མེད་པའི་ངོ་བོའི་ཐམས་ཅད་མཁྱེན་པའི་ཡེ་ཤེས་ཡོངས་སུ་ཚོལ་བ་ཉིད་དང་། སེམས་ཅན་ཐམས་ཅད་ཡོངས་སུ་མི་གཏོང་བ་ཉིད་དང་ཐེག་པ་དམན་པ་ལ་དགའ་བ་མེད་པ་ཉིད་དེ། ཆོས་བདུན་པོ་དེ་དག་གིས་ནི་རིག་པ་དང་སྔགས་འགྲུབ་ཅིང་ཡོངས་སུ་རྫོགས་པར་
D543.088.0124b07.01