完整藏文原文 · 德格版页 当前仅加载第 88 函德格 123a 版页；藏文 NFD、目录标记与异常页序保留在来源切片中，重复版页行以稳定序号区分。
རྟེན་གྱི་རྗེས་སུ་རྣམ་པར་སྤྱོད་ཅིང་། སེམས་ཅན་རྣམས་ལ་འཚེ་བར་བྱེད་ཅིང་། གཏོར་མ་དང་། མེ་ཏོག་དམན་མ་ལ་སྤྱོད་པར་བྱེད་པ་དག་ལ་འདི་ལྟ་སྟེ། ཚངས་པ་མ་དང་། དབང་ཕྱུག་ཆེན་མོ་མ་དང་། ཁྱབ་འཇུག་མ་དང་། གཞོན་ནུ་མ་དང་། རྒན་བྱད་མ་དང་།
D543.088.0123a01.01ཕག་མོ་དང་། དབང་མོ་དང་། གཤིན་རྗེ་མོ་དང་། མེ་ཕྱོགས་མ་དང་། ཉི་མའི་བུ་མོ་དང་། འཇིག་རྟེན་མཐར་བྱེད་མ་དང་། ཆུ་ལྷ་མ་དང་། དབང་ལྡན་མ་དང་། རླུང་ཕྱོགས་མ་དང་། གཞན་གྱི་སྲོག་འཕྲོག་མ་དང་། མགོ་བྲེགས་མ་དང་། བྱ་མ་དང་། བྱ་མ་ཆེན་མོ་དང་།
D543.088.0123a02.01སྲུལ་མོ་དང་། ལུས་སྲུལ་མོ་དང་། སྐེམ་བྱེད་མ་སྟེ། མ་མོ་ཆེན་མོ་དེ་དག་ཀྱང་མ་མོའི་འཁོར་བྱེ་བ་ཁྲི་ཕྲག་བརྒྱ་སྟོང་དུ་མ་དང་བཅས་པ་དེ་དག་ཀྱང་འཁོར་གྱི་དཀྱིལ་འཁོར་ཆེན་པོ་དེར་སངས་རྒྱས་ལ་ཕྱག་འཚལ་ལོ་ཞེས་བྱ་བའི་ཚིག་འདོན་ཅིང་འཁོད་པར་གྱུར་ཏོ། །དེ་བཞིན་དུ་མི་དང་
D543.088.0123a03.01མི་མ་ཡིན་པ་བྱེ་བ་ཁྲི་ཕྲག་བརྒྱ་སྟོང་དུ་མ་དང་། སེམས་ཅན་དང་སེམས་ཅན་མ་ཡིན་པ་ནས་དམྱལ་བ་ཆེན་པོ་མནར་མེད་པ་ནས་སྲིད་པའི་རྩེ་མོའི་བར་དུ་ཐམས་ཅད་ཀྱང་སྐབས་འདིར་ནམ་མཁའི་དཀྱིལ་དུ་སྣང་བར་གྱུར་ཏོ། །སེམས་ཅན་གྱི་རིས་ན་སྲོག་ཆགས་སུ་ལ་ཡང་ཕན་
D543.088.0123a04.01ཚུན་མི་མཐུན་པ་མེད་པར་གྱུར་ཏོ། །སངས་རྒྱས་ཀྱི་བྱིན་གྱི་རླབས་དང་བྱང་ཆུབ་སེམས་དཔའི་ཆོ་འཕྲུལ་གྱི་རྒྱན་གྱིས་སངས་རྒྱས་བཅོམ་ལྡན་འདས་དང་འཇམ་དཔལ་གཞོན་ནུར་གྱུར་པ་སེམས་ཅན་ཐམས་ཅད་ཀྱི་སྤྱི་བོའི་གཙུག་ན་བཞུགས་པར་མཐོང་བར་གྱུར་ཏོ། །དེ་ནས་
D543.088.0123a05.01བཅོམ་ལྡན་འདས་ཤཱཀྱ་ཐུབ་པས་ཐམས་ཅད་དང་ལྡན་པའི་འཇིག་རྟེན་གྱི་ཁམས་སུ་སངས་རྒྱས་ཀྱི་སྤྱན་གྱིས་རྣམ་པར་གཟིགས་ནས་འཇམ་དཔལ་གཞོན་ནུར་གྱུར་པ་ལ་བཀའ་སྩལ་པ། དག་པའི་སེམས་དཔའ་སྔགས་ཀྱི་སྤྱོད་པའི་དོན་རྣམ་པར་གཏན་ལ་དབབ་པ་དང་
D543.088.0123a06.01ཏིང་ངེ་འཛིན་གྱི་ལེའུ་རབ་འབྱམ་བྱང་ཆུབ་སེམས་དཔའི་སྡེ་སྣོད་གང་འདི་བཤད་པའི་དུས་ལ་བབ་པར་སེམས་ན་ཤོད་ཅིག །དེ་ནས་འཇམ་དཔལ་གཞོན་ནུར་གྱུར་པ་བཅོམ་ལྡན་འདས་ཤཱཀྱ་ཐུབ་པས་རྗེས་སུ་གནང་བར་མཛད་པ་ན། ནམ་མཁའི་ངོ་བོ་དང་འདྲ་བའི་རྡོ་རྗེ་
D543.088.0123a07.01