完整藏文原文 · 德格版页 当前仅加载第 88 函德格 338a 版页；藏文 NFD、目录标记与异常页序保留在来源切片中，重复版页行以稳定序号区分。
བྱའི་རྒྱལ་པོ་ཡིན། །རྣམ་སྨིན་དེ་ཡིས་མི་འདོད་པ། །ཡུན་རིང་སྡུག་བསྔལ་རྗེས་སུ་མྱོང་། །ཚོང་དཔོན་མཆོག་གི་བུ་དེ་ནི། །ལུས་ཞིག་ནས་ནི་བདེ་འགྲོར་སོང་། །དེ་དང་དེར་ནི་ལྷ་གནས་སུ། །ཡུན་རིང་བདེ་བ་རྗེས་སུ་མྱོང་། །དེ་ཚེ་དེ་ཚེ་དེ་དང་དེར། །ཤི་འཕོས་
D543.088.0338a01.01ལྷ་ཡི་འཇིག་རྟེན་གནས། །དེ་ཚེ་ཐ་མའི་སྐྱེ་བ་ལ། །ཐམས་ཅད་དུ་ནི་འཆིང་བ་གཅོད། །ཐ་མའི་སྐྱེ་བ་ཐོབ་པ་ན། །མིར་གྱུར་ས་ཡི་བདག་པོར་འགྱུར། །ལས་ཀྱིས་དེ་ཚེ་ཚེ་འཕོས་ནའང་། །དེ་ཚེ་དེ་ཚེ་དེ་དང་དེར། །འཇིག་རྟེན་དག་ཏུ་སྐྱེས་གྱུར་པ། །ས་སྟེང་མི་ཡི་བདག་པོར་
D543.088.0338a02.01བྱེད། །གང་ཞིག་མེ་ཏོག་དམན་མ་ནི། །བྱིས་པ་གཡོ་བ་དེས་ཕུལ་བ། །དེས་ན་ལོངས་སྤྱོད་ཉོན་མོངས་ཅན། །དེ་འདིའི་འབྲས་བུ་ཉོན་མོངས་ལྡན། །སྡུག་བསྔལ་ལོངས་སྤྱོད་ཐོབ་པ་ཡང་། །རྒྱལ་པོ་དེ་ཡི་བསྟན་པ་ཉམས། །མི་བརྟན་བྱིས་པའི་རང་བཞིན་དང་། །ཇི་ལྟ་
D543.088.0338a03.01དེ་ལྟར་གཡོ་སེམས་ཀྱིས། །ས་སྟེང་སྟོན་པའི་མཆོད་རྟེན་ལ། །མཆོད་པ་ཆེན་པོ་ཡོངས་སུ་བྱས། །རྣམ་པར་སྨིན་པའི་ལས་དེ་ཡིས། །བྱིས་པ་རྒྱལ་པོའི་དབང་ཕྱུག་བྱེད། །མེད་པར་རྒྱལ་པོ་བྱེད་པར་འགྱུར། །ཡོད་པ་རབ་ཏུ་འཇིག་པར་འགྲོ། །བྱང་དང་ནུབ་ཀྱི་བར་དག་
D543.088.0338a04.01ཏུ། །དེ་ནི་རྒྱལ་པོ་བྱེད་པར་འགྱུར། །བློ་གྲོས་གང་དེ་བཅིངས་པ་དང་། །བྱིས་པས་ཡང་ནི་རབ་དང་བ། །བྱིས་པས་བཅིངས་དང་གྲོལ་བ་ཡི། །རྣམ་སྨིན་ལས་ནི་དེ་ཡིས་སུ། །སྐྱེ་བ་དག་ནི་ལྔ་བརྒྱར་ཡང་། །བྱིས་པ་བཅིངས་དང་བཀྲོལ་བར་འགྱུར། །ཐ་མའི་སྐྱེ་བ་
D543.088.0338a05.01དེ་ཡི་ཚེ། །ཐམས་ཅད་དུ་ནི་འཆིང་བ་བཅད། །ལོ་ནི་ལྔ་བཅུ་ལྔ་དག་གམ། །བདུན་ཅུ་རྩ་བདུན་དག་ཏུ་འགྱུར། །ཤར་ཕྱོགས་རྒྱ་མཚོའི་མཐར་ཐུག་པར། །ས་སྟེང་དེ་ནི་རྒྱལ་པོར་འགྱུར། །འབིགས་བྱེད་རི་ཡི་ནང་གནས་པ། །མཐའ་འཁོབ་ཀླ་ཀློའི་རྐུན་མ་རྣམས། །དེ་དག་
D543.088.0338a06.01ཀུན་ལ་དབང་སྒྱུར་བའི། །ཡི་གེ་བ་མིང་རྒྱལ་པོར་འགྱུར། །གངས་ཅན་རི་ཡི་ནང་གནས་པ། །བྱང་གི་ཕྱོགས་ལ་བརྟེན་པ་ཡི། །དེ་ཚེ་རྒྱལ་རིགས་རྒྱལ་པོ་དེ། །ཡུལ་མི་ཀུན་ལ་སྤྱོད་པར་འགྱུར། །མི་ཤེས་བྱིས་པར་གྱུར་པ་ཡི། །མཆོད་རྟེན་ས་རྡུལ་གྱིས་བྱས་པས། །
D543.088.0338a07.01