完整藏文原文 · 德格版页 当前仅加载第 88 函德格 174b 版页；藏文 NFD、目录标记与异常页序保留在来源切片中，重复版页行以稳定序号区分。
ཤེས་ཉེན་ཅན། །རིགས་མཐོ་བརྟན་དང་དཔའ་བ་དང་། །བརྩེར་ལྡན་མཐོང་ན་དགའ་བ་དང་། །ཆོས་དང་ཆོས་མིན་རྣམ་དཔྱོད་ཤེས། །དེ་ལ་གྲུབ་པ་རྙེད་མི་དཀའ། །དེ་ལྟར་སྔགས་ཤེས་ཞུགས་པ་ནི། །གྲོང་དུ་སློང་ཕྱིར་རབ་ཏུ་འཇུག །སྔར་ནི་བརྟགས་པའི་གནས་དག་
D543.088.0174b01.01ཏུ། །ཅི་ལྟར་འདོད་བཞིན་སོང་ནས་ནི། །བློ་ལྡན་དག་པས་བསླང་བའི་སྣོད། །གཙང་བའི་ཕྱོགས་སུ་ཡང་དག་གཞག །ཕྱི་རོལ་སོང་ནས་རྐང་གཉིས་བཀྲུ། །དེ་ནས་ཡང་ནི་ཡན་ལག་སྟེ། །དེ་ཚེ་སྲོག་ཆགས་མེད་པའི་ཆུས། །ལག་པ་གཡས་པས་བྱིན་པ་གཡས། །
D543.088.0174b02.01ལག་པ་གཡོན་པས་བྱིན་པ་གཡོན། །ཡང་ན་གཉི་ག་དུས་གཅིག་བཀྲུ། །ས་ནི་ལག་གཡོན་ཡང་བཞག་ནས། །སྔར་ནི་ཡང་དག་བཞག་པ་ཡི། །བདུག་པ་གཙང་མའི་ས་དག་གིས། །ལག་པ་གཉིས་ནི་རབ་ཏུ་བཀྲུ། །དེ་ནས་སྔགས་ཀྱི་དག་བྱས་པའི། །དྲི་མེད་
D543.088.0174b03.01གཙང་སྦྲ་དག་སྣོད་ལ། །བ་ནི་སེར་སྐྱས་བོར་བ་ཡི། །ལྕི་བ་སར་པ་བླང་བར་བྱ། །སྲོག་ཆགས་མེད་པའི་ཆུར་སྦྱར་བས། །སྟོན་པ་ལ་ནི་དཀྱིལ་འཁོར་བྱ། །དང་པོ་ཐུབ་པ་མཆོག་ལ་ནི། །ཁོར་ཡུག་ཁྲུ་གང་ཙམ་དུ་བྱ། །གཉིས་པ་རང་སྔགས་མགོན་པོ་ལ། །གསུམ་
D543.088.0174b04.01པ་རང་རིག་ལྷ་ལའོ། །སྔགས་པ་བཟླས་པ་གང་བྱེད་པ། །རྟག་ཏུ་འང་དེ་ཉིད་བྱ་བ་ཡིན། །ཡང་ནི་སེམས་ཅན་ཐམས་ཅད་ཀྱི། །ལོངས་སྤྱོད་ཕྱིར་ནི་བསྟན་པ་ཡིན། །གཡས་སུ་འཇིག་རྟེན་མགོན་པོ་ཡི། །དཀྱིལ་འཁོར་འདི་ནི་རྟག་ཏུ་བྱ། །དཀོན་མཆོག་གསུམ་གྱི་
D543.088.0174b05.01དཀྱིལ་འཁོར་ནི། །གྲུ་བཞི་དག་ཏུ་བྱ་བ་ཡིན། །གཉིས་པ་རང་སངས་རྒྱས་རྣམས་ལ། །གསུམ་པ་སྟོབས་བཅུ་ལྡན་པའི་སྲས། །དཀྱིལ་འཁོར་བདུན་པོ་འདི་དག་ནི། །ཀུན་ནས་གྲུ་བཞིར་བྱ་བ་ཡིན། །ཁྲུ་གང་ངམ་ནི་ཁྲུ་ཕྱེད་དུ། །ཉིན་རེ་ཞིང་ནི་བྱ་བ་ཡིན། །སྡིག་པ་
D543.088.0174b06.01འཇིག་བྱེད་བཟླས་པ་ནི། །དབེན་པའི་ཕྱོགས་སུ་ཉིན་རེ་བྱ། །སྔགས་པ་དེ་ནས་ལངས་ནས་ནི། །འབད་པས་ལག་གཉིས་རབ་ཏུ་བཀྲུ། །གཙང་བའི་ཆུ་ཡིས་ཉེ་རེག་བྱ། །དག་ཅིང་སྲོག་ཆགས་སྤངས་པ་ཡི། །དྲི་མེད་གཙང་སྦྲས་འབད་ནས་ནི། །གཙང་བའི་སྣོད་
D543.088.0174b07.01