完整藏文原文 · 德格版页 当前仅加载第 88 函德格 141a 版页；藏文 NFD、目录标记与异常页序保留在来源切片中，重复版页行以稳定序号区分。
གཞག་པར་བྱའོ། །ཤིན་ཏུ་གཙང་བ་དང་ཤིན་ཏུ་གཙང་སྦྲ་དང་ལྡན་པ་གཅིག་ནས་བརྒྱད་ཀྱི་བར་ཏེ་དེ་ལས་གཞན་མ་ཡིན་པ་དེ་དག་ཀྱང་ཕན་ཚུན་གཉེན་དུ་འབྲེལ་བ། རྒྱལ་པོ་རྒྱལ་རིགས་སྤྱི་བོ་ནས་དབང་བསྐུར་བའི་རྒྱལ་པོ་ཆེན་པོ་དག་གི་བུ་གཞོན་ནུ་མའམ་གཞོན་ནུ་མ་གྲོང་
D543.088.0141a01.01གི་ཆོས་མི་ཤེས་པའོ། །དེ་ཅིའི་ཕྱིར་ཞེ་ན། བཅོམ་ལྡན་འདས་གཞོན་ནུའི་གཟུགས་ཅན་བྱང་ཆུབ་སེམས་དཔའ་འཇམ་དཔལ་ནི་བྱིས་པའི་སྐྱེ་བོ་དགའ་བར་བྱེད་པ། གཞོན་ནུའི་རོལ་པ་ལ་དགྱེས་པ་དེས་ན་དང་པོ་ཉིད་དུ་གཞོན་ནུ་ནང་དུ་གཞུག་པར་བྱའོ། །རྒྱལ་པོ་ཆེན་པོ་མངོན་པར་འཕེལ་
D543.088.0141a02.01བ་དང་ཚེ་དང་ནད་མེད་པ་དང་། དབང་ཕྱུག་དང་སྐལ་བ་ཆེན་པོ་མངོན་པར་འཕེལ་བ་ཡིན་ཏེ། ཁྱད་པར་དུ་བྱིས་པ་རྣམས་ལ་ངེས་པར་སྔགས་གྲུབ་པས་གྲུབ་པ་གནས་པ་ཡིན་ཏེ། དེ་དག་སྔར་བཞག་པ་བྱས་ནས། གྲོགས་པོ་བག་ཡོད་པ་བཟང་པོ་དང་ལྡན་པས། དཀྱིལ་འཁོར་
D543.088.0141a03.01གྱི་སློབ་དཔོན་གྱིས་ག་པུར་གྱི་བདུག་པས་བདུགས་ཏེ། རྒྱབ་ཀྱིས་ཕྱོགས་པ་མ་ཡིན་པས་ཕྱི་རོལ་དུ་བྱུང་བར་བྱ་སྟེ། བྱུང་ནས་དུས་དང་ཅི་ལྟར་མཐུན་པའི་ཆུ་ལེགས་པར་གཙང་སྦྲ་བྱས་པ་དང་། སྲོག་ཆགས་མེད་པ་ལ་རྩ་བའི་སྔགས་བརྒྱ་རྩ་བརྒྱད་མངོན་པར་བཟླས་ཏེ། གཙུག་ཕུད་
D543.088.0141a04.01ལྔའི་ཕྱག་རྒྱ་ཆེན་པོས་ཕྱག་རྒྱར་བྱས་པའི་ཆུས་ཁྲུས་བྱས་ལ་ཉེ་རེག་བྱས་ནས། གོས་གཙང་མ་བགོས་པའི་གཙང་བས་མེ་ཐབ་ཀྱི་དྲུང་དུ་སོང་སྟེ། ཀུ་ཤའི་ཁྲེས་ལ་འདུག་ནས་བྱང་ཤར་གྱི་ཕྱོགས་སུ་མངོན་པར་བལྟས་ཏེ། མར་གྱི་སྦྱིན་སྲེག་ག་པུར་དང་གུར་གུམ་དང་། ཙནྡན་དང་
D543.088.0141a05.01བསྲེས་པས་སྟོང་རྩ་བརྒྱད་བྱའོ། །སྔར་བཤད་པའི་ཆོ་གས་སྤྱན་དྲང་བ་དང་གཤེགས་སུ་གསོལ་བ་བྱས་ཏེ། ཡང་དཀྱིལ་འཁོར་དུ་འཇུག་པར་བྱའོ། །ངེས་པར་ཡང་བུམ་པ་གང་བ་བརྒྱད་རས་གཙང་མའི་གོས་དང་ལྡན་པ། ཤིང་ཨ་མྲའི་ལོ་མ་དང་འབྲས་བུ་དང་ལྡན་པ་གསེར་དང་།
D543.088.0141a06.01དངུལ་དང་རིན་པོ་ཆེ་དང་། འབྲས་དང་འབྲུ་ནང་དུ་བཅུག་པ་གཅིག་བཅོམ་ལྡན་འདས་ཤཱཀྱ་ཐུབ་པ་ལ་དབུལ་ལོ། །གཉིས་པ་ནི་སངས་རྒྱས་ཐམས་ཅད་ལའོ། །གསུམ་པ་ནི་རང་སངས་རྒྱས་ཐམས་ཅད་དང་འཕགས་པ་ཉན་ཐོས་ལའོ། །བཞི་པ་ནི་བྱང་ཆུབ་སེམས་དཔའ་ཆེན་པོ་ཐམས་ཅད་ལའོ། །
D543.088.0141a07.01